Հա

Քաղաքական

16/09/2022 - 12:50

Դեռ ոչ մի նահատակի անուն պաշտօնապէս չի յայտարարւել

Երեք ու կէս օրւայ ընթացքում ՀՀ պաշտպանութեան նախարարութիւնը չի հրապակում հաստատւած զոհերի անունները։ Աննախադէպ է նման վիճակը։ Անգամ Ապրիլեանի ժամանակ, այդ լայնածաւալ պատերազմական վիճակում կարճ ժամանակ անց հատիկ-հատիկ տրւեցին հերոսաբար նահատակւած 74 զոհերի անունները։

Թշնամական վերջին ագրեսիայի մեկնարկից անցել է արդէն գրեթէ 3 օր եւ 11 ժամ։ Արդէն երեք օր տարբեր հարթակներում, լրահոսում հրապարկւում են լուսաւոր դէմքերի լուսանկարներ, նահատկութեան մասին կարճ հաղորդագրութիւններ։ Բազմաթիւ սահմռկեցուցիչ նիւթեր են վխտում համացանցում։

Կորուստների իրական ծաւալի մասին պաշտպանութեան նախարարութիւնը պաշտօնապէս դեռ չի խօսում։ Հրապարկւած երկու ցաւալի թւերը հնչել են Նիկոլի կողմից, Ազգային Ժողովում, առանց ցաւի, իմիջիայլոց։ Բայց դրանք բացակայում են ՀՀ Պաշտպանութեան նախարարութեան պաշտօնական լրահոսում։

Ու ամենաահաւորը՝ սա բացառիկ դէպք է, երբ անգամ պաշտօնապէս հրապարկւած թւերը դեռ չեն ստացել մարդկային դէմք, դեռ միս ու արիւն չեն դարձել։ Դեռ ոչ մի նահատակի անուն պաշտօնապէս չի յայտարարւել։

Երեք ու կէս օրւայ ընթացքում ՀՀ պաշտպանութեան նախարարութիւնը չի հրապակում հաստատւած զոհերի անունները։ Աննախադէպ է նման վիճակը։ Անգամ Ապրիլեանի ժամանակ, այդ լայնածաւալ պատերազմական վիճակում կարճ ժամանակ անց հատիկ-հատիկ տրւեցին հերոսաբար նահատակւած 74 զոհերի անունները։

Ի՞նչ է սա՝ խուսափում իրական կորուստները ներկայացնելու՞ց, փնթիութիւ՞ն, անփութութիւ՞ն, ծառայողական պարտականութիւնների թերի կատարու՞մ… Իսկ միգուցէ նոյն տրամաբանութիւնն է, որով շարժւել է իշխանութիւնն արդէն 44-օրեայ պատերազմից սկսեալ. սրանց համար զինւորը արժէք չունի, այն սեփական քարոզչութեան մաս է ուղղակի։

Չկար որեւէ խոչնդոտ, արգելք, որ պաշտպանութեան նախարարութիւնը պարբերաբար հրապակէր բոլոր զոհերի անունները։ Այո, կարող էր յստակեցնել, որ ունենք անհետ կորածներ, դեռ կան գրավված դիրքեր, որտեղ մեր զոհւած դիրքապահներն են նաեւ։ Բայց հաստատւած անունները պարտաւոր էին հրապարկել, որ հասարակութիւնն էլ ճանաչէր իր նահատակներին։ Գործում է նիկոլական բնազդային վախը՞, որ հասարակութիւնը առաւել մեծ թափով կարող է ընդվզի, որն այլեւս անկասելի է։ Թէ՞ այստեղ էլ գործում է նիկոլական «անտրամաբանութիւնը»՝ «Սուգը՝ սուգ, բայց դուք ոչ թէ ողբացէք, այլ հպարտացէք»… Երբ չկայ կոնկրետ կենսագրութիւն, որբացած զաւակ, լուսանկար, իրական ճակատագիր, արդէն պատմութիւնը նաեւ ողբերգական է, որն էլ ձեռնտու չէ այս իշխանութեանը։

Իսկ ընդհանրական հերոսականութիւնը, ընդհանուր թիւը, համեմւած քարոզչութեամբ դառնում է այլեւս հպարտութեան նիւթ։ Անհայրենիք անաստւածներ։

 

ԳԵՂԱՄ ՄԱՆՈՒԿԵԱՆ

ՀՅԴ անդամ, ՀՀ ԱԺ «Հայաստան» խմբակցութեան պատգամաւոր

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։