Հա

Քաղաքական

24/05/2022 - 13:00

«Այդ թղթի կտորը, որով ինքը համաձայնել է, դաւաճանութիւն է ազգի նկատմամբ»․ Շարժումը ԱԳՆ փոխանցեց ժողովրդի ուղերձը

«Դիմադրութիւն» շարժման շրջափակած՝ Արտգործնախարարութեան շէնք մտած ԱԺ ընդդիմադիր պատգամաւորներ Արթուր Խաչատրեանին, Աշոտ Սիմոնեանին, Քրիստինէ Վարդանեանին, Արամ Վարդեւանեանին, Աննա Գրիգորեանին, Թադէոս Աւետիսեանին եւ այլոց ընդունեց արտաքին գործերի նախարարի տեղակալ Մնացական Սաֆարեանը, ով ընդգրկւած է Հայաստանի եւ Ադրբեջանի միջեւ պետական սահմանի սահմանազատման եւ սահմանային անվտանգութեան հարցերով յանձնաժողովի կազմում:

«alikonline.ir» - «Դիմադրութիւն» շարժման շրջափակած՝ Արտգործնախարարութեան շէնք մտած ԱԺ ընդդիմադիր պատգամաւորներ Արթուր Խաչատրեանին, Աշոտ Սիմոնեանին, Քրիստինէ Վարդանեանին, Արամ Վարդեւանեանին, Աննա Գրիգորեանին, Թադէոս Աւետիսեանին եւ այլոց ընդունեց արտաքին գործերի նախարարի տեղակալ Մնացական Սաֆարեանը, ով ընդգրկւած է Հայաստանի եւ Ադրբեջանի միջեւ պետական սահմանի սահմանազատման եւ սահմանային անվտանգութեան հարցերով յանձնաժողովի կազմում՝ յայտնում է Yerkir.am-ը։

«Այդ թղթի կտորը, որով ինքը համաձայնել է՝ դաւաճանութիւն է ազգի նկատմամբ. ինքը պիտի կորի գնայ, որպէսզի այս երկիրը չընկնի այն փոսը, որն ինքը փորել է»,-փոխարտգործնախարարին ասաց Արթուր Խաչատրեանը։

Թադէոս Աւետիսեանը նրան առաջարկեց Արցախի փոքրիկ դրօշը, ինչը Մնացական Սաֆարեանը փակցրեց հագուստին՝ ասելով, որ, կա՞յ ԱԳՆ-ում մի աշխատակից, ով կարող է յայտարարել, որ Արցախը երբեք չի լինելու Ադրբեջանի կազմում։

«Դուք այս ճգնաժամը մէկ նախադասութեամբ կարող էք յաղթահարել, պէտք է միայն ասէք այդ պարզ նախադասութիւնը՝ Արցախը երբեք չի լինելու Ադրբեջանի կազմում»,- ասաց պատգամաւոր, ՀՅԴ անդամ Քրիստինէ Վարդանեանը։

Արամ Վարդեւանեանը յաւելեց, որ Քրիստինէի բառերը 1992 թ. Գերագոյն խորհրդի որոշմամբ իրաւական ուժ ունեցող բառացի մէջբերում են, ոչ թէ կարծիք, եւ դրան հետեւելը ՀՀ ԱԳՆ-ի ուղղակի պատականութիւնն է։

Փոխարտգործնախարարին նաեւ հարցրին՝ Ալիեւն ու Էրդողանն իրար հետ զրուցելով ասել են, որ Սիւնիքի միջանցքը լինելու է․ լինելո՞ւ է, թէ՞ չի լինելու։

«Դուք լսել էք ԱԳՆ յայտարարութիւնները, ես լսեցի ձեր մեսիջները եւ կարծիքները»,- պատասխանեց Մնացական Սաֆարեանը։

ԱԺ պատգամաւորները դուրս եկան Սաֆարեանի աշխատասենեակից եւ յայտարարեցին, որ նախարարի տեղակալը այդպէս էլ չարտասանեց «Արցախը երբեք չի լինելու Ադրբեջանի կազմում» արտայայտութիւնը։

Մինչ այդ ԱԳՆ շէնքի պատուհաններից ընդդիմադիր պատգամաւորները ողջունեցին նախարարութեան շէնքը ժամեր շարունակ շրջափակած քաղաքացիներին, որոնք էլ արձագանգեցին․ «Պայքար, պայքար, պայքար»։

 

Յարակից լուրեր

  • ««Դիմադրութեան» շարժումը մօտենում է կարեւոր հանգրւանի»․ Իշխան Սաղաթելեան
    ««Դիմադրութեան» շարժումը մօտենում է կարեւոր հանգրւանի»․ Իշխան Սաղաթելեան

    Վաղը՝ ժամը 16։00-ին խորհրդարանում նշանակւած է արտահերթ նիստ, մենք գնալու ենք խորհրդարան։ Մինչեւ այդ ժամը բոլորի համար կայ հնարաւորութիւն արտայայտելու իրենց դիրքորոշումը։

  • «Ուրւագծւող ճգնաժամ. ԱԺ». «Այլընտրանքային նախագծեր» խումբ
    «Ուրւագծւող ճգնաժամ. ԱԺ». «Այլընտրանքային նախագծեր» խումբ

    Փողոցում առկայ լարւածութեան ֆոնին եւ կառավարման առկայ մոդելի պատճառով, երկրում ձեւաւորւում է նոր խոր ճգնաժամ։ Խօսքն Ազգային Ժողովի մասին է։ Այս մասին յայտարարութիւն է տարածել «Այլընտրանքային նախագծեր» խումբը:

  • Քայլերթ Ֆրանսիայի հրապարակից կանանց եւ երեխաների մասնակցութեամբ
    Քայլերթ Ֆրանսիայի հրապարակից կանանց եւ երեխաների մասնակցութեամբ

    «Դիմադրութիւն» շարժումը երեխաների իրաւունքների պաշտպանութեան միջազգային օրւայ կապակցութեամբ երէկ, յունիսի 1-ին Ֆրանսիայի հրապարակից կանանց եւ երեխաների քայլերթ էր կազմակերպել:

  • Իշխանութիւնները անէանում են
    Իշխանութիւնները անէանում են

    Թերեւս քիչ չեն այն հայերը, որոնք չեն ընկալել, թէ ինչ ուղղութեամբ են ընթանում Հայաստանի գործող իշխանութիւնները, սակայն, Հայաստանում եւ Սփիւռքում օրէցօր աւելացող, իրավիճակի օրահասականութիւնը համաչափ գնահատող քաղաքացիների պայքարը կարող է վերածւել իրական եւ խորքային փոփոխութիւնների տանող գործընթացի:

  • «Դիմադրութիւն» շարժմանն աջակցող մտաւորականների թիւը հասել է 265-ի
    «Դիմադրութիւն» շարժմանն աջակցող մտաւորականների թիւը հասել է 265-ի

    ՀՅԴ ԳՄ անդամ, ԱԺ «Հայաստան» խմբակցութեան պատգամաւոր Լիլիթ Գալստեանն իր ֆէյսբուքեան էջում ներկայացրել է հայրենի մտաւորականների կոչը եւ թարմացւած ցուցակը, որում ընդգրկւած են տարբեր ոլորտներ ներկայացնող մասնագէտներ` նկարիչներ, երաժիշտներ, գրողներ, բժիշկներ, իրաւաբաններ, տնտեսագէտներ, ճարտարապետներ, պատմաբաններ, բանասէրներ...

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։