Հա

Քաղաքական

01/06/2022 - 14:40

Իշխանութիւնները անէանում են

Թերեւս քիչ չեն այն հայերը, որոնք չեն ընկալել, թէ ինչ ուղղութեամբ են ընթանում Հայաստանի գործող իշխանութիւնները, սակայն, Հայաստանում եւ Սփիւռքում օրէցօր աւելացող, իրավիճակի օրահասականութիւնը համաչափ գնահատող քաղաքացիների պայքարը կարող է վերածւել իրական եւ խորքային փոփոխութիւնների տանող գործընթացի:

ՍԻՒՆԷ ՖԱՐՄԱՆԵԱՆ

 

Թերեւս քիչ չեն այն հայերը, որոնք չեն ընկալել, թէ ինչ ուղղութեամբ են ընթանում Հայաստանի գործող իշխանութիւնները, սակայն, Հայաստանում եւ Սփիւռքում օրէցօր աւելացող, իրավիճակի օրահասականութիւնը համաչափ գնահատող քաղաքացիների պայքարը կարող է վերածւել իրական եւ խորքային փոփոխութիւնների տանող գործընթացի:

Բազում հայեր միանալով, ինչպէս «Դիմադրութեան» շարժմանն, այնպէս էլ նմանօրինակ այլ նախաձեռնութիւններին, փորձում են կանգնեցնել եւ փոխել իշխանութիւնների համար ամենօրեայի վերածւած զիջումների ընթացքը. բացայայտող բնոյթի այդ վերջին նախաձեռնութիւններից «կողմ եմ»-ն էր, որն համայն հայութեանը կոչ էր անում՝ մէկ առ մէկ, դիրքորոշում արտայայտել հայութեան համար ճակատագրային թեմաների առնչութեամբ:

Այն, իրօ՛ք՝ կարեւոր գործընթացի տրամաբանական շարունակականութիւնը ապահովող որոշիչ օղակն է, որն իւրաքանչիւր հայի համար յանձնառութիւն է նախատեսում եւ որոնք անհրաժեշտ է վերահաստատեն Արցախի ժողովրդի իրաւունքների անսակարկելիութեան, Արցախն Ադրբեջանի կազմում յայտնւելու անհնարինութեան եւ հայութեան համար ճակատագրային կարեւոր թեմաների մասին, որոնց կիզակէտում պատասխանատւութեան ստանձման եւ դիրքորոշում արտայայտելու, լռութիւնը կոտրելու հարկադրանքն է:

Եւ, պատահականութիւն չէ, որ Հայաստանում ու ամենուր ընթացող ակցիաների ժամանակ յամառ դիմադրողներն այցելելով ՀՀ տարբեր գերատեսչութիւններ, հարցեր են ուղղում իշխանաւորներին այն մասին, թէ պատրաստ են արտաբերել զուտ հետեւեալ նախադասութիւնը՝ «Արցախը Ադրբեջանի կազմում չի լինելու»: Սա մասնաւորապէս՝ իշխանաւորներին ստիպում է առերեսւել սեփական սնանկ ԵՍ-ի հետ եւ՝ մերկանալ: Փողոցներ, համալսարաններ եւ ամենուր փնտրտուք է գնում: Մերկացման շքերթը մեկնարկած է: Կա՞ն արդեօք շնչաւոր ինչ-որ էակներ, որոնք կը խիզախեն արտաբերել՝ «Արցախը Ադրբեջանի կազմում չի լինելո՞ւ»-ն: Հնարաւո՞ր կը լինի գտնել նրանց, թէ՞ այդ շարքերում առհասարակ արդէն Արցախը մերժողներն են՝ «թրենդայինները», «հպարտները», ժամանակակից՝ «դուխովները»: Պատասխանը պարզ է ու կանխատեսելի:

Թերեւս, փաստացի չկան այդպիսիք եւ իշխանաւորները շարունակ խորշում են այդ բանաձեւից, իսկ անկեղծութիւն պահանջող գործընթացը ինքնախոստովանանքի առիթ լինելուց բացի, հայութեան համար ամբողջական իմաստով՝ լուսաւորչական բնոյթ է կրում իրական եւ խորքային փոփոխութիւնների տանելու առումով, որովհետեւ այն նախեւառաջ պահանջատիրութեան, հաշւետւողականութեան եւ արժեհամակարգի պայքար է, սեփական երկրին տէր կանգնելու, մասնաւորապէս՝ երիտասարդութեան համար, որոնք պահանջատէր մտածողութեան կրող են, որոնց համար Արցախը արժէք է, եւ որի կորստի ցաւն անցել է նրանց միջով, եւ որով նրանք ապրել, ինչու չէ նաեւ իմաստաւորել են սեփական ճանապարհը եւ որոնք դուրս են եկել անժամկէտ ու յարատեւ գործի եւ համակարգային պայքարի յանուն նախեւառաջ սեփական հայրենիքում փլուզւած արժեհամակարգի վերականգման:

Թէ ինչո՞ւ «Դիմադրութեան» շարժման փնտրտուքների արդիւնքով իշխանական պալատների շնչաւոր գոյացութիւնները կենդանութեան նշաններ չդրսեւորեցին եւ հրաժարւեցին նոյնիսկ լինել զուտ յուսադրող, ապա պարզ է եւ կրկնակի փաստում է նրանց անէացման միտման մասին, որովհետեւ յոյսը վերջինն է մեռնում: Իսկ նրանց մօտ այն փաստացի արդէն մեռել է:

Հետեւաբար, տրամագծօրէն կարելի է համարել, որ ՀՀ գործող իշխանութիւնների աւարտը հասել է: Եւ նրանց ջրի երես հանող խօսուն լռութիւնը վերածւել է հասարակութեան լոյս աշխարհ դուրս բերելու իրական գործընթացի մեկնարկի եւ աստիճանական վերականգման քայլերի, որոնք թէեւ հեշտ չեն, սակայն, իրագործելի: Քաղաքացիները մէկ առ մէկ սկսում են զարթնել, պատասխանատւութեան դրսեւորման նշոյլներ են ի յայտ գալիս, որոնք վերահաստատում են վերականգման պատրաստակամութիւնը:

Սակայն, վերջիվերջոյ, Արցախի ժողովուրդն ու արցախցու ինքնորոշման արդար իրաւունքը, սեփական ճակատագրին տէր կանգնելը, զուտ՝ հային պայքարակից դառնալը, թերեւս ոչ բոլորին ու ցանկացածին ընկալելի արժէք է. եթէ ոչ՝ վայելք:

Սա է առանցքը, որովհետեւ «Դիմադրութեան» շարժումն ու քաղաքացիների անկանոն եւ կանոնաւոր բողոքի ալիքները նաեւ քայքայւած էթիկական նորմերի վերադիրքաւորող, ուղղորդիչ շարժման դրսեւորումներ են: Սեփական ԵՍ-ի սահմանն ընդլայնելու յանուն հաւաքականութեան առաջ գնալու հաւաքական շահի համար ցանկալիից հրաժարւելու մասին:

 

Յարակից լուրեր

  • Միասնութեան հանրահաւաք Ֆրանսիայի հրապարակում` ի աջակցութիւն Արցախի
    Միասնութեան հանրահաւաք Ֆրանսիայի հրապարակում` ի աջակցութիւն Արցախի

    Երէկ` նոյեմբերի 5-ին, Ֆրանսիայի հրապարակում տեղի ունեցաւ Միասնութեան հանրահաւաք` ի աջակցութիւն Արցախի:

  • Որո՞նք են «Նոր մտքի» եւ նման այլ նախաձեռնութիւնների առաքելութիւնը
    Որո՞նք են «Նոր մտքի» եւ նման այլ նախաձեռնութիւնների առաքելութիւնը

    Հ. Մ. «Արարատ» կազմակերպութեան «Նոր միտք» նախաձեռնութիւնը, շաբաթ օրը հիւրընկալելու է բանաստեղծ, թարգմանիչ Նորվան Միքայէլեանին։ Քննարկման յայտարարութիւնը, մասնաւորապէս, ընդգծում է հետեւեալ հարցն՝ ո՞ւր ենք գնում։ Համոզւած լինելով, որ միջոցառման օրը/արդիւնքում կը հնչեն այս հարցադրման համար տրամաբանական լուծումներ, այդուհանդերձ, ցանկանում եմ նախքան միջոցառումը կենտրոնանալ ոչ թէ զուտ յայտագրի տեքստում նշւած հարցադրումներին, այլ հասկանալ, թէ իրականում որն է ակնկալիքը նման նախաձեռնութիւններից։

  • Արդեօք մենք բաբըլի մէջ ե՞նք
    Արդեօք մենք բաբըլի մէջ ե՞նք

    Այն, որ Հայաստանն ու Իրանը դիմագրաւում են բարդագոյն մարտահրաւէրներ, անհերքելի փաստ է: Այդ իրականութիւնը ցաւեցնող է. որովհետեւ իր երկրի ճակատագրի համար մտահոգ ցանկացած քաղաքացի առնւազն պէտք է, կոյր լինի սեփական ժողովրդի ապրածը չտեսնելու, չզգալու, չընկալելու համար:

  • Երբ ապրումակցում են Հայրենիքին. Հարցազրոյց՝ ՀՀ ԳԱԱ Արեւելագիտութեան ինստիտուտի Իրանի բաժնի վարիչ Գոհար Իսկանդարեանի հետ
    Երբ ապրումակցում են Հայրենիքին. Հարցազրոյց՝ ՀՀ ԳԱԱ Արեւելագիտութեան ինստիտուտի Իրանի բաժնի վարիչ Գոհար Իսկանդարեանի հետ

    1999թ․ ես աշխատում եմ ՀՀ ԳԱԱ Արեւելագիտութեան ինստիտուտի Իրանի բաժնում, մինչ այսօր երբեք Իրանի բաժինը նման կերպ հիմնովին չէր վերանորոգւել եւ չէր կահաւորւել։ Գիտէք, Հայաստանի իրանագիտական դպրոցը շատ ակտիւ է, ինչպէս ՀՀ ԳԱԱ Արեւելագիտութեան ինստիտուտի Իրանի բաժնի գիտաշխատողները, այնպէս էլ ԵՊՀ Արեւելագիտութեան ֆակուլտետի Իրանագիտութեան ամբիոնի դասախօսական կազմը, ի դէպ այս երկու կառոյցներն ակտիւօրէն համագործակցում են իրար հետ։ 

  • Պայքար ընդդէմ հաւատարմութեան
    Պայքար ընդդէմ հաւատարմութեան

    Հայաստանի իշխանութիւնները սփիւռքահայերի մուտքը հայրենիք խոչընդոտում են նրանց կրած բարոյական արժէքների, հայկական ինքնութեան կառչելու եւ դրսեւորած հաւատարմութեան համար: Խոչընդոտում են, որովհետեւ, սփիւռքահայ դաշնակցական երիտասարդը եւ ոչ միայն, Սփիւռքում ապրող հազարաւոր հայ երիտասարդներ սեփական կեանքը կապել/կապում են հայկականի հետ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։