Print this page
04/06/2022 - 15:20

«Այս իշխանութիւնը խուլիգանական վարքագծի տէր է». Արծւիկ Մինասեան

Քաղաքական առումով երէկ իշխանութիւնը ցոյց տւեց իր խուժանական կերպարը, ակնյայտ որեւէ քաղաքական վարքագիծ, կամ ժողովրդավարութեանը բնորոշ վարքագիծ իշխանութիւնը ցոյց չտւեց, ուղիղ հակառակը, ինքը ցոյց տւեց, որ ինքը ընդհանրապէս քաղաքական չի, ինքը խուլիգանական վարքագծի տէր իշխանութիւն է:

«alikonline.ir» - Քաղաքական առումով երէկ իշխանութիւնը ցոյց տւեց իր խուժանական կերպարը, ակնյայտ որեւէ քաղաքական վարքագիծ, կամ ժողովրդավարութեանը բնորոշ վարքագիծ իշխանութիւնը ցոյց չտւեց, ուղիղ հակառակը, ինքը ցոյց տւեց, որ ինքը ընդհանրապէս քաղաքական չի, ինքը խուլիգանական վարքագծի տէր իշխանութիւն է: Այս մասին այսօր` յունիսի 4-ին, լրագրողների հետ ճեպազրոյցի ընթացքում ասաց ՀՅԴ ԳՄ անդամ, ԱԺ «Հայաստան» խմբակցութեան քարտուղար Արծւիկ Մինասեանը:

«Իրաւական ոռումով մօտաւորապէս արդէն 50 դրւագում շատ պարզ երեւում է, թէ ինչպէս են ոստիկանական աշխատակիցը կամ ոստիկանական համազգեստում քողարկւած յանցագործը կիրառում բռնութիւն` ակնյայտ առողջութեան վնաս պատճառելով, նոյնիսկ կեանքին վտանգ սպառնացող կոնկրետ գործողութիւն: Ոստիկանական զօրքերը, որոնք ի սկզբանէ իրաւունք չունեն խաղաղ, առանց զէնքի մասնակցութեան հաւաքների մասնակցութեան, խախտւել է ի սկզբանէ: Այն որ մենք տեսնում ենք դիմակաւորւած կամ համազգեստ չունեցող անձանց ակնյայտ գործողութիւնները ոստիկանական զօրքերի կողմից կամ նրանց օժանդակելու նպատակով, կոնկրետ յանցագործութեան հետեւանքներ եւ դէպքեր են: Այս պահին մենք ունենք հսկայական թւով անձինք` այդ թւում քաղաքացիներ եւ ոստիկականական աշխատակիցներ, որոնց պատճառւել է միջին եւ ծանր չափի վնասներ, որոնց թիւ 1 պատասխանատուն եւ մեղաւորը այն անձինք են, ովքեր հրանագներ են իջեցրել այս ուժերի կողմից խաղաղ երթը ջարդելու ուղղութեամբ, ընդ որում ոստիկանութեան ներկայացուցիչները վնասւածքներ են ստաել այդ նոյն ոստիկանութեան գործողութիւնների հետեւանքով, ինչը բերել է յաւելեալ ագրեսիա ոստիկանական այ ուժերի կողմից ընդդէմ ակցիայի մասնակիցների»,- ասաց նա:

Մինասեանը նշեց, որ ոստիկանութիւնը սահմանափակում չդնելով մեծերի, անչափահասների նկատմամբ շատ բիրտ կերպով է գործողութիւններ իրականացրել եւ դրա համար պէտք է պատասխան տան:

«Այդ սադրանքներից յետոյ քաղաքացիների թիւը Ֆրանսիայի հրապարակում բազմապատկւեց, նրանք չեն գիտակցում, որ չի կարելի այդ ճանապարհով վախեցնել ժողովրդին»,- ասաց նա:

 

Յարակից լուրեր