Հա

Քաղաքական

04/08/2022 - 12:10

Թշնամու քարոզչամեքենան ստում է․ արբանեակային լուսանկարները հերքում են Ադրբեջանի ՊՆ-ի պնդումը

Օգոստոսի 3-ին Ադրբեջանի ՊՆ-ն յայտարարել է, թէ իբր հայկական ուժերի կողմից Ղարաբաղի լեռնաշղթայի Կրխկըզ բարձունքը գրաւելու փորձին ի պատասխան՝ ադրբեջանական կողմը նախաձեռնել է գործողութիւններ, որոնց արդիւնքում վերահսկողութիւն է սահմանել, մասնաւորապես, Կրխկըզ բարձունքի հանդէպ։

«alikonline.ir» - Օգոստոսի 3-ին Ադրբեջանի ՊՆ-ն յայտարարել է, թէ իբր հայկական ուժերի կողմից Ղարաբաղի լեռնաշղթայի Կրխկըզ բարձունքը գրաւելու փորձին ի պատասխան՝ ադրբեջանական կողմը նախաձեռնել է գործողութիւններ, որոնց արդիւնքում վերահսկողութիւն է սահմանել, մասնաւորապես, Կրխկըզ բարձունքի հանդէպ։ Գրում է Hetq.am-ը:

Սակայն արբանեակային լուսանկարներն ապացուցում են, որ ադրբեջանական քարոզչամեքենան ստում է։

Արցախի կամ Ղարաբաղի լեռնաշղթայի Կրխկըզ գագաթը (2680 մ), ինչպէս ցոյց են տալիս եւրոպական «Sentinel-2A» արբանեակից արւած լուսանկարները, մինչեւ օգոստոսի 3-ը եւս գտնւել է ադրբեջանական վերահսկողութեան տակ։ Օրինակ` ստորեւ ներկայացւած լուսանկարում, որն արւել է այս տարւայ յուլիսի 20-ին, երեւում է դէպի Կրխկըզ տանող ճանապարհը եւ մարտական դիրքը սարի վրայ (տես կապոյտ շրջանակի մէջ)։

Դէպի լեռ տանող ճանապարհը սկսւում է Քաշաթաղի շրջանի Շամք գիւղի (ադրբեջանական տարբերակը՝ Շամքենդ) տարածքից։ 

Ինչ վերաբերում է Արցախի պաշտպանութեան բանակի դիրքին, ապա այն գտնվում է թշնամու զբաղեցրած դիրքից ուղիղ գծով մոտ 2,6 կմ դեպի հյուսիս-արեւելք, 1900 մ բարձրության վրա (կարմիր շրջանակի մեջ, տես ստորեւ․ աղբիւրը՝ CNES/Airbus, դիրքերն ու ճանապարհներն այս արբանյակային պատկերում չեն երեւում, քանի որ այն արվել է 2019-ի օգոստոսին)։

Այսպիսով՝ ադրբեջանական քարոզչամեքենայի պնդումը, թե իբր իրենք գործողութիւն են կատարել ու վերահսկողութիւն սահմանել Կրխկըզ բարձունքի հանդէպ, սուտ է։ 

 

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։