Հա

Քաղաքական

09/05/2022 - 11:45

«Մեր աղօթքն է, որպէսզի խաղաղութիւն լինի աշխարհում ու մարդկութեան կեանքում». Գարեգին Բ

Ն.Ս.Օ.Տ.Տ. Գարեգին Բ Ամենայն հայոց կաթողիկոսը շնորհաւորական ուղերձ է յղել յաղթանակի եւ խաղաղութեան տօնի, Շուշիի ազատագրութեան եւ Պաշտպանութեան բանակի հիմնադրման օրերի առիթով։

Ն.Ս.Օ.Տ.Տ. Գարեգին Բ Ամենայն հայոց կաթողիկոսը շնորհաւորական ուղերձ է յղել յաղթանակի եւ խաղաղութեան տօնի, Շուշիի ազատագրութեան եւ Պաշտպանութեան բանակի հիմնադրման օրերի առիթով։

«Մայր Աթոռ Սուրբ Էջմիածնից Հայրապետական Մեր օրհնութիւնն ու շնորհաւորանքներն ենք բերում մեր սիրեցեալ ժողովրդին՝ յաղթանակի ու խաղաղութեան տօնի, Շուշիի ազատագրութեան եւ Պաշտպանութեան բանակի հիմնադրման օրերի առիթով, ինչպէս նաեւ մեր խոնարհումը՝ Հայրենական պատերազմի վետերաններին ու Արցախեան հերոսամարտերի քաջարի զինւորներին: Պանծալի այս տօները տակաւին բեկւած սրտերով եւ վշտացած հոգիներով ենք դիմաւորում, քանի որ դեռ չեն յաղթահարւել Արցախի դէմ սանձազերծւած պատերազմի աղէտալի հետեւանքները, չեն վերադարձել գերութիւնից մեր զաւակները, տեղեկութիւն չունենք անյայտ կորածների վերաբերեալ, իսկ հազարաւոր ընտանիքներ մնացել են առանց զաւակների կամ ծնողների: Մեր աղօթքն ու խոնարհումն ենք բերում զոհւած հայրենեաց պաշտպանների անմահ յիշատակին։

Սիրելիներ, ազգիս դարաւոր պատմութիւնը՝ դժւարութիւններն ու փորձութիւնները յաղթահարելու, յաղթանակներ կերտելու բազում վկայութիւններով, մեզ պատգամ է մատուցում նոյն ոգով դիմակայելու մեր ժողովրդի եւ հայրենիքի դէմ ծառացած ներքին ու արտաքին մարտահրաւէրներին։ Ազատ ու անկախ ապրելու իրաւունքի պաշտպանութեան համար մղւած պայքարները, որոնց նշանաւորումն է այսօր, խորհրդանիշն են համազգային համախմբւածութեան ու միաբանութեան, որոնք առաւել քան երբեք անհրաժեշտ են բարդագոյն այս իրավիճակում, որպէսզի միասնաբար դիմագրաւենք հառնած հիմնախնդիրներին եւ կերտենք վաղւայ նոր օրը, լուսաւոր ապագան եւ մեր նոր յաղթանակները։

Մեր աղօթքն է, որպէսզի խաղաղութիւն լինի աշխարհում ու մարդկութեան կեանքում, եւ յարուցեալ մէր Տէրը Իր Ամենազօր Աջի հովանու ներքոյ շինութեան ու ապահովութեան մէջ պահի մեր Հայրենիքը եւ զօրացնի համայն աշխարհասփիւռ մեր ժողովրդին արիութեամբ, յոյսով ու հաւատով, այժմ եւ միշտ. ամէն»,- ասւած է ուղերձում։

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։