Հա

Քաղաքական

16/11/2022 - 14:15

Հայաստան-Արցախ երիտասարդական ֆորումի մասնակիցները հանդէս են եկել համատեղ յայտարարութեամբ

Սոյն թւականի նոյեմբերի 12-ին Ստեփանակերտում կայացել է Հայաստան-Արցախ երիտասարդական ֆորում, որի աւարտին մասնակիցները հանդէս են եկել համատեղ յայտարարութեամբ.

Սոյն թւականի նոյեմբերի 12-ին Ստեփանակերտում կայացել է Հայաստան-Արցախ երիտասարդական ֆորում, որի աւարտին մասնակիցները հանդէս են եկել համատեղ յայտարարութեամբ.

«Արձանագրելով՝ ՀՀ իշխանութիւնների կողմից շրջանառութեան մէջ դրւած «խաղաղութեան դարաշրջան» գաղափարին, որն արժանապատիւ խաղաղութեան հետ ընդհանրապէս որեւէ աղերս չունի եւ իրականում Արցախն ու Հայաստանը տանում է նոր պատերազմի ճանապարհով,

Հաշւի առնելով՝ ՀՀ իշխանութիւնների յարմարւողական, զիջողական, կրաւորական կեցւածքը, որոնք իրենց գործողութիւններով խուճապ եւ պարտւողական տրամադրութիւններ են սերմանում հասարակութեան՝ մասնաւորապէս երիտասարդութեան շրջանում,

Փաստելով, որ այս օրհասական ժամանակահատւածում անհրաժեշտ է միաւորւել եւ համախմբել համայն հայութեան ռեսուրսները՝ յանուն միասնական նպատակների ու պայքարի, որը եւս մէկ անգամ կը վերահաստատի, որ Արցախն ու Հայաստանն ունեն կարմիր գծեր, որոնց հատումը նոր ողբերգութիւնների է յանգեցնելու, որի մասին բազմիցս յայտարարւել է, այդ թւում նաեւ ապրիլի 14-ի եւ հոկտեմբերի 30-ի ԱՀ Ազգային Ժողովի եւ Արցախի բոլոր ուժերի կողմից ընդունւած եւ հաստատւած յայտարարութիւններով, ինչպէս նաեւ Արցախի ժողովրդի աննախադէպ միասնական հանրահաւաքով,

Համոզւած լինելով, որ ՀՀ իշխանութիւններն ի զօրու չեն հայանպաստ քայլեր եւ գործողութիւններ իրականացնելու,

Ականատես լինելով՝ ՀՀ իշխանութիւնների՝ Արցախը յանձնելու եւ ՀՀ տարածքային ամբողջականութիւնը, ինքնիշխանութիւնը զիջելու քաղաքականութեանը՝

Յայտարարում ենք.

1. Հայաստանի Հանրապետութեան վարչապետը եւ նրան սպասարկող վարչախումբը պարտաւոր են անյապաղ եւ ամբողջութեամբ դադարեցնել թուրք-ադրբեջանական տանդեմի յաւակնութիւնները բաւարարելուն ուղղւած ստորացուցիչ գործընթացը:

2. Դատապարտում ենք հայ ժողովրդին պառակտող հակազգային բոլոր գործողութիւնները: Ստեփանակերտում կայացած բազմահազարանոց հանրահաւաքը եւս մէկ անգամ ընգծեց Արցախի պետականութեան պահպանման եւ հազօրացման հարցում հասարակութեան եւ քաղաքական ուժերի միանսականութիւնն ու դրա անհրաժեշտութիւնը:

3. Հայաստանի իշխանութիւնները պէտք է վերջ դնեն Հայաստանն ու Արցախը տարածաշրջանային, աշխարհաքաղաքական աւանտիւրաների մէջ ներքաշելու գործողութիւններին:

4. Արցախի Հանրապետութեան իշխանութիւնները պարտաւոր են յստակ գնահատական տալ Հայաստանի Հանրապետութեան վարչապետի եւ իշխանութիւնների ոչ հայանպաստ գործողութիւններին եւ այնպիսի կեղծ օրակարգին ինչպիսին է՝ «Արցախը յանձնելով փրկում ենք Հայաստանը» թէզը, քանզի Հայաստանը եւ Արցախն անվտանգային առումով մէկ ամբողջականութիւն են եւ նրանցից իւրաքանչիւրին ուղղւած հարւածը հաւասարազօր է միւսի թիրախաւորմանը:

5. Արցախի ժողովրդի անվտանգութեան գլխաւոր երաշխաւոր է հանդիսանում Արցախի պաշտպանութեան բանակը, ուստի անընդունելի է որեւէ գործողութիւն, որն ուղղւած է ԱՀ ՊԲ-ի հիմքերի թուլացմանն ու կազմաքանդմանը: Արձանագրում ենք, որ այսօր Արցախում խաղաղութիւնը եւ ԱՀ ժողովրդի անվտանգութիւնն ապահովւում է ԱՀ ՊԲ-ի եւ Արցախում տեղակայւած ռուս խաղաղապահ զօրախմբի համատեղ ջանքերով:

6. Միջազգային հանրութիւնից պահանջում ենք տէր կանգնել իր իսկ կողմից հռչակւած համամարդկային արժէքներին եւ դատապարտել Ադրբեջանի հայասպան, հայերի նկատմամբ ատելութիւն սերմանող, ագրեսիւ պահւածքը, միջազգային տարբեր գործիքակազմերով, այդ թւում՝ պատժամիջոցների կիրառմամբ, սանձել Ադրբեջանին:

7. Արցախի ինքնորոշման իրաւունքի սկզբունքը պէտք է վերադարձւի բանակցութիւնների սեղան, քանզի արցախահայութեան կեանքի, արժանապատւութեան, ազատութեան, իր ապագան ինքնուրոյն տնօրինելու իրաւունքները սակարկման ենթակայ չեն:

8. Արցախը եղել է, կայ ու մնալու է հայկական: Արցախը երբեք չի լինելու Ադրբեջանի կազմում եւ յանուն այս նպատակի մենք պատրաստ ենք պայքարի:

Դիմում ենք.

1. Հայաստանի Հանրապետութեան եւ Արցախի Հանրապետութեան բոլոր քաղաքական ուժերին՝ եղած հնարաւորութիւններն ու ռեսուրսները համախմբել յանուն հայրենիքի պաշտպանութեան, որի առաջին քայլը պէտք է լինի իշխող վարչախմբի հեռացումը:

2. Աշխարհասփիւռ հայութեանը խնդրում եւ յորդորում ենք ներդնել իրենց բոլոր միջոցներն ու կարողութիւնները՝ աշխարհի բոլոր երկրներում բարձրացնելու ու առաջ մղելու յանուն արժանապատւութեան, ազատութեան եւ ինքնորոշման իրաւունքի պայքարող Արցախի հայութեան արդար պահանջները:

3. ԱՀ իշխանութիւններին՝ առաջնորդւել ԱՀ Սահմանադրութեամբ իր վրայ դրւած Արցախի ժողովրդի անվտանգութեան եւ իրաւունքների պաշտպանութեան պարտաւորութիւններով, ինչպէս նաեւ ԱՀ ԱԺ կողմից ընդունւած յայտարարութիւններով արձանագրւած եւ Արցախի հանրութեան կողմից ընդունւած կարմիր գծերով:

 

1. ՀՅԴ Հայաստանի երիտասարդական միութիւն

2. ՀՀԿ երիտասարդական կազմակերպութիւն

3. «Հայրենիք» կուսակցութեան երիտասարդական կազմակերպութիւն

4. ՀՅԴ Արցախի երիտասարդական միութիւն

5. Արցախի «Արդարութիւն» կուսակցութեան երիտասարդական կազմակերպութիւն

6. «Ազգային արժեքների» պաշտպանման ճակատ հասարակական կազմակերպութիւն

7. «Յաղթանակի 5-րդ բրիգադ» հասարակական կազմակերպութիւն

8. «Արարատ» միջազգային համգործակցութիւն հասարակական կազմակերպութիւն

9. «Վերնատուն» երիտասարդական վերլուծական կենտրոն

10. «Կանանց եւ երեխաների աջակցման կենտրոն» հասարակական կազմակերպութիւն

11. «Քաղաքացիական ՀԱԲ» հասարակական կազմակերպութիւն

12. «Միացեալ Հայաստան» հայրենասիրական հասարակական կազմակերպութիւն

13. «Ազգային Արցախ» հասարակական կազմակերպութիւն

14. ՀԱԵ Արցախի թեմի Ստեփանակերտի Սուրբ Աստւածածին եկեղեցու երիտասարդաց միութիւն

15. Յանուն Արցախի Պաշտպանութեան շարժում

16. Արցախի պետական համալսարանի ուսանողական խորհուրդ

17. «Գրիգոր Նարեկացի» համալսարանի ուսանողական խորհուրդ

18. Սայեաթ Նովայի անւան երաժշտական քոլեջի ուսանողական խորհուրդ

 

Սոյն յայտարարութիւնը բաց է եւ կարող են միանալ բոլոր ազգային ուժերը»:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։