Հա

Քաղաքական

10/06/2022 - 20:09

Բերման է ենթարկւել «Երկիր Մեդիա» հեռուստաընկերութեան տնօրէն Բագրատ Եսայեանը

Բերման է ենթարկւել «Երկիր Մեդիա» հեռուստաընկերութեան տնօրէն Բագրատ Եսայեանը

Բերման է ենթարկւել «Երկիր Մեդիա» հեռուստաընկերութեան տնօրէն Բագրատ Եսայեանը:

Այսօր՝ յունիսի 10-ին իր աշխատասենեակից բերման է ենթարկւել «Երկիր Մեդիա» հեռուստաընկերութեան տնօրէն Բագրատ Եսայեանը։ Ինչպէս հաղորդում է «Երկիր մեդիա» հեռուստաընկերութեան կայքը, նրան տարել են Նալբանդեան փողոցում գտնւող ԱԱԾ մեկուսարան։

Եսայեանի փաստաբան Վահէ Եփրիկեանը հեռուստաընկերութեանն ասել է, որ Բագրատ Եսայեանի հանդէպ իրականացւում է քաղաքական հետապնդում «Բագրատ Եսայեանի նկատմամբ իրականացւում է քաղաքական հետապնդում ՀՀ քր. օր. ֊ի 38 ֊ 225 ֊րդ յօդւածի 2-րդ մասով (զանգւածային անկարգութիւնների ժամանակ դրանց մասնակցի կողմից բռնութիւն գործադրելը, ջարդ կամ հրկիզում իրականացնելը, գոյք ոչնչացնելը կամ վնասելը, հրազեն, պայթուցիկ նիւթեր կամ պայթուցիկ սարքեր գործադրելը կամ իշխանութեան ներկայացուցչին զինւած դիմադրելը) եւ 164-րդ յօդւածի 1-ին մասով (լրագրողի մասնագիտական գործունէութեան խոչընդոտում), վերջինս ներկայ պահին ձերբակալւած է ուիր նկատմամբ հաւանաբար այսօր ներկայացւելու է կալանքի միջնորդութիւն։ Կանխաւ ցանկանում եմ նշել, որ վերոյիշեալ մեղադրանքի իմաստով պարոն Եսայեանը որեւէ արարք չիկատարել, աւելին` դէպքից անցել է շուրջ մէկ տարի ութ ամիս եւ հէնց այժմ նրան մեղադրանք առաջադրելն ու կալանաւորելը բացառապէս պայմանաւորւած է քաղաքական նպատակայարմարութեամբ»:

ԱԺ «Հայաստան» խմբակցութեան պատգամաւոր Գեղամ Մանուկեանը ֆէյբուքեան ուղիղեթերով յայտնել է, որ Եսայեանին բերման են ենթարկել 2 տարի առաջ յարուցւած քրէական գործի շրջանակում։

Ըստ Մանուկեանի՝ Բագրատ Եսայեանին մեղադրանք էր առաջադրւել նաեւ Գլխաւոր դատախազութեան մօտ 2020 թ. նոյեմբերի 10-ին տեղի ունեցած ակցիայի ժամանակ վարչապետ Նիկոլ Փաշինեանի հասցէին սեռական հայհոյանք հնչեցնելու համար։

«Այս ողջ ընթացքում Եսայեանը գտնւել է Երեւանում, եւ 2 տարի առաջւայ նախաքննութեան ընթացքում քննիչները կամ ԱԱԾ-ականները որոշել են, որ հէնց պիտի գան «Երկիր Մեդիա» հեռուստաընկերութիւն, պէտք է գան լրատւամիջոց, մտնեն Եսայեանի աշխատասենեակ եւ նրան այստեղից տանեն»,- ուղիղ եթերում ասել է պատգամաւորը։

 

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։