Հա

Քաղաքական

04/08/2022 - 11:35

«Նոր երթուղու դէպքում Ադրբեջանը փորձում է հասնել բուֆերային գօտու, անվտանգութեան շերտի վերացմանը». Աբրահամեան

ՀՀ ԱԳ նախարարութիւնը յայտարարութեամբ է հանդէս եկել, որում անդրադառնալով «Լաչինի միջանցք»-ի շուրջ ստեղծւած իրավիճակին նշում է. «Անթոյլատրելի ենք համարում ադրբեջանական կողմից հնչող յայտարարութիւնները, որոնցով փորձ է արւում միակողմանիօրէն փոփոխել Լաչինի միջանցքում եռակողմ յայտարարութեան 6-րդ կէտով սահմանւած իրաւական ռեժիմը, եւ վերահաստատում, որ Լաչինի միջանցքով անցնող երթուղին կարող է փոփոխւել միայն յայտարարութիւնը ստորագրած կողմերի հաստատած պլանի համաձայն։ 

«alikonline.ir» - ՀՀ ԱԳ նախարարութիւնը յայտարարութեամբ է հանդէս եկել, որում անդրադառնալով «Լաչինի միջանցք»-ի շուրջ ստեղծւած իրավիճակին նշում է. «Անթոյլատրելի ենք համարում ադրբեջանական կողմից հնչող յայտարարութիւնները, որոնցով փորձ է արւում միակողմանիօրէն փոփոխել Լաչինի միջանցքում եռակողմ յայտարարութեան 6-րդ կէտով սահմանւած իրաւական ռեժիմը, եւ վերահաստատում, որ Լաչինի միջանցքով անցնող երթուղին կարող է փոփոխւել միայն յայտարարութիւնը ստորագրած կողմերի հաստատած պլանի համաձայն։ Այս մասին ֆէյսբուքեան իր էջում գրել է ԱԺ «Պատիւ ունեմ» խմբակցութեան պատգամաւոր Տիգրան Աբրահամեանը:

Նա նաեւ նշել է. «Ի՞նչ է սա նշանակում եւ ինչից է բողոքում ԱԳՆ-ն։

Լաչինի միջանցքի երկայնքով կառուցւող ճանապարհով ՀՀ-ն Արցախի հետ կապող երթուղու շահագործման մասին «միջանցք» հասկացողութիւնը դուրս է գալու գործածումից եւ պարզապէս վերածւելու է ճանապարհի։

Յիշեցնենք, որ միջանցքի դէպքում սահմանւած էր ճանապարհի աջ ու ձախ հատւածներում 2.5-ական կմ հատւած՝ ընդհանուր 5 կմ լայնութեամբ, որն, ըստ էութեան, նաեւ բուֆերային գօտու դեր ունէր եւ այն սահմանւած էր առաջին հերթին անվտանգութեան նկատառումներով։

Նոր երթուղու դէպքում Ադրբեջանը փորձում է հասնել բուֆերային գօտու, անվտանգութեան շերտի վերացմանը, ինչի արդիւնքում տեսականօրէն, ճանապարհից 5-10 մետր հեռաւորութեան վրայ կարող են ադրբեջանական դիրքեր ու անձնակազմ տեղակայւել, ինչը բացառելի է գործող միջանցքի պարագայում (Շուշիի հատւածում այլ ռեժիմ է գործում)։

Թէ ինչ հետեւանքների կը բերի այս վտանգաւոր գաղափարի գոյութիւն հէնց միայն անվտանգային տեսանկիւնից, արդէն պարզ է, իսկ ՀՀ իշխանութիւնների տրաֆարետային յայտարարութիւնները զուտ իմիտացիոն, իշխանութեան պահպանման գործառոյթ ունեն»։

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։