Հա

Քաղաքական

05/11/2022 - 14:00

Պարտւողական հոգեվիճակը պէտք է մաքրենք, եկել է մաքրւելու ժամանակը

Հայաստանն ու Արցախը յանգել են անդառնալիութեան մի կէտի ու նժարին դրւած՝ պետականութիւն ունենալու եւ չունենալու, հայրենիքը կորցնելու կամ՝ պահելու, արժանապատւութիւն ունենալու կամ նւաստացած ապրելու այս «շեքսպիրեան» հարցերի առջեւ ենք կանգնած, գոյաբանական հարցերի առջեւ ենք կանգնած, իսկ այլընտրանքը՝ գոյութիւն չունենալն է, այլընտրանքը՝ պետականութեան կորուստն է, ցեղասպանւելն է։

«alikonline.ir» - «Հայաստանն ու Արցախը յանգել են անդառնալիութեան մի կէտի ու նժարին դրւած՝ պետականութիւն ունենալու եւ չունենալու, հայրենիքը կորցնելու կամ՝ պահելու, արժանապատւութիւն ունենալու կամ նւաստացած ապրելու այս «շեքսպիրեան» հարցերի առջեւ ենք կանգնած, գոյաբանական հարցերի առջեւ ենք կանգնած, իսկ այլընտրանքը՝ գոյութիւն չունենալն է, այլընտրանքը՝ պետականութեան կորուստն է, ցեղասպանւելն է։ Նաեւ օրեր առաջ, երբ Արցախի մայրաքաղաք Ստեփանակերտի հրապարակում 70 հազար մեր հայրնեակիցների բխացող զարկերակի հաւաք տեսանք եւ տարբեր պաստառներ, երբ մեր փոքրիկներն ասում են՝ ես քո որդին եմ Հայաստան, ինձ մի՛ թող, կա՞յ աւելի արթնացնող հանգամանք, քան՝ դա»,- Yerevan.Today-ի՝ հետ զրոյցում նման կերպ հիմնաւորեց ՀՅԴ ԳՄ անդամ, «Հայաստան» խմբակցութեան պատգամաւոր Լիլիթ Գալստեանը՝ նոյեմբերի 5-ին կայանալիք հանրահաւաքին իւրաքանչիւրի մասնակցութեան անհրաժեշտութիւնը։

Լիլիթ Գալստեանի խօսքով քաղաքական անբարոյականութուն է հրաժարւել հայրենիքից․

«Ինչպէ՞ս կարելի է, մենք հօ քոչւոր ցեղ չե՞նք»,- ասում է մեր զրուցակիցը՝ յաւելելով. «Ստորաքարշութիւնը մերը չէ, մեզ ներշնչեցին թէ՝ խաղաղութիւն են բերում, Նիկոլը ներշնչեց, բայց այս խաղաղութեան բովանդակութիւնը ինքնասպանութիւնն է եւ ցեղասպանութիւնը, մենք հաշտւե՞նք դրա հետ, դառնանք թափառաշրջիկ ու եւրոպաներում քաղաքական ապաստաննե՞ր փնտրենք, Թուրքիայի հետ առեւտրով ուրանանք ցեղասպանութի՞ւնը։ Ամսի 5-ը՝ վաղը ճակատագրական օր է բոլորիս համար, այդ օրը մեր ինքնութեան հաստատման օրն է»,- նշեց Լիլիթ Գալստեանը։

Ընդդիմադիր պատգամաւորի համոզմամբ Հայաստան-Սփիւռք-Արցախ եռամիասնութեամբ կը կարողանանք բեկել այս իրականութիւնը եւ տէր կանգնել մեր ճակատագրին ու մեր պետականութեանը։ «Կոչ եմ անում լինել այնտեղ, պայքարել ու հասնել նպատակին. Էս կապիտուլեանտական, պարտւողական հոգեվիճակը պէտք է մաքրենք, եկել է մաքրւելու ժամանակը»,- ասաց Լիլիթ Գալստեանը։

 

Յարակից լուրեր

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։