Հա

Քաղաքական

02/07/2022 - 08:38

ՀՀ եւ Թուրքիայի ներկայացուցիչները պայմանաւորւել են ցամաքային սահմանի հատման եւ ուղիղ օդային բեռնափոխադրումների հարցերի շուրջ

Հայաստանի եւ Թուրքիայի միջեւ յարաբերութիւնների կարգաւորման գործընթացի յատուկ ներկայացուցիչներ Հայաստանի Ազգային ժողովի նախագահի տեղակալ Ռուբէն Ռուբինեանը եւ դեսպան Սերդար Քըլըչը յուլիսի 1-ին չորրորդ հանդիպումն են անցկացրել Վիեննայում։

«alikonline.ir»- Հայաստանի եւ Թուրքիայի միջեւ յարաբերութիւնների կարգաւորման գործընթացի յատուկ ներկայացուցիչներ Հայաստանի Ազգային ժողովի նախագահի տեղակալ Ռուբէն Ռուբինեանը եւ դեսպան Սերդար Քըլըչը յուլիսի 1-ին չորրորդ հանդիպումն են անցկացրել Վիեննայում։

Ինչպէս «Արմէնպրես»-ին տեղեկացրին ՀՀ արտաքին գործերի նախարարութիւնից, կողմերը պայմանաւորւել են հնարաւոր ամենասեղմ ժամկէտներում Հայաստան-Թուրքիա ցամաքային սահմանը հատելու հնաւորութիւն ապահովել, համապատասխանաբար, Հայաստան եւ Թուրքիա այցելող երրորդ երկրների քաղաքացիների համար եւ որոշել են սկսել այդ ուղղութեամբ անհրաժեշտ գործընթացները:

«Պայմանաւորւել են նաեւ հնարաւոր ամենասեղմ ժամկէտներում  մեկնարկել Հայաստան-Թուրքիա ուղիղ օդային բեռնափոխադրումների իրականացումը եւ որոշել են սկսել այդ ուղղութեամբ անհրաժեշտ գործընթացները:

Բացի այդ, քննարկւել են այլ հնարաւոր կոնկրետ քայլեր, որոնք կարող են ձեռնարկւել երկու երկրների միջեւ լիարժէք կարգաւորման վերջնական նպատակին հասնելու համար»,- ասւում է հաղորդագրութեան մէջ։

Ըստ աղբիւրի՝ ի վերջոյ, կողմերը կրկին ընդգծել են իրենց պայմանաւորւածութիւնը՝ շարունակելու կարգաւորման գործընթացն առանց նախապայմանների։

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։