Հա

Քաղաքական

14/06/2022 - 12:00

Յունիսի 14-ին յաջորդելու է ՊԱՅՔԱՐԻ նոր օրը...

Մի քանի ժամից Ֆանսիայի հրապարակը կրկին լեփ-լեցուն է լինելու. կրկին Դիմադրութեան շարժման հանրահաւաք է յայտարարւած։ Տարբեր պատճառներով ակնկալիքներն էլ այլ են այսօր. սպասում են ազդարարւած նոր մարտավարութեան, գործողութիւնների մասին յայտարարութիւնների։ Մեթոդներն ու գործողութիւնները կարող են սրբագրւել, բայց բուն պայքարը չի դադարել, չի դադարի։ Տանը, թէ Ֆրանսիայի հրապարակում դիմաւորած ամէն օրս, ամէն լուսաբացս սկսւում է պայքարի մտքով։ 

Մի քանի ժամից Ֆանսիայի հրապարակը կրկին լեփ-լեցուն է լինելու. կրկին Դիմադրութեան շարժման հանրահաւաք է յայտարարւած։ Տարբեր պատճառներով ակնկալիքներն էլ այլ են այսօր. սպասում են ազդարարւած նոր մարտավարութեան, գործողութիւնների մասին յայտարարութիւնների։ Մեթոդներն ու գործողութիւնները կարող են սրբագրւել, բայց բուն պայքարը չի դադարել, չի դադարի։ Տանը, թէ Ֆրանսիայի հրապարակում դիմաւորած ամէն օրս, ամէն լուսաբացս սկսւում է պայքարի մտքով։ Ես պարտք ունեմ, առաքելութիւն ունեմ մեր սկիզբ դրած պայքարը մինչեւ վերջ հասցնելու։ Ամէն մէկս այդ առաքելութիւնն ունենք։ Այս 40 եւ աւելի օրերին հրապարակում, երթերին, անհնազանդութեան գործողութիւններին ներկայ իմ, մեր զինակից հայրենակցի վճռականութիւնը տեսնելով՝ վստահաբար նաեւ նրանց համար պայքարն ունի մէկ վերջնանպատակ՝ յաղթանակ։ Երկար գրելու ցանկութիւնս մեծ է, բայց հասկանում եմ, որ հեւքի մէջ չի էլ ընթերցւի։ Ուղղակի անեմ մի քանի արձանագրում.

- Անցնող 40 օրերի մեր պայքարի ընթացքում չենք ընկրկել, հաստատակամ ու ամուր առաջ ենք շարժւել:

- Հրապարակը այսօր կոչւում է Ֆրանսիայի, բայց վաղն այլ հրապարակում կը լինենք, միւս օրն՝ այլ։ Մենք այս օրերին ցոյց տւեցինք, որ ցանկացած հրապարակ մեզ համար բաց է։ Չէ որ քանի անգամ է եղել Հանրապետութեան հրապարակում եւս տասնեակ հազարաւոր մեր հայրենակիցների ներկայութեամբ շատերից եմ լսել առաջարկներ՝ վերջ մնում ենք այստեղ։

- Անցնող 40 օրերի մեր պայքարի ընթացքում չենք ունեցել փակ տարածքներ, վայրեր։ Որոշել ենք ու արել ենք։ Կանգնել ենք, շրջափակել ենք, կռիւ ենք տւել։

- Յունիսի 14-ն ունի մէկ առանձնայատկութիւն՝ ներւի փորձութեան օր է։ Այս իշխանութիւնը դաւադիր է, տմարդի է, թշնամու շահերն է սպասարկում ու թշնամու պէս էլ իրեն պահում է։ Չթողնենք, որ թշնամին կասկածի որդ մեր մէջ սերմանի։

- Կարեւորը՝ յունիսի 14-ին, ինչպէս նախորդ բոլոր օրերին, մէկ մարդու պէս գիտակցենք, որ պայքարը բոլորինս է, ընդհանուր է, միասնական կռիւ է, քննարկման ենթակայ չէ։ Անցնող բոլոր օրերին առաւել յաճելի էր շարքերում լինելը, առաջինների մէջ չքայլելը։ Յաճախ բեմերում չեմ եղել, բարձրախօս չունեցած՝ ափերով եմ վանկարկել, քանի որ մէկն եմ մեր տասնեակ հազարաւոր զինակիցներից։ Այդպէս էլ վարւելու եմ վաղը, միւս օրը։ Նոյնն ակնկալում եմ ամէն մէկիցս։ Քանի որ մենք դիմադրութեան շարժման զինւորներ ենք՝ կռիւ ենք տւել հաւասար, քայլել ենք հաւասար, ծեծւել ենք հաւասար, վնասւել ենք հաւասար, ու հաւասար եւ միասնական էլ յաղթելու ենք։

- Յունիսի 14-ին Ֆրանսիայի հրապարակի հանրահաւաքին յաջորդելու է յունիսի 15, 16, 17, 18 … այդ օրերն աւելի կարեւոր են։ Կարո՞ղ ենք ցոյց տալ, փաստել, որ մեր ուժականութիւնը չի պակասում։ Այդ դէպքում՝ ԿԸ ՅԱՂԹԵՆՔ։

- Ինձ համար կարեւորը յունիսի 15-ն է։ Երբ նոյն յամառութեամբ ու վճռականութեամբ շարունակենք մեր պայքարը։ Վստահ եմ, հազարաւոր մեր զինակիցներ շարքերում են լինելու։

- 19։30-ին ընտանիքով (միայն առանց որդուս, քանի որ նա ու մեր զինակիցներից շատերը ֆիզիկապէս հետներս չեն. ճաղերի յետեւում են) լինելու եմ Հրապարակում:

- Մեզ ճաղերի ետեւից տասնեակ մեր ընկերներն են հետեւում։ Նրանցից շատերին անխօս պարբերաբար այցելում եմ, այցելում ենք։ Նրանք են, որ ոգի են տալիս մեզ։ Նրանց տեղն էլ կանգնենք յունիսի 14-ին ու յաջորդ օրերին։ Մինչեւ մեզ միանան, կամ մեր ընդհանուր յաղթանակը նշեն։

- Վերջապէս՝ հռետորական ու մնայուն հարցը. մինչեւ ե՞րբ։ Պատասխանս կարճ է՝ մեր յամառութեան ու միասնականութեան դէպքում, երբ որ օրը որոշենք ու բոլորս լինենք, բոլորին հանենք փողոց։ Մենք դա կարող ենք։ Պէտք է ուղղակի ՈՐՈՇԵՆՔ։

- Իսկ դրա համար իրօք յունիսի 14-ից նոր մարտավարութիւն է պէտք սկսել։ Դիմադրութեանը նոր անդամագրում՝ փողոց առ փողոց, տուն առ տուն, ընտանիք առ ընտանիք, գիւղ առ գիւղ, մարզ առ մարզ։ Այս շաբաթների յամառութեամբ փաստեցինք՝ կարո՛ղ ենք։

- Հետեաբար, յունիսի 14-ին, 19։30 լինելով Ֆրանսիայի հրապարակում, պատրաստւենք, որ այն արդէն նեղ է մեզ համար, Հայաստանը պէտք է դարձնենք մեծ, մէկ ամբողջ հրապարակ ու յունիսի 15-ին շարունակենք պայքարը։

Կը հանդիպենք 19։30-ին, նոյն վայրում, որ յետոյ երթ անենք, յետոյ արդէն տարածւենք ողջ երկրով։

ԳԵՂԱՄ ՄԱՆՈՒԿԵԱՆ 

ՀՀ ԱԺ պատգամաւոր

 

Յարակից լուրեր

  • Մեծ դաւաճանութեան խճանկարի փոքրիկ պատառիկները...
    Մեծ դաւաճանութեան խճանկարի փոքրիկ պատառիկները...

    ՀՅԴ անդամ, ՀՀ ԱԺ «Հայաստան» խմբակցութեան պատգամաւոր Գեղամ Մանուկեանը գրում է.

    «ՈՒՇԱԴՐՈՒԹԻՒՆ. ՀՀ գլխաւոր դատախազութեան պաշտօնական գրութեամբ հերքւում է Հայրենիքի զանգւածային դաւաճանութեան մասին նիկոլի յայտարարութիւնները: Այս մասին, օրերս արւած հարցումիս ի պատասխան, յայտնել են Դատախազութիւնից։ Նշել են՝ «2020 թւականի սեպտեմբերի 27-ից մինչեւ նոյեմբերի 9-ը ԱԱԾ քննչական դեպարտամենտում պետական դաւաճանութեան յօդւածով ՔՐԷԱԿԱՆ ՈՐԵՒԷ ԳՈՐԾ ՉԻ ՅԱՐՈՒՑՒԵԼ»։

  • ՀՅԴ Հայաստանի ԳՄ անդամները եւ «Հայաստան» դաշինքի պատգամաւորները մարզային հանդիպումներ են ունեցել
    ՀՅԴ Հայաստանի ԳՄ անդամները եւ «Հայաստան» դաշինքի պատգամաւորները մարզային հանդիպումներ են ունեցել

    ՀՅԴ Հայաստանի ԳՄ ներկայացուցիչ Իշխան Սաղաթելեանը շաբաթներ առաջ յայտնել էր, որ «Դիմադրութիւն» շարժումը, Երեւանում ծաւալւող բողոքի ակցիաներին եւ Նիկոլ Փաշինեանի ազգակործան իշխանութեանը հեռացնելու գործողութիւնների զուգահեռ, ակտիւ աշխատանքներ են տարւում շարժումը մարզերում եւս տեղափոխելու ուղղութեամբ եւ արդէն ձեւաւորւել են մարզային խորհուրդներ։

  • «Արդար չէ, երբ ծովափից են հարց տալիս. լաւ կը լինէր՝ հասնէին Երեւան, նոր սոցմեդիայում նման հարցադրումներ անեին». Գեղամ Մանուկեան
    «Արդար չէ, երբ ծովափից են հարց տալիս. լաւ կը լինէր՝ հասնէին Երեւան, նոր սոցմեդիայում նման հարցադրումներ անեին». Գեղամ Մանուկեան

     

    ԱԺ «Հայաստան» խմբակցութեան պատգամաւոր Գեղամ Մանուկեանը 168.am-ի հետ զրոյցում անդրադարձաւ ընդդիմութեան հասցէին հնչող քննադատութիւններին, ստեղծւած իրավիճակում ընդդիմութեանը անգործութեան մէջ մեղադրողներին՝ նշելով, որ իրենք հէնց այս պահին էլ ակտիւ հանդիպումների մէջ են:

  • Սրանց համար Արցախինը հայկական սահման չէ
    Սրանց համար Արցախինը հայկական սահման չէ

    Արցախինը հայկական սահման չէ՞։ Սրանց համար, փաստօրէն՝ չէ։ Այնքան են այս իշխանութիւնները վախւորած թշնամու առաջ, որ նոյնիսկ չեն համարձակւում Անվտանգութեան խորհրդի նիստ գումարելու մասին պաշտօնապէս ասել, իրենց ֆէյքային չախոյանական կայքերով են դրա մասին լուր տալիս։ Այս իրավիճակը նորութի՞ւն է։ Ոչ իհարկէ։ 

  • Թորոսեանի գերդաստանից ոչ մէկն այսօր չէր լինի, եթէ չլինէր պայքարը՝ յանուն Հայրենիքի. Գեղամ Մանուկեան
    Թորոսեանի գերդաստանից ոչ մէկն այսօր չէր լինի, եթէ չլինէր պայքարը՝ յանուն Հայրենիքի. Գեղամ Մանուկեան

    Աննա Յակոբեանը 2018 թւականին յայտարարեց, թէ մեր տղերքը Արցախեան պատերազմում զոհւել են յանուն ոչնչի։ Մեծ աղմուկ բարձրացաւ, փորձեցին արդարանալ, փորձեցին սրբագրել, բայց այս միտքը, գաղափարը ամէն օր զարգացւում էր այս իշխանութեան, այսպէս ասած, խաղաղութեան դարաշրջանով։ Այս մասին «Փաստինֆօ»-ի եթերում ասել է ԱԺ «Հայաստան» խմբակցութեան պատգամաւոր, ՀՅԴ անդամ Գեղամ Մանուկեանը։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։