Հա

Քաղաքական

16/11/2022 - 13:10

«Առանցքային է, որ Սենատի բանաձեւում առկայ դիրքորոշումը որդեգրի նաեւ Հայաստանի կառավարութիւնը». Չալաբեան

Քաղաքական-հասարակական գործիչ Աւետիք Չալաբեանը ֆէյսբուքեան իր էջում գրում է.

«Երէկ Ֆրանսիայի Խորհրդարանի վերին պալատը՝ Սենատը, կարեւոր հայանպաստ բանաձեւ է ընդունել, դատապարտելով ադրբեջանական ագրեսիան Հայաստանի նկատմամբ, վերահաստատելով Լեռնային Ղարաբաղի անկախութեան ճանաչումը, եւ կոչ անելով սեփական երկրի կառավարութեանը՝ գործուն միջոցներ կիրառել՝ հակազդելու ադրբեջանական ագրեսիային, եւ ապահովելու Հայաստանի եւ Արցախի անվտանգութիւնը:

«alikonline.ir» - Քաղաքական-հասարակական գործիչ Աւետիք Չալաբեանը ֆէյսբուքեան իր էջում գրում է.

«Երէկ Ֆրանսիայի Խորհրդարանի վերին պալատը՝ Սենատը, կարեւոր հայանպաստ բանաձեւ է ընդունել, դատապարտելով ադրբեջանական ագրեսիան Հայաստանի նկատմամբ, վերահաստատելով Լեռնային Ղարաբաղի անկախութեան ճանաչումը, եւ կոչ անելով սեփական երկրի կառավարութեանը՝ գործուն միջոցներ կիրառել՝ հակազդելու ադրբեջանական ագրեսիային, եւ ապահովելու Հայաստանի եւ Արցախի անվտանգութիւնը:

Ողջունելով այս բանաձեւը, ես ցանկանում եմ շնորհակալութիւն յայտնել այն նախաձեռնած եւ ընդունած պատգամաւորներին, ինչպէս նաեւ բոլոր այն ֆրանսահայ կազմակերպութիւններին, որոնք իրենց անդուլ աշխատանքով, հնարաւոր են դարձրել այս արդիւնքը՝ սա համազգային մոբիլիզացիայի հրաշալի օրինակ է, եւ Հայաստանին ու Արցախին աջակցելու կարեւոր քայլ:

Դրանով հանդերձ, պէտք է նշել, որ սա դեռեւս խորհրդանշական քայլ է՝ Ֆրանսիայի Սենատի բանաձեւերը ընդամէնը խորհրդատւական նշանակութիւն ունեն, եւ պարտադիր չեն կառավարութեան համար: Այսօր շատ կարեւոր է, որ բանաձեւում տեղ գտած մի շարք կարեւոր գաղափարներ՝ Ադրբեջանի եւ նրա ղեկավարների նկատմամբ պատժամիջոցներ, Հայաստանին սպառազինութեան մատակարարումներ, Արցախի անկախութեան ճանաչում եւ այնտեղ Ֆրանսիական ներկայացուցչութեան բացում, իրապէս որդեգրւեն Ֆրանսիական կառավարութեան կողմից, եւ սկսեն կեանքի կոչւել:

Որպէսզի սա իրականութիւն դառնայ, ոչ միայն անհրաժեշտ է շարունակել հանրային ճնշումը Ֆրանսիայում, այլեւ բացարձակ առանցքային է, որպէսզի նմանատիպ դիրքորոշում որդեգրի նաեւ Հայաստանի կառավարութիւնը, եւ «ամէն գնով» մինչեւ տարւայ վերջ ագրեսորի հետ խաղաղութեան պայմանագիր կնքելու փոխարէն, պահանջի Ֆրանսիայից եւ այլ եւրոպական գործընկերներից՝ ուժեղացնել ճնշումը Ադրբեջանի նկատմամբ, մասնաւորապէս, պատժամիջոցներ կիրառելով հայութեան դէմ ռազմական յանցագործութիւնների եւ էթնիկ զտումների քաղաքականութեան համար: Ադրբեջանի այս քաղաքականութիւնն արդէն ակնառու է դարձել, կոպտագոյն կերպով հակասում է եւրոպական արժէքներին եւ Հելսինկիի եզրափակիչ ակտի հիմնարար սկզբունքներին, եւ պէտք է հետեւողական դատապարտման առարկայ դառնայ Եւրոպական բոլոր երկրներում, ոչ թէ փաստացի խրախուսւի Հայաստանի իշխանութիւնների յարմարւողական եւ անատամ գործողութիւններով:

Մինչ այդ, եւս մէկ անգամ շնորհակալութիւն եմ յայտնում Ֆրանսիայի Սենատի մեր գործընկերներին, եւ յոյս յայտնում, որ Ֆրանսիական պետութիւնը չի սահմանափակւի սոսկ յայտարարութիւններով, այլ իրական գործողութիւններով առաջիկայում ուժ կը տայ սեփական խօսքին»։

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։