Հա

Քաղաքական

07/07/2022 - 11:50

«Արցախի՝ Ադրբեջանի կազմում ապագայ տեսնողներին ի՞նչ բացատրենք՝ բանակի կարեւորութիւնը, թէ սահմանային անվտանգութեան հետ կապւած առանձնայատկութիւնները». Տիգրան Աբրահամեան

Ո՞ւմ հետ, ի՞նչ խօսենք։

Արցախի՝ Ադրբեջանի կազմում ապագայ տեսնողներին ի՞նչ բացատրենք՝ բանակի կարեւորութիւնը, թէ սահմանային անվտանգութեան հետ կապւած առանձնայատկութիւնները։

Իրենց հետաքրքրքում է բանակի նկատմամբ ՔՊ կուսակցական վերահսկողութիւնը, այլ կարծիք հետաքրքիր չի։

«alikonline.ir» - ՀՀ ԱԺ «Պատիւ ունեմ» խմբակցութեան պատգամաւոր Տիգրան Աբրահամեանը ֆէյսբուքեան իր էջում գրում է․

«Իշխանութիւնը օրէնսդրական նախաձեռնութիւնների մի փաթեթ էր բերել, որի միակ նպատակը Զինւած ուժերի գլխաւոր շտաբի պետին պաշտպանութեան նախարարի առաջին տեղակալ դարձնելն էր։

Թեման տարբեր դիտանկիւններից բազմիցս վերլուծել եմ, եւս մէկ անգամ չեմ անդրադառնայ։

Դա ենթադրում էր միանգամից մի քանի օրէնքներում տեխնիկական փոփոխութիւններ։ Մի մասն էլ վերաբերւում է ԳՇ-ՊՆ-ԱԽ-վարչապետ յարաբերութիւններին։

Սրա մասին 4-5 ամիս է խօսում ենք, մի 4 ամիս առաջ նոյնիսկ ՊՆ-ին, ԳՇ-ին գրաւոր առաջարկ-դիտարկումներ ենք ներկայացրել, բայց իշխանութեան համար սա քաղաքական որոշում է եւ վերջ ու դրա համար նոյնիսկ չեն էլ արձագանգել։ Խնդիր է դրւած ԱԺ-ում անցկացնել։

Անկեղծ ասած չեմ հասկանում սպասումները կամ հարցադրումները, թէ «կարեւոր փաթեթ» էր «բարեփոխում», եթէ ընդդիմութիւնը ԱԺ-ում լինէր պաշտպանութեան նախարարին հարցակոխ կանէր։

Այսքան ժամանակ դեռ պարզ չդարձա՞ւ, որ սրանց համար կարեւորը կանդիցանեռով սենեակում նստելն ու պարգեւավճար ստանալն է, ձեռքի հետ էլ տենդեռ կամ արտոնութիւններ կպցնելը, գործուղումներ գնալը, բանակը կուսակցական դուքեանի վերածելը, ինչի մասին մանդատով, դրանից առաջ՝ առանց մանդատ, մեռանք խօսելով։

Ո՞ւմ հետ, ի՞նչ խօսենք։

Արցախի՝ Ադրբեջանի կազմում ապագայ տեսնողներին ի՞նչ բացատրենք՝ բանակի կարեւորութիւնը, թէ սահմանային անվտանգութեան հետ կապւած առանձնայատկութիւնները։

Իրենց հետաքրքրքում է բանակի նկատմամբ ՔՊ կուսակցական վերահսկողութիւնը, այլ կարծիք հետաքրքիր չի»։

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։