Իրանը միշտ էլ յստակ նշել է իր դիրքորոշումը, որ հայ- ադրբեջանական յարաբերութիւններում հայ-իրանական սահմանը փոփոխութեան չպէտք է ենթարկւի։ Աստանայում եւս մէկ անգամ այս մասին յայտարարեց ԻԻՀ նախագահը՝ նշելով, որ տարածաշրջային սահմանները փոփոխութեան չպէտք է ենթարկւեն, Հայաստան-Իրան տարանցիկ ուղիները եւս փոփոխութեան ենթարկւել չեն կարող։ Միջազգայնագէտ Գրիգոր Բալասանեանը Pastinfo.am-ի եթերում մեկնաբանելով Իրանի յայտարարութիւնները, նշեց, որ սա նշանակում է, որ Ադրբեջանը պէտք է մոռանայ, այսպէս կոչւած, զանգեզուրեան միջանցքի մասին, որովհետեւ «զանգեզուրեան միջանցքով» է անցնում նաեւ Հայաստան-Իրան տարացիկ ճանապարհը, որով երկու երկրները կատարում են առեւտրաշրջանառութիւնը։
«alikonline.ir» - Իրանը միշտ էլ յստակ նշել է իր դիրքորոշումը, որ հայ- ադրբեջանական յարաբերութիւններում հայ-իրանական սահմանը փոփոխութեան չպէտք է ենթարկւի։ Աստանայում եւս մէկ անգամ այս մասին յայտարարեց ԻԻՀ նախագահը՝ նշելով, որ տարածաշրջային սահմանները փոփոխութեան չպէտք է ենթարկւեն, Հայաստան-Իրան տարանցիկ ուղիները եւս փոփոխութեան ենթարկւել չեն կարող։ Միջազգայնագէտ Գրիգոր Բալասանեանը Pastinfo.am-ի եթերում մեկնաբանելով Իրանի յայտարարութիւնները, նշեց, որ սա նշանակում է, որ Ադրբեջանը պէտք է մոռանայ, այսպէս կոչւած, զանգեզուրեան միջանցքի մասին, որովհետեւ «զանգեզուրեան միջանցքով» է անցնում նաեւ Հայաստան-Իրան տարացիկ ճանապարհը, որով երկու երկրները կատարում են առեւտրաշրջանառութիւնը։
«Սա ակնյայտօրէն թափանցիկ յայտարարութիւն էր ուղղւած Ադրբեջանի ղեկավարին։ Եւս մէկ անգամ Իրանի բարձրաստիճան ղեկավարութիւնը նշեց, որ հայ-ադրբեջանական սահմանը փոփոխութեան ենթարկւել չի կարող։ Հէնց այս նոյն շրջանում Իրանի եւ Ադրբեջանի սահմանին Իսլամական յեղափոխութեան պահապանների կորպուսը սկսում է լայնամասշտաբ զօրավարժութիւններ, ինչը մէկ անգամ եւս փաստում է, որ Իրանը բաւականին վճռական է տրամադրւած՝ ամէն դէպքում թոյլ չտալու հայ-ադրբեջանական սահմանների փոփոխութիւն»,- կարծում է Բալասանեանը։
Անդրադառնալով ԵՄ-ի դիտորդական խմբի տեղակայման մասին թեմային, միջազգայնագէտն ընդգծեց, որ այդ առումով Իրանի նախագահը դիտորդների խնդրին անդրադառնալով շեշտել է, որ Իրանի համար անթոյլատրելի է զինւած եւրոպացիների առկայութիւնն իր սահմանների մօտ։ Ըստ Բալասանեանի, իհարկէ վաղ է խօսել եւրոպական դիտորդների զինւած լինելու մասին, սակայն նաեւ ակնյայտ է, որ նրանց անվտանգութիւնը պահելու համար, կը ներգրաւեն նաեւ սահմանափակ քանակութեան զինւած խմբեր, որոնք դիտորդների հետ կը տեղակայւեն նոյն վայրերում։
«Իրանի նախագահի խօսքն աւելի շատ նախազգուշացում է ուղղւած եւրոպական երկներին, որ զինւած եւրոպացիների առկայութիւնն իր սահմանին Իրանը համարում է անթոյլատրելի»,- նշեց Գրիգոր Բալասանեանը։
«Զանգեզուրեան միջանցքի» մասին խօսելիս միջազգայնագէտն արձանագրեց, որ Իրանը կարող է ընդհանրապէս չհամաձայնւել խաղաղութեան պայմանագրի այն տեքստին, որը շատ մեծ արագութեամբ մշակւեց արեւմտեան մայրաքաղաքներում, որտեղ որ պարբերաբար տեղի էին ունենում Հայաստանի եւ Ադրբեջանի ղեկավարների հանդիպումները։
«Չճանաչելով այդ պայմանագիրը, Իրանը կարող է զօրք մտցնել Սիւնիք՝ ապահովելու իր աշխարհաքաղաքական շահերը տարածաշրջանում, ինչպէս նաեւ՝ Հայաստանի հետ իր ունեցած սահմանը։ Այս անգամ, ի տարբերութիւն 44-օրեայ պատերազմի, Իրանը բաւականին յստակ կեցւածք ու դիրքորոշում է դրսեւորում հայ-ադրբեջանական սահմանի հետ կապւած, որն Իրանն իր համար համարում է բաւականին կենսական սահման»,- նշեց միջազգայնագէտ Գրիգոր Բալասանեանը։
