Հա

Քաղաքական

08/09/2022 - 11:35

«Թէ ի՞նչ եղաւ յետոյ՝ Էդգար Ղազարեանը մի օր հանգամանալից կը բացատրի». Գեղամ Մանուկեան

«Հայաստան» խմբակցութիւնը սեպտեմբերի 12-ին խորհրդարան չի գնայ:

«Փաստինֆօ»-ի հետ զրոյցում խմբակցութեան պատգամաւոր Գեղամ Մանուկեանը վերահաստատեց՝ «Հայաստան» խմբակցութիւնը խորհրդարանում լինելու է բացառապէս սեփական օրակարգով.

«alikonline.ir» - «Հայաստան» խմբակցութիւնը սեպտեմբերի 12-ին խորհրդարան չի գնայ:

«Փաստինֆօ»-ի հետ զրոյցում խմբակցութեան պատգամաւոր Գեղամ Մանուկեանը վերահաստատեց՝ «Հայաստան» խմբակցութիւնը խորհրդարանում լինելու է բացառապէս սեփական օրակարգով.

«Ամսի 12-ին հանդիպելու ենք, որտեղ՝ դեռ չենք ուզում ասել, կը յայտարարենք դրա մասին: Մենք շարունակում ենք մնալ մեր որոշման տէրը, խորհրդարանի դահլիճում այդ օրը թէեւ ընդդիմութեան ներկայացուցիչներին չէք տեսնելու, բայց կը տեսնէք այլ հարթակներում»,- ասաց նա:

Իսկ թէ ո՞րն է ընդդիմութեան սեփական օրակարգը, Մանուկեանը պարզաբանեց. «Փորձելու ենք պարտադրել սեփական օրակարգը եւ օգտագործելու ենք մեր ողջ գործիքակազմը:

Հայաստանի եւ Արցախի Հանրապետութիւնների անվտանգային եւ պաշտպանական հարցերի շուրջ մենք պարբերաբար հանդէս ենք գալու նոր նախաձեռնութիւններով, ինչպէս նախկինում է եղել, օրինակ ապրիլ ամսին, երբ խորհրդարանական ընդդիմութիւնը նախաձեռնեց արտահերթ նիստ, որն իշխանութիւնները խուսափեցին մասնակցել»,- ասաց Մանուկեանը:

Նշենք, որ վերջին շրջանում ընդդիմադիր առանձին գործիչներ շատ են մեղադրում ՀՅԴ-ին, մասնաւորապէս, Իշխան Սաղաթելեանին՝ «Դիմադրութեան» շարժման տապալման մէջ, աւելին՝ նշում են, որ վերջինս պէտք է հեռանայ եւ շարժումը համակարգի մէկ այլ գործիչ:

Արձագանգելով այս մեղադրանքներին՝ Գեղամ Մանուկեանը նախ հետաքրքրւեց՝ թէ ո՞վ է մեղադրողը, արդեօ՞ք Էդգար Ղազարեանը.

««Դիմադրութեան» շարժումը ժողովրդի շարժումն է, այնտեղ չկայ առաջնորդ կամ առանձնայատուկ դեր, Իշխան Սաղաթելեանը ծանր պատասխանատւութիւն էր վերցրել իր վրայ՝ համակարգելու այդ շարժումը, քննադատատութիւններին կոնկրետ ծանօթ չեմ, բայց «Դիմադրութեան» շարժման անդամները պարբերաբար յայտարարել են՝ դաշտը բաց է, ով այս իշխանութիւնների դէմ պայքարում է, մենք նրա կողքին ենք, ինչպէս եղաւ օգոստոսի 23-ին Էդգար Ղազարեանի հանրահաւաքի ժամանակ, այդ օրը «Դիմադրութեան» շարժման ակտիւիստներն էին այնտեղ ու պայքարի զինակիցները, ինչ եղաւ յետոյ՝ Էդգար Ղազարեանը մի օր հանգամանալից կը բացատրի»,- ասաց նա:

Մեր հարցին՝ չի՞ կարծում արդեօք, որ շարժման տապալման հիմնական պատճառներից մէկը հէնց այն էր, որ ընդդիմութիւնը միասնական չի եւ պառակտումներ շատ են լինում՝ Գեղամ Մանուկեանը չհամաձայնեց մեզ հետ եւ յաւելեց. ««Դիմադրութեան» շարժումը ներքաղաքական չափորոշիչով պէտք չի չափել, քանի որ խօսքը վերաբերում է մեր երկրի անվտանգութեանը եւ մեր պետականութեան գոյութեանը»:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։