Հա

Քաղաքական

01/10/2022 - 12:15

«Ապաւինե՛նք 1992-ի խորհրդին». Վահէ Սարգսեան

1992-ի խորհուրդը պէտք է մտցնել ամէն հայի սիրտ, հայութիւնը պէտք է ապրի 1992-ի խորհրդով, 1992-ի ռիթմով. յիշելով, հաւատալով, չկոտրւելով, յամառելով, պոռթկալով պիտի շրջե՛լ այս Մեծ կործանման ընթացքը…

«alikonline.ir» - Վահէ Սարգսեանը ֆէյսբուքեան իր էջում գրում է.

«Ռ. Քոչարեանն այսօր (սեպտեմբերի 28-ին, Խմբ.) յիշեցրեց 1992թ. մասին: Համազգային յուսալքւածութեան եւ մղձաւանջի այս օրերին չափազանց կարեւոր է հասարակութեանը, յատկապէս երիտասարդութեանը «կերակրել», խանդավառել 1992-ի խորհրդով, յատկապէս որ զարգացումներն իրենց խորքում նոյնն են, գործող անձինք՝ եւս:

Եւ այսպէս՝ 1992 թւական.

- մարտի 10-ին Մոսկւան Ստեփանակերտից 366-րդ մոտոհրաձգային գնդի դուրս բերման մասին որոշում կայացրեց, եւ արցախահայութեան պաշտպանութեան խնդիրը մնաց Արցախի առաջնորդների ուսերին:

- Շուշիի փառահեղ յաղթանակից յետոյ, յունիսին իշխանութեան եկած Աբուլֆազ Էլչիբէյը յայտարարեց, որ աշնանը Ստեփանակերտում թէյ է խմելու, իսկ Սեւանում լւանալու է ոտքերը:

- յունիսին ընկաւ Շահումեանը, յուլիսին՝ Մարտակերտը, գաղթական դարձաւ շուրջ 50 հազար հայ:

Օղակն օր օրի սեղմւում էր, վիճակն օրհասական էր, թւում էր՝ ելք չկայ: Բայց…

Ռ. Քոչարեանի գլխաւորութեամբ ստեղծւեց Պետական պաշտպանութեան կոմիտէն, որի միջոցով վերակազմաւորւեցին ինքնապաշտպանական ուժերը, իսկ նոյն ժամանակահատւածում (1992թ. հոկտեմբեր) Վազգէն Մանուկեանի՝ պաշտպանութեան նախարար նշանակւելն ու ՀՀ կանոնաւոր բանակի վերջնական ձեւաւորման գործընթացը սկիզբ դրեցին բոլորովին նոր էպոխայի:

Այդ պատմափուլում ոչ միայն յաջողւեց կասեցնել ադրբեջանական յարձակումները (1992թ. աշուն), այլեւ անցնել յարձակման եւ 1993թ. գարնանից սկսած տանել պատմական յաղթանակներ՝ մէկը միւսի յետեւից ազատագրելով Քարվաճառի, Մարտակերտի, Աղդամի, օգոստոսին՝ Ֆիզուլու, Ջրականի եւ Որոտանի (Կուբաթլիի), հոկտեմբերին՝ Կովսականի (Զանգելան) շրջանները եւ դուրս գալ Արաքսի հովիտ:

Յիշեցնենք՝ այդ շրջափուլում եւս ՀՀ ղեկավարը՝ Լեւոն Տէր-Պետրոսեանը ոչ միայն չէր խրախուսում այդ յաջողութիւնները, այլեւ անընդհատ խանգարում էր յաղթական ընթացքին՝ ստեղծելով արհեստական դժւարութիւններ՝ բազմիցս ստիպելով՝ յանուն ոչնչի յետ նւիրել ազատագրւած հայրենիքը (Քարվաճառի յայտնի դէպքերը վկայ):

Այդ նոյն ժամանակ Ելցինի սուրհանդակները պարբերաբար այցելել են Ռոբերտ Քոչարեանին՝ եւս յորդորելով դադարեցնել գործողութիւնները: ՄԱԿ-ը, Լ. Տէր-Պետրոսեանի պաշտելի միջազգային հանրութիւնը եւս բազմիցս պահանջել է կանգնեցնել պատերազմը:

Բայց մարդիկ հասկանում էին՝ ինչ պատմական շանս է տրւած իրենց, յամառեցին, պայքարեցին, եւ… կատարւեց Մեծ հրաշքը:

1992-ի խորհուրդը պէտք է մտցնել ամէն հայի սիրտ, հայութիւնը պէտք է ապրի 1992-ի խորհրդով, 1992-ի ռիթմով. յիշելով, հաւատալով, չկոտրւելով, յամառելով, պոռթկալով պիտի շրջե՛լ այս Մեծ կործանման ընթացքը…

Ապաւինե՛նք 1992-ի խորհրդին»։

 

Յարակից լուրեր

  • «Մենք քոչւոր ցեղախումբ չենք, մենք հարկ ենք վճարում, եւ պետութիւնը արագօրէն պիտի ձեռնարկի մեր պաշտպանութիւնը». Վ. Սարգսեան
    «Մենք քոչւոր ցեղախումբ չենք, մենք հարկ ենք վճարում, եւ պետութիւնը արագօրէն պիտի ձեռնարկի մեր պաշտպանութիւնը». Վ. Սարգսեան

    Էս կրկեսի վերջը պիտի տրւի, մենք քոչվոր ցեղախումբ չենք, մենք հարկ ենք վճարում, եւ պետութիւնը արագօրէն պիտի ձեռնարկի մեր պաշտպանութիւնը, այլ ոչ թէ ինչ որ ՀԿ-ներ էս կապիկութիւնների ֆոնին հերոսանան, փող հաւաքեն, հասարակութեան հայրենասիրական մղումները պարպեն ու վերջում էլ կարող է յանկարծ ասեն` մենք քաղաքականութեամբ չենք զբաղւում, սաղ մէկ են, այն է` նիկոլ վարչապետ: Այս մասին իր ֆէյսբուքեան էջում գրել է Yerkir.am-ի խմբագիր Վահէ Սարգսեանը:

  • Հայրենավաճառի ուշացած խոստովանանքը
    Հայրենավաճառի ուշացած խոստովանանքը

    2020 թ. պատերազմը մեկնաբանելիս ասում է՝ «...ես պատրաստ եմ եղել զիջման, այլ բան, որ էդ զիջման սահմանը չեմ տեսել՝ մինեւ ո՞ւր պէտք է զիջեմ, որ ամէն ինչ աւարտւի...»:

  • «Ինչքա՞ն ապուշ պիտի լինի մարդ, որ հաւատայ Ադրբեջանի հետ հաշտութեանը». Վահէ Սարգսեան
    «Ինչքա՞ն ապուշ պիտի լինի մարդ, որ հաւատայ Ադրբեջանի հետ հաշտութեանը». Վահէ Սարգսեան

    Ասեմ՝ եթէ որեւէ մէկը մտածում է՝ նիկոլը չգիտէր, թէ ինչ էր / է սպասւում արցախահայութեանն՝ Արցախը Ադրբեջանին յանձնելուց յետոյ, կարճ ասած՝ եթէ չգիտէր սպասւելիք ցեղասպանութեան մասին, ապա հէնց այդ մէկը ինքն է կամ խաբւածը, կամ միամիտը:

  • Վերստին կը յառնենք, եթէ սպանենք մեր միջի ՀՀՇ-իզմ-նիկոլիզմը
    Վերստին կը յառնենք, եթէ սպանենք մեր միջի ՀՀՇ-իզմ-նիկոլիզմը

    Առաջին հայեացքից ազգայնականութիւնը չխրախուսող եւ լիբերալ արժէքների քարոզիչ Եւրոպան ու գլոբալ առումով Արեւմուտքն Ուկրայինայում քարոզում են ոչ միայն ազգայնականութիւն, այլեւ ամէն ջանք գործադրում են, որ Ուկրայինայում վերականգնւի կամ նորովի ստեղծւի ֆաշիստական վարչակարգ ու համակարգ, ինչպէս նաեւ ֆաշիզմի գաղափարախօսութեամբ առաջնորդւող հասարակութիւն։

  • 90-ամեայ «Ալիք»-ը՝ նոր մաքառումների սեմին
    90-ամեայ «Ալիք»-ը՝ նոր մաքառումների սեմին

    Յարութիւն քհնյ. Շմաւոնեանի կողմից հայ լրագրութեան առաջնեկ «Ազդարար» ամսագրի (Մադրաս, 1794-1796 թթ.) հիմնադրումից շուրջ 100 տարի անց՝ հայ առաջին քաղաքական կուսակցութիւններից մէկը՝ Հ. Յ. Դաշնակցութիւնը, հայրենիքի ամենատարբեր հատւածներում, Սփիւռքի հեռաւոր եւ մօտ գաղթօջախներում սկզբնաւորելու էր տասնեակ, հետագայում՝ հարիւրաւոր պարբերականների ընթացքը, որոնք ՀՅԴ կազմակերպական կառոյցների, գաղափարական հնոցների հետ հայրենիքում եւ աշխարհի բազմաթիւ անկիւններում կռիւ էին տալու յանուն հայ ժողովրդի յարատեւման, հայկական շարունակականութեան ապահովման:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։