Հա

Քաղաքական

04/10/2022 - 17:00

ՀՀ ԱԺ «Հայաստան» խմբակցութեան յայտարարութիւնը

ՀՀ ԱԺ «Հայաստան» խմբակցութեան ընդլայնւած կազմով նիստը քննութեան առնելով Աժ հերթական նիստերին նախորդող զարգացումներն արձանագրեց, որ Հայաստանի Հանրապետութեան եւ Արցախի Հանրապետութեան առջեւ ծառացած մարտահրաւէրները մեղմացման փոխարէն առաւել ուժգնացել են: Ադրբեջանը՝ Թուրքիայի անթաքոյց աջակցութեամբ, շարունակում է հայատեաց եւ ցեղասպան քաղաքականութիւնը, որի վերջին վկայութիւնը դիրքերում հայ զինծառայողների նկատմամբ իրականացւած՝ միջազգային ռազմական յանցագործութիւն գնահատւող վայրագութիւն է, որի իրաւաքաղաքական պատասխանը պէտք է լինի ինչպէս միջազգային, այնպէս էլ ներպետական իրաւական մեխանիզմների գործադրումը՝ մեղաւոր անձանց պատասխանատւութեան ենթարկելու համար:

ՀՀ Ազգայն ժողովի «Հայաստան» խմբակցութեան ընդլայնւած կազմով նիստը քննութեան առնելով Աժ հերթական նիստերին նախորդող զարգացումներն արձանագրեց, որ Հայաստանի Հանրապետութեան եւ Արցախի Հանրապետութեան առջեւ ծառացած մարտահրաւէրները մեղմացման փոխարէն առաւել ուժգնացել են: Ադրբեջանը՝ Թուրքիայի անթաքոյց աջակցութեամբ, շարունակում է հայատեաց եւ ցեղասպան քաղաքականութիւնը, որի վերջին վկայութիւնը դիրքերում հայ զինծառայողների նկատմամբ իրականացւած՝ միջազգային ռազմական յանցագործութիւն գնահատւող վայրագութիւն է, որի իրաւաքաղաքական պատասխանը պէտք է լինի ինչպէս միջազգային, այնպէս էլ ներպետական իրաւական մեխանիզմների գործադրումը՝ մեղաւոր անձանց պատասխանատւութեան ենթարկելու համար: Իրականութիւնը առաւել մռայլ է Հայաստանի գործող իշխանութիւնների անձեռնահաս եւ ապիկար քաղաքականութեան պայմաններում: Ակնյայտ է. Հայոց պետականութիւնը եւ Հայ ժողովուրդը կանգած են գոյաբանական սպառնալիքի առջեւ:

Խմբակցութիւնը վերահաստատեց նախկինում տրւած իր գնահատականը առ այն, որ նման պայմաններում Հայաստանի ներկայ քաղաքական իշխանութիւնները անվտանգութեան հարցերը եւ դրանց լուծումները օրակարգային դարձնելու փոխարէն շարունակում են հասարակութեանը հրամցնել ոչ առաջնային, յաճախ նաեւ վտանգաւոր օրէնսդրական եւ այլ նախաձեռնութիւններ:

Մասնաւորապէս.

1. Զազրելի է Հայաստանը ներկայացնող անձի կողմից ՄԱԿ-ի ամբիոնից խաղաղութիւն աղերսելով Ադրբեջանից քարտէզ խնդրելը, իր ընտանեկան թերթով Հայոց պետականութեան ոչնչացմանն ուղղւած ադրբեջանական պահանջների, ինչպէս նաեւ դաշնակիցների վերաբերեալ տեղակատւական արտահոսքի կազմակերպումը, որով զուգահեռաբար ահաբեկում է հանրութեանը եւ փորձում ստեղծել անելանելիութեան զգացում եւ քաոս: Սա այն դէպքում, երբ այս վիճակի ստեղծման թիւ մէկ պատասխանատուն ինքն ու իր քաղաքական խմբակն են: Խմբակցութիւնը որոշեց այս հարցի, ինչպէս նաեւ Արցախի Հանրապետութեան անվտանգութեան խորհրդի յայտարարութեան առնչութեամբ հանդյս գալ առանձին հրապարակմամբ:

2. Դաշնակիցների վերաբերեալ իրարամերժ եւ սպառազինութիւն ձեռք բերելու անկարողութեան վերաբերեալ վտանգաւոր յայտարարութիւններով, զինւած ուժերի թուլացման պատճառ դարձած օրէնսդրական եւ գործադիր նախաձեռնութիւններով, բանակին ժողովրդային աջակցութեան մերժման վարքագծով, արտաքին սպառնալիքներին դիմագրաւելուն կոչւած երկրի ռազմաքաղաքական եւ ռազմարդիւնաբերական համակարգը ակնյայտ անգործունակ դարձնելով, արտաքին մարտահրաւէրներին դիմագրաւելու համար կենսականօրէն անհրաժեշտ ներազգային համերաշխութիւնն ու Հայաստան-Արցախ-Սփիւռք եռամիասնութիւնը ջարդելով՝ Հայաստանի գործող քաղաքական իշխանութիւնը կանխամտածւած կամ ակամայից օժանդակում է Հայաստանի թշնամիներին եւ արտաքին աշխարհում նպաստում հակահայ մթնոլորտի ձեւաւորմանը:

3. Վերը նշւած վարքագծին զուգահեռ կեղծ խաղաղասիրական թէզեր հրապարակ նետելով՝ Հայաստանի գործող քաղաքական իշխանութիւնը չի անդրադառնում հանգամանքին, որ իրական եւ արժանապատիւ խաղաղութիւնը ձեռք է բերւում վերոնշեալ համարժէք երաշխիքներով, որոնք ներկայումս պէտք է լինեն Հայաստանի իրական օրակարգի հարցեր:

Խմբակցութիւնն անդրադառնալով Աժ՝ ս.թ. հոկտեմբերի 4-ի հերթական նիստերի օրակարգին, արձանագրում է, որ ԱԺ քաղաքական մեծամասնութիւնը շարունակում է Հայաստանի իրական օրակարգին անհաղորդ լինել: Ապօրինի կերպով մերժելով խորհրդարանական ընդդիմութեան առաջադրած նախաձեռնութիւնները, քաղաքական մեծամասնութիւնը եւ Աժ ղեկավարութիւնը իրենց մեծամտութեամբ եւ ոչ ադեկւատ վարքածով ապալեգիտիմացնում են առաջնային մանդատով օժտւած բարձրագոյն ներկայացուցչական մարմինը: Դէմ լինելով հերթական նիստերի օրակարգային այն հարցերին, որոնք խեղաթիւրում են Հայաստանի իրական օրակարգը, խմբակցութիւնը հարկ է համարում անդրադառնալ օրկարագում ներառւած երեք հարցի:

Մասնաւորապէս,

ԱԺ օրակարգում ներառւած է 44-օրեայ պատերազմի հանգամանքներն ուսումնասիրող յանձնաժողովի գործունէութեան ժամկէտը 6-ամսով երկարացնելու հարցը: Ինչպէս նշել ենք, այս հարցով ԱԺ գործող պաշտպանութեան եւ անվտանգութեան հարցերի յանձնաժողովը ունակ չէ իրականացնելու արդիւնաւէտ աշխատանք, քանի որ նրանում մեծամասնութիւնը կազմում են այն նոյն իշխանութեան ներկայացուցիչները, որոնց բացթողումների ու առերեւոյթ յանցագործութիւնների արձանագրմամբ պէտք է զբաղւի այս քննիչ յանձնաժողովը: Հետեւաբար այն անկախ չէ եւ չի կարող արձագրել դրական արդիւքներ, ինչի վկայութիւնն է նախորդ վեց ամիսների ընթացքում յանձնաժողովի գործունէութիւնը: Աւելին՝ փորձ է արւում եւ արւելու խեղաթիւրել պարտութեան իրական պատճառները:

Մինչդեռ, «Հայաստան» խմբակցութիւնը դեռեւս ամիսներ առաջ առաջադրել էր 44-օրեայ պատերազմի բոլոր հանգամանքներն ուսումնասիրող, իրականում անկախ ինքնավար մարմնի ստեղծման օրինագիծ, որի քննարկումն ու ընդունումը սակայն մերժւեց իշխանութեան կողմից:

«Հայաստան» խմբակցութեան առաջարկութիւնը ընդունւելու դէպքում ուսումնասիրութեան առարկայ կը լինէին նաեւ 44-օրեայ պատերազմից յետոյ Հայաստանի եւ Արցախի անվտանգութեան համակարգերի բացերն ու թերութիւնները, որոնց վերացումը հիմք կը տար կանխարգելելու Ադրբեջանական նոր եւ շարունական ագրեսիան եւ պատերազմական գործողութիւնները: «Հայաստան» խմբակցութիւնը դէմ լինելով ԱԺ պաշտպանութեան եւ անվտանգութեան հարցերի մշտական յանձնաժողովի, որպէս քննիչ յանձնաժողովի ժամկէտի երկարացմանը, շարունակելու է հետամուտ լինել իր նախաձեռնութեան կեանքի կոչմանը:

Աժ օրակարգի մէկ այլ հարցով կառավարութիւնն առաջարկում է ընդունել Հայաստանի Հանրապետութեան կրթութեան մինչեւ 2030 թւականի զարգացման պետական ծրագիրը: Խիստ կարեւորելով այս թեման, որպէս Հայաստանի երկարաժամկէտ զարգացման կարեւոր յենասիւն, խմբակցութիւնը որոշեց այս հարցով կազմակերպել հանրային, մասնագիտական լայն քննարկում՝ առկայ մարտահրաւէրների յատկորոշման եւ առաջարկւող լուծումների համարժէքութեան գնահատման առումով:

Անդրադառնալով աշխատանքի եւ սոցիալական պաշտպանութեան ոլորտին վերաբերող օրինագծերին, խմբակցութիւնը կրկին փաստում է, որ քննարկւող հարցերը վերաբերելի չեն ոլորտում առկայ հրատապ խնդիրներին, այդ թւում՝ խորացող աղքատութեանը:

 

«Հայաստան» խմբակցութիւն

04.10.2022թ.

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։