Հա

Քաղաքական

22/06/2022 - 14:05

«Այլապէս մնում են, որ ի՞նչ անեն». Կարէն Խանլարեան

Երբ իշխանութիւնները իրենց քաղաքական ներկայիս դիսկուրսը չափում, համեմատում են, ոչ թէ ՀՀ կառավարութեան հնգամեայ ծրագրով յայտարարւած դոկտրինաներով, այլ եւ Դիմադրութեան շարժման քաղաքական պահանջներով,

«alikonline.ir» - Իսլ. խորհրդարանում Թեհրանի եւ հիւսիսային իրանահայութեան նախկին պատգամաւոր, ՀՅԴ պաշտօնաթերթ «Դրօշակ»-ի նախկին խմբագիր դոկտ. Կարէն Խանլարեանն իր ֆէյսբուքեան էջում գրում է.

«Երբ իշխանութիւնները իրենց քաղաքական ներկայիս դիսկուրսը չափում, համեմատում են, ոչ թէ ՀՀ կառավարութեան հնգամեայ ծրագրով յայտարարւած դոկտրինաներով, այլ եւ Դիմադրութեան շարժման քաղաքական պահանջներով,

- Երբ իշխանութիւններն իրենց Դիմադրութեան շարժման հետ լոգիստիկական մրցակցութեան մէջ են տեսնում պարզապէս,

- Երբ իշխանութիւնները խօսում են բանակցութիւններում «նշաձողի իջեցնելու» մասին, առանց ֆիքսելու նշաձողը, այսինքն՝ առանց աշխարհին յայտարարելու Արցախի ինքնորոշման իրաւունքի պաշտպանութեան եւ նրա ապագայ կարգավիճակի մասին իրենց նախաբանակցային պատկերացումները եւ մօտեցումները,

- Երբ իշխանութիւնները իրենց 2022թ․ քաղաքականութիւնը հիմնաւորելու համար, հիմնւում են միմիայն 2021թ․ ընտրութիւնների արդիւնքների վրայ եւ իզօրու չեն ներկայացնել այլ տրամաբանութիւն,

- Երբ իշխանութիւնները յայտարարում են, թէ միայն երկու ճանապարհ կայ հայ ժողովրդի դիմաց՝ կամ «խաղաղութիւն», որի համար չեն տալիս որեւէ երաշխիք, կամ «ոչ խաղաղութեանը», որն էլ համարում են Արցախի եւ Հայաստանի կորուստ,

- Ապա նշանակում է, որ իշխանութիւնները գտնւում են կատարեալ անճարակութեան մէջ, որ այլեւս ժամանակն է՝ հաշւի նստել բոլոր քաղաքական ուժերի, այդ թւում, առաջնաբար Դիմադրութեան Շարժման տեսակէտների հետ, կամ էլ քաջաբար հրաժարւել, հեռանալ։ Եթէ իհարկէ առկայ չեն մանկական յամառութիւնից ու պնդաճակատութիւնից զատ, այլ անորոշ հանգամանքներ՝ յետին նպատակներ․․․

Այլապէս մնում են, որ ի՞նչ անեն»:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։