Հա

Քաղաքական

05/10/2022 - 14:30

Յայտարարութիւն. Իշխանութիւնը հայ ժողովրդին նախապատրաստում է նոր՝ մահացու զիջումների

Թաքնւելով «Հաւաստի աղբիւրի» անւան տակ՝ օրւայ իշխանութիւնը նախապատրաստում է հայ ժողովրդին նոր՝ մահացու զիջումների եւ զուգահեռաբար խրախուսում հակառուսական հիստերիան՝ փորձելով իր ձախողումների մեղաւորներ նշանակել: Եւ դա այն դէպքում, երբ Արցախի անվտանգութեան ու արցախահայութեան կեանքի իրաւունքը ռուսական խաղաղապահներն են ապահովում, իսկ հայ-թուրքական սահմանին ռուսական ռազմաբազա է տեղակայւած:

Յարգելի՛ հայրենակիցներ,

Ադրբեջանը, օգտւելով Հայաստանի օրւայ իշխանութիւնների յանցաւոր անգործութիւնից ու մուրացկանային քաղաքականութիւնից, ոտնձգութիւններ է իրականացնում մեր երկրի նկատմամբ: Օկուպացւած են ՀՀ տարածքները, վտանգւած է մեր ինքնիշխանութիւնը եւ ՀՀ քաղաքացիների կեանքի իրաւունքը:

Միեւնոյն ժամանակ արձանագրում ենք «խաղաղութեան դարաշրջան» խոստացած ու այդ խոստմամբ խաբէութեամբ քւէ կորզած օրւայ իշխանութիւնների լիակատար ձախողումն արտաքին քաղաքականութեան, բանակաշինութեան, պետական կառավարման ոլորտներում: Այս ամէնը վկայում է Նիկոլ Փաշինեանի ոչ լեգիտիմութեան մասին։

Մեզ համար անընդունելի են Նիկոլ Փաշինեանի՝ ՀՀ անկախութեան հռչակագրին հակասող յայտարարութիւնները։

Մենք դրական ենք գնահատում Արցախի Հանրապետութեան անվտանգութեան խորհրդի նիստում վերահաստատւած դիրքորոշումը Ղարաբաղեան հակամարտութեան կարգաւորման վերաբերեալ, այն է՝ Արցախի ժողովրդի ինքնորոշման իրաւունքի եւ դրա իրացման արդիւնքների լրիւ ու անսակարկելի ճանաչում։

Դատապարտում ենք իշխանութիւնների ներքին ու արտաքին քաղաքականութիւնը, որը վերջնականապէս փլուզում է անվտանգութեան այն փխրուն համակարգը, որը դեռեւս հայկական պետականութեանը հնարաւորութիւն է տալիս գոյութիւն ունենալ:

Թաքնւելով «Հաւաստի աղբիւրի» անւան տակ՝ օրւայ իշխանութիւնը նախապատրաստում է հայ ժողովրդին նոր՝ մահացու զիջումների եւ զուգահեռաբար խրախուսում հակառուսական հիստերիան՝ փորձելով իր ձախողումների մեղաւորներ նշանակել: Եւ դա այն դէպքում, երբ Արցախի անվտանգութեան ու արցախահայութեան կեանքի իրաւունքը ռուսական խաղաղապահներն են ապահովում, իսկ հայ-թուրքական սահմանին ռուսական ռազմաբազա է տեղակայւած:

Հայաստանի ու Արցախի շուրջ տեղի ունեցող զարգացումների հետ կապւած մեր ժողովուրդը բազմաթիւ հարցեր ունի Ռուսաստանի Դաշնութեան ու ՀԱՊԿ-ի վարքագծի կապակցութեամբ, բայց այս ամենով հանդերձ անընդունելի է «Հաւաստի աղբիւրի» ու նրա քարոզչագործիքների անունից իրականացւող քաղաքականութիւնը՝ Հայաստանում հակառուսական մթնոլորտ ձեւաւորելու եւ մեր երկիրն աշխարհաքաղաքական սուր հակամարտութեան թատերաբեմ դարձնելու ուղղութեամբ:

Հայաստանը Ռուսաստան-Արեւմուտք հակադրութեան մէջ մանրադրամ դարձնելու օրւայ իշխանութեան արկածախնդրային քաղաքականութիւնը մեր երկրի համար կործանարար հետեւանքների կարող է յանգեցնել: Համոզւած ենք, որ միայն իշխանափոխութեան դէպքում է հնարաւոր ռազմավարական-դաշնակցային-բարեկամական յարաբերութիւնները վերականգնել Ռուսաստանի ու Իրանի հետ, ինչպէս նաեւ վստահելի, կանխատեսելի ու յարգանք վայելող գործընկեր դառնալ Արեւմուտքի հետ յարաբերութիւններում:

Ձարգելի՛ հայրենակիցներ,

ՀՀ անկախութեան հռչակագրում նշւած դրոյթները չեն կարող սակարկման առարկայ դառնալ։

ՀՀ տարածքային ամբողջականութիւնը, ինքնիշխանութիւնը ենթակայ են պաշտպանութեան բոլոր միջոցներով։ Մենք կողմ ենք հարեւանների հետ համակեցութեան կանոններ գտնելուն ու յարաբերութիւններ հաստատելուն, բայց դրանք չպէտք է լինեն մեր անվտանգութեան ու արժանապատւութեան հաշւին։ Դէմ ենք միջպետական կոմունիկացիաների գործարկումը միջանցքային տրամաբանութեամբ իրականացնելուն։

Իրական ու արժանապատիւ խաղաղութիւնը հնարաւոր է ապահովել միայն պետութեան արդիւնաւէտ ներքին ու արտաքին քաղաքականութեամբ, պրոֆեսիոնալ թիմով, բանակի վերականգնմամբ, հանրային լայն համախմբում ու համերաշխութիւն ապահովելով, Հայաստանի կողմից նոր բանակցողով:

 

«Հայաստան» խմբակցութիւն

05.10.2022թ.

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։