Հա

Քաղաքական

23/07/2022 - 08:40

«Մեծ ժառանգութեան տէր ՀՄԸՄ-ը այսօր ալ մեր հպարտութեան աղբիւրն է եւ ազգային անխորտակելի կամքի մարմնաւորումը». Յակոբ Տէր-Խաչատուրեան

ՀՅԴ Բիւրոյի ներկայացուցիչ Յակոբ Տէր-Խաչատուրեանի խօսքը Համա-ՀՄԸՄ-ական 11-րդ խաղերու բացման հանդիսութեան առթիւ.

ՀՅԴ Բիւրոյի ներկայացուցիչ Յակոբ Տէր-Խաչատուրեանի խօսքը Համա-ՀՄԸՄ-ական 11-րդ խաղերու բացման հանդիսութեան առթիւ.

Համա-ՀՄԸՄ-ական խաղերու յարգելի պատասխանատուներ,

պատուարժան հիւրեր եւ սիրելի հարազատներ,

ՀՄԸՄ-ը իրաւացիօրէն հայ ժողովուրդի նուիրեալ, երիտասարդ եւ ամենամեծ կամաւոր բանակն է, որ նահատակ ցեղի անմահ մնացորդացէն կերտեց նպատակասլաց, պինդ ու հայրենանուէր տորմիղ՝ ամենուրէք ծառայելու համար հայ ազգին, եւ ոչ միայն մարզական եւ սկաուտական ոլորտներէն ներս: Մէկ խօսքով՝ Հայ արիներու այս բանակը ոչ միայն ինքնակատարելագործման, մարմնով, մտքով բարձրանալու առաքելութեան է նուիրուած, այլ յատուկ ջանքի է լծուած մեր երիտասարդութիւնը մղելու նոր նշաձողեր յաղթահարելու՝ մարդկային ազնւութեան, գաղափարապաշտութեան եւ հայկական մաքուր դիմագծի կերտման մարզերէն ներս: Այս հնոցէն կոփուող երիտասարդը կը պատրաստուի դիմագրաելու համամարդկային ու համահայկական մարտահրաւէրները միաժամանակ:

Պոլսոյ մէջ ծնունդ առած այս մեծ կազմակերպութիւնը անմիջապէս հասաւ 1918-ին նոր անկախացած հայրենիք, իսկ անկախութեան կորուստէն ետք ինքն ալ դարձաւ տարագիր՝ եւ կեդրոնացաւ հայ Սփիւռքի մէջ իր կառոյցը ամէնուրէք արմատաւորելու գործին վրայ. Եւ ահա, ի մեծ ուրախութիւն բոլորիս, ՀՄԸՄը վերագտած է իր համահայկական առաքելութիւնը 1991-էն սկսեալ եւ այսօր կը հանդիսանայ հայրենիք-Սփիւռք կամրջող մեծ օղակ:

Ինչպէս միշտ, ՀՄԸՄ-ի ԿՎ համահայկական ու հայրենի ամէն նախաձեռնութիւն կը սկսի «Եռաբլուր» այցելութեամբ՝ յարգանքի տուրք մատուցանելու համար մեր նահատակներուն: Խիստ գնահատելի այս քայլը արդէն անքակտելի սովորութեան է վերածուած:

Մեծ ժառանգութեան տէր ՀՄԸՄ-ը այսօր ալ մեր հպարտութեան աղբիւրն է եւ ազգային անխորտակելի կամքի մարմնաւորումը: Վստահ ենք, որ ան շարունակաբար պիտի համախմբէ սերունդներ, գօտեպնդէ ազգային գաղափարախօսութեամբ, մղէ հայապահպանման, հայակերտման եւ Հայ Դատի պայքարի մարդկային ու հայկական ամենէն ազնիւ, պարկեշտ, նուիրեալ ու նպատակասլաց իդէալներով:

Սիրելիներ,

Սրտի այս խօսքս կ’ուզեմ փակել Անդրանիկ Ծառուկեանի ՀՄԸՄ-ին ալ այնքան պատշաճող փոթորկաշունչ պատգամով եւ Արարատին ուղղուած Ուխտով՝

«Պիտի շարքերը մեր խըրոխտ փոթորկին

Մեր պապերուն ի խնդիր սուրբ երազին…

Պիտի փշրի՛ն մեզ իրարմէ անջատող

Ճակատագրին սեւ պատնեշները բոլոր…

 

- Տե՛ս մեր շարքերը խանդաբորբ ու արի,

Տե՛ս մեր կարօտը՝ խոյանքով Վահագնի,

Տե՛ս մեր հոգին՝ քու ձեռքերուդ պես մաքուր,

Ու կամքը մեր, տե՛ս, ժայռերուդ պես ամուր,

Եվ հավատա՛, կրանիտեայ ո՛վ աստուած,

Սրբազա՛ն լեռ, հավատա՛,

Որ կը հասնինք, մենք կը հասնինք կատարիդ…»:

 

Վարձքը կատար ՀՄԸՄ-ի Կեդրոնական Վարչութեան, Հայաստանի ՀՄԸՄ-Հասկի վարչութեան եւ բոլոր ներկայ քոյրերուն ու եղբայրներուն, որոնք հայրենի երկնակամարին տակ համախումբ կատարելու են իրենց առաքելութիւնը:

Լիակատար յաջողութիւն ՀՄԸՄ-ի մեծ ընտանիքին:

ՅՏԽ
22.07.2022

 

Յարակից լուրեր

  • ՀՅԴ Հայ Դատի առաքելութեան համար Գանատայի Արեւմտեան շրջանին մէջ գոյացաւ 120 հազար տոլար
    ՀՅԴ Հայ Դատի առաքելութեան համար Գանատայի Արեւմտեան շրջանին մէջ գոյացաւ 120 հազար տոլար

    Հոկտեմբեր 1-ին, Վանգուվըրի Հայ կեդրոնին մէջ կայացած նուիրահաւաքի ընթացքին, Հայ Դատի առաքելութեան հաւատարիմ գանատահայեր 120 հազար տոլար հանգանակեցին ի նպաստ Արցախի եւ Հայաստանի։

  • Յակոբ Տէր-Խաչատուրեան հանդիպեցաւ Գանատայի NDP կուսակցութեան ղեկավար Ճակմիդ Սինկի հետ
    Յակոբ Տէր-Խաչատուրեան հանդիպեցաւ Գանատայի NDP կուսակցութեան ղեկավար Ճակմիդ Սինկի հետ

    Հոկտեմբեր 1-ին ՀՅԴ Բիւրոյի ներկայացուցիչ, ՀՅԴ Հայ Դատի Կեդրոնական խորհուրդի նախագահ Յակոբ Տէր-Խաչատուրեանն ու Հայ Դատի Արեւմտեան Գանատայի պատուիրակութիւնը Վանգուվըրի մէջ յատուկ հանդիպում ունեցան Գանատայի Նոր Ժողովրդավար կուսակցութեան (NDP) ղեկավար Ճակմիդ Սինկի հետ։

  • Արամ Մանուկեանի պատգամներով պէտք է շարունակենք պայքարը
    Արամ Մանուկեանի պատգամներով պէտք է շարունակենք պայքարը

    Այսօր մեր յարգանքի տուրքն ենք մատուցում մեր նորագոյն պատմութեան հերոսներից Արամ Մանուկեանի յիշատակին, մարդ, ով մարմնացումն է հայոց պետականութեան գաղափարի, հայ բազուկի ամրութեան, հայի գաղափարի պաշտանմունքին, հայրենիքի հանդէպ սիրոյ. այս մասին սեպտեմբետի 21-ին Հայաստանի Հանրապետութեան հիմնադիր Արամ Մանուկեանի շիրիմի մօտ յայտարարեց ՀՅԴ Բիւրոյի ներկայացուցիչ Յակոբ Տէր-Խաչատուրեանը:

  • «Ռուսաստանը պէտք է աւելի վճռական լինի». Յակոբ Տէտ-Խաչատուրեան
    «Ռուսաստանը պէտք է աւելի վճռական լինի». Յակոբ Տէտ-Խաչատուրեան

    Բոլորս էլ գիտենք, որ ռազմական գործողութիւնների դադարեցման գործում գլխաւոր դերակատարը Ռուսաստանն է` հակառակ այս խաղերին եւ յայտարարութիւններին: Բայց նաեւ պէտք չէ թերագնահատել Ֆրանսիայի թափած ճիգը` հարցը ՄԱԿ-ի խորհուրդ տանելով: Դա ողջունելի է: Մենք միշտ էլ ասել ենք, որ գնահատելով հանդերձ Ռուսաստանի ունեցած կարեւոր դերակատարուիւնը, որից ցանկանում ենք, որ աւելի վճռական լինի եւ մի քիչ աւելի իրապաշտ լինի Ադրբեջանի ոտնձգութիւնների նկատմամբ, բայց նաեւ ասել ենք, որ Մինսկի համանախագահող երկրները յատուկ պարտականութեամբ եւ ներդրմամբ, թէ ԱՄՆ-ն, թէ Ֆրանսիան, պէտք է այսպիսի իրավիճակներում հայանպաստ դիրքորոշումներ որդեգրեն:

  • «Հայութեան համար Արցախը մահու եւ կենաց խնդիր է». ՀՅԴ Բիւրոյի ներկայացուցիչ Յակոբ Տէր-Խաչատուրեան
    «Հայութեան համար Արցախը մահու եւ կենաց խնդիր է». ՀՅԴ Բիւրոյի ներկայացուցիչ Յակոբ Տէր-Խաչատուրեան

    ՀՅԴ «Ս. Թէհլիրեան» կոմիտէութեան կազմակերպութեամբ, կիրակի, 8 օգոստոս 2022-ին, կէսօրուան ժամը 1:00-ին Թորոնթոյի «Հայ Կեդրոն»-ին մէջ տեղի ունեցաւ «Հայրենիքը՝ Այսօր» հրապարակային հանրահաւաքը, ուր զեկուցեց ՀՅԴ Բիւրոյի ներկայացուցիչ ընկ. Յակոբ Տէր-Խաչատուրեանը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։