Սեպտեմբերի 29-ին «ՀրապարակTV»-ի «Հինգշաբթի» հաղորդաշարի հիւրն էր ՀՅԴ անդամ, ՀՀ ԱԺ պատգամաւոր Գեղամ Մանուկեանը: Զրուցակիցները հիմնականում խօսել են Էջմիածնում Ամենայն հայոց կաթողիկոս, Ն.Ս.Օ.Տ.Տ. Գարեգին Բ-ի եւ հայկական երկու պետութիւնների նախկին նախագահների մասնակցութեամբ ձեւաւորւած հարթակի կարեւոր նշանակութեան եւ այդ ձեւաչափով կայացած առաջին քննարկման արդիւնքում ձեւաւորւած սպասելիքների եւ արձագանգների մասին։
«alikonline.ir» - Սեպտեմբերի 29-ին «ՀրապարակTV»-ի «Հինգշաբթի» հաղորդաշարի հիւրն էր ՀՅԴ անդամ, ՀՀ ԱԺ պատգամաւոր Գեղամ Մանուկեանը: Զրուցակիցները հիմնականում խօսել են Էջմիածնում Ամենայն հայոց կաթողիկոս, Ն.Ս.Օ.Տ.Տ. Գարեգին Բ-ի եւ հայկական երկու պետութիւնների նախկին նախագահների մասնակցութեամբ ձեւաւորւած հարթակի կարեւոր նշանակութեան եւ այդ ձեւաչափով կայացած առաջին քննարկման արդիւնքում ձեւաւորւած սպասելիքների եւ արձագանգների մասին: Անդրադարձ է կատարւել նաեւ սահմանային ծանր իրավիճակին, Հայոց պետականութեանն սպառնացող վտանգներին եւ ներքաղաքական ճգնաժամին:
Ներկայացնելով Էջմիածնում կայացած հանդիպումը՝ Գեղամ Մանուկեանը նշել է. «Վեհափառի շուրջ կայացած ՀՀ եւ ԱՀ նախագահների հանդիպումը, որ ի վերջոյ կայացաւ Իշխան Սաղաթելեանի կոչի հիման վրայ, հետագայում շատ աւելի ընդգրկուն պէտք է լինի, ընդգրկւած կը լինեն նախկին վարչապետեր, արտգործնախարարներ, պաշտպանութեան նախարարներ, Գլխաւոր շտաբի պետեր: Նպատակը փորձառութեան, գիտելիքի, տեղեկատւութեան հանրագումարով ստեղծւած իրավիճակից լուծումներ գտնելն է: Կարող ենք արդէն ասել, որ մէկ հարցի շուրջ կայ համաձայնութեան բոլոր կողմերի մէջ՝ դա ճգնաժամային իրավիճակի առկայութեան ընդունումն է»:
Տարաձայնութիւնները, ըստ Գեղամ Մանուկեանի, սկսւում են այս իրավիճակի պատասխանատուներին վերաբերող հարցերի քննարկման ժամանակ: «Մի տարօրինակ բան արձանագրւեց: Ամիսներ առաջ Լեւոն Տէր-Պետրոսեանը շատ աւելի թիրախաւորւած խօսում էր Նիկոլ Փաշինեանի մասին՝ նրան անւանելով պաթոլոգիկ սուտասան, բայց այսօր կարծես Նիկոլ Փաշինեանը շրջանցւում է որպէս պատասխանատու եւ մեզ կոչ է արւում կոնսոլիդացւել նրա շուրջ: Զուգահեռներ տանելով Լեւոն Տէր-Պետրոսեանի հարցազրոյցի եւ ՀՀ երկրորդ նախագահ Ռոբերտ Քոչարեանի մամուլի ասուլիսի ժամանակ հնչած յայտարարութիւնների միջեւ՝ ՀՀ շարքային քաղաքացին մի դէպքում ամէն ինչ սեւացւած, չարագուշակ կանխատեսում ու մահախօսական է լսում մեր պետականութեան մասին, իսկ միւս դէպքում՝ յոյս ներշնչող, ուժ տւող խօսք, որ հնարաւոր է նոյնիսկ այս իրավիճակից ելք գտնել»,- ասել է Գեղամ Մանուկեանը:
