Հա

Քաղաքական

16/06/2022 - 12:10

«Իշխանութիւնն արդէն արդարացումներ է փնտրում խաղաղութեան օրակարգի տապալման հարցով». Տիգրան Աբրահամեան

44-օրեայ պատերազմից յետոյ եւ յատկապէս 2021-ի խորհրդարանական ընտրութիւնների քարոզարշաւի օրերին իշխանութիւնը շրջանառութեան մէջ դրեց ակնյայտ կեղծ «խաղաղութեան դարաշրջան» ձեւակերպումը։ Այս մասին ֆէյսբուքեան իր էջում գրել է ԱԺ «Պատիւ ունեմ» խմբակցութեան պատգամաւոր Տիգրան Աբրահամեանը:

«alikonline.ir» - 44-օրեայ պատերազմից յետոյ եւ յատկապէս 2021-ի խորհրդարանական ընտրութիւնների քարոզարշաւի օրերին իշխանութիւնը շրջանառութեան մէջ դրեց ակնյայտ կեղծ «խաղաղութեան դարաշրջան» ձեւակերպումը։ Այս մասին ֆէյսբուքեան իր էջում գրել է ԱԺ «Պատիւ ունեմ» խմբակցութեան պատգամաւոր Տիգրան Աբրահամեանը:

Նա, մասնաւորապէս, նշել է.

«Յատկապէս յետպատերազմեան շրջանի երկրների ու, մասնաւորապէս, պարտութիւն կրած կողմի պարագայում խաղաղութեան գործօնը կենսական նշանակութիւն ունեցող հարց է, որով այս իշխանութիւնը հասարակութեանը շանտաժի է ենթարկում, սպառնում, փորձում իշխանութիւն-ընդդիմութիւն դիմակայութիւնը ներկայացնել որպէս խաղաղութիւն/պատերազմ դիլեմա։ Իրականում իշխանութեան առաջ քաշած «խաղաղութեան իրակարգը» իր տակ որեւէ հիմնաւոր փաստարկ չունի։ Պարզ ասած, խաղաղութեան մասին ցանկութիւնը անրագրւած է, բայց դրան տանող բոլոր ճանապարհները «ականապատւած» են։

Աւելին՝ իշխանութիւնն ինքն է նաեւ խոստովանում, որ սա իր միակողմանի ցանկութիւնն է, իսկ ում հետ այդ օրակարգով բանակցում է լրիւ այլ տրամադրւածութիւն ունի։

Իշխող ուժի եւ երկրի ղեկը ստանձնածն, օրինակ, երեկ այս հարցի վերաբերեալ յայտարարեց, որ փորձում են գնալ խաղաղութեան ճանապարհով՝ «կը կարողանա՞նք, կը ստացւի՞, ոչ ոք չի կարող երաշխաւորել, որովհետեւ խաղաղութիւնը միակողմանի շարժում չէ, այլ՝ համագործակցութեան արդիւնք: Մենք իլիւզիաներ չունենք եւ տեսնում ենք, որ մեզ ոչնչացնելու ցանկութիւն ունեցողների թիւը մեծ է, աւելի մեծ, քան կարելի է ենթադրել: Եւ խաղաղութեան օրակարգը մեզ ոչնչացնելու, աշխարհում գոյութիւն ունեցող ցանկութիւնները կառավարելու եւ չէզոքացնելու փորձ է: Ոչ ոք երաշխիք չի կարող տալ, որ խաղաղութեան օրակարգը յաջողութիւն կունենայ»։

Իշխանութեան ինքնախոստովանական ցուցմունքը կարեւոր արձանագրում է, որովհետեւ հասարակութեան՝ իշխանութեանը չսիրելով աջակցելու կամ պասիւ կեցւածք ընդունելու առանցքային պատճառն այն է, որ մարդիկ մտածում էին, թէ ինչ գնով էլ լինի այս իշխանութիւնը խաղաղութիւն կարող է բերել։

Սակայն իշխանութիւնը աստիճանաբար յետ է քաշւում իր երբեմնի վստահ յայտարարութիւնից եւ արդէն արդարացումներ է փնտրում խաղաղութեան օրակարգի տապալման հարցով, իհարկէ պատասխանատւութիւնը բարդելով ՀՀ-ի նկատմամբ թշնամաբար տրամադրւած երկրների եւ «միջազգային հանրութեան» վրայ։

Իշխանութեան առաջադրած «խաղաղութեան դարաշրջանը» իրականում Հայաստանն ու Արցախը խաղաղ յանձնելու օրակարգն է, որի դէմը պէտք է առնել»։

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։