Հա

Քաղաքական

17/11/2022 - 08:30

Կոչ եմ անում ՀՀ իշխանութիւններին դադարեցնել սփիւռքում իրենց պառակտման քաղաքականութիւնը

Ֆրանսիայի Սենատը ձայների՝ 295 կողմ, 1 դէմ յարաբերակցութեամբ ընդունեց Հայաստանին աջակցող եւ Ադրբեջանի նկատմամբ պատժամիջոցներ առաջարկող բանաձեւը։

«alikonline.ir» - Երէկ (նոյեմբերի 15-ին, խմբ.) Ֆրանսիայի Սենատը ձայների՝ 295 կողմ, 1 դէմ յարաբերակցութեամբ ընդունեց Հայաստանին աջակցող եւ Ադրբեջանի նկատմամբ պատժամիջոցներ առաջարկող բանաձեւը։

Ի թիւս այլ դրոյթների՝ Ֆրանսիայի Սենատի բանաձեւը պահանջում է հեռացնել Ադրբեջանի զինւած ուժերը Հայաստանի սուվերեն տարածքից եւ յարգել Հայաստանի տարածքային ամբողջականութիւնն ու ինքնիշխանութիւնը, կոչ է անում ազատ արձակել բոլոր հայ ռազմագերիներին եւ ապահովել նրանց վերադարձը հայրենիք, առաջարկում է Ֆրանսիայի կառավարութեանը, եւրոպական գործընկերների հետ համագործակցաբար, պատասխան դիւանագիտական եւ տնտեսական միջոցներ նախատեսել Ադրբեջանի կողմից իրականացւած ագրեսիան պատժելու նպատակով, այդ թւում՝ կիրառել պատժամիջոցներ, որոնք կը թիրախաւորեն Ադրբեջանի իշխանութիւնների ունեցւածքը, ինչպէս նաեւ կը նախատեսեն էմբարգօ կիրառել Ադրբեջանից գազի եւ նաւթի ներկրման հարցում, վերահաստատում է Լեռնային Ղարաբաղի Հանրապետութեան ճանաչման անհրաժեշտութիւնը եւ առաջարկում կառավարութեանը Լեռնային Ղարաբաղում հիմնել հումանիտար գրասենեակ, առաջարկում է կառավարութեանը դիտարկել Հայաստանի պաշտպանական կարողութիւնների ամրապնդմանն աջակցելու հնարաւորութիւնը:

Բանաձեւը ներկայացրել են սենատորներ Բրունօ Ռըտաէոն, Քրիստիան Կամբոնը, Էլիան Ասասին, Պատրիկ Կանները, Էրւէ Մարսէյը եւ Ժիլբէր-Լիւկ Դըվինազը։

ՀՅԴ Բիւրոյի անդամ, Ֆրանսիայի հայկական ընկերութիւնները համակարգող խորհրդի նախագահ Մուրադ Փափազեանը 168.am-ի հետ զրոյցում անդրադառնալով այս պատմական բանաձեւի ընդունմանը՝ նշեց, որ սենատորներն ընդունեցին յարձակման ենթարկւած Հայաստանին եւ ագրեսոր Ադրբեջանին սատարող բանաձեւ՝ կրկին պահանջելով ճանաչել Արցախի անկախութիւնը:

«Պայքարը շարունակւում է. նմանատիպ բանաձեւ պատգամաւորների քւէարկութեանը կը ներկայացւի նոյեմբերի 28-ին,- մանրամասնեց Մուրադ Փափազեանը՝ նկատելով, որ այն ողջ Հայոց աշխարհի յաղթանակն է,- Դա յաղթանակ է, որը CCAF-ի կազմում խմբաւորւած Ֆրանսիայի հայկական սփիւռքի միութեան արգասիքն է։ Միասնութիւնն է երաշխաւորում մեր յաղթանակները, եւ ես կոչ եմ անում Հայաստանի իշխանութիւններին դադարեցնել սփիւռքում իրենց պառակտման քաղաքականութիւնը։ Դիմում եմ պատասխանատւութեան»:

 

Յարակից լուրեր

  • Թուրքիան Հայաստանի հետ խաղաղութիւն չի ուզում, Թուրքիան ուզում է տիրել Հայաստանը
    Թուրքիան Հայաստանի հետ խաղաղութիւն չի ուզում, Թուրքիան ուզում է տիրել Հայաստանը

    ՀՅԴ Բիւրոյի անդամ, Ֆրանսիայի հայկական կազմակերպութիւնների միութեան համակարգող խորհրդի համանախագահ Մուրադ Փափազեանը «Հայ Կեդրոնի ձայն» հաղրոդման ժամանակ անդրադարձել է CCAF-ի գործունէութեանը, իր հեղինակած՝ «Էրդողանի ռեժիմը. Սպառնալիք Ֆրանսիային» աշխատութեանը, դաշնակցականների մուտքը Հայաստան արգելքի, հայ-թուրքական յարաբերութիւնների եւ այլ հարցերի:

  • Հասկանալի է, որ դրան դէմ է Էրդողանը, բայց հասկանալի չէ, թէ ինչու է դէմ Փաշինեանը
    Հասկանալի է, որ դրան դէմ է Էրդողանը, բայց հասկանալի չէ, թէ ինչու է դէմ Փաշինեանը

    «Հրապարակ»-ի զրուցակիցն է ՀՅԴ Բիւրոյի անդամ, Ֆրանսիայի հայկական կազմակերպութիւնների միութեան համակարգող խորհրդի համանախագահ Մուրադ Փափազեանը:

  • ժամանակն է դադարեցնել Փաշինեանի խելագարութիւնը
    ժամանակն է դադարեցնել Փաշինեանի խելագարութիւնը

    Նիկոլ Փաշինեանի խելագարութիւնը. արգելելով Հայաստանի, Արցախի եւ հայկական հարցի օգտին աշխատող ակտիւիստների մուտքը Հայաստան՝ Հայաստանի վարչապետը թուլացնում է Հայաստանն ու Հայաստան-Սփիւռք յարաբերութիւնները։

  • Մակրոնն անդրադարձաւ Հայաստան իմ մուտքի արգելքին, իր համար դա անթոյլատրելի էր
    Մակրոնն անդրադարձաւ Հայաստան իմ մուտքի արգելքին, իր համար դա անթոյլատրելի էր

    Ֆրանսիայի նախագահ Էմանուէլ Մակրոնը յունւարի 23-ին Էլիսէյան պալատում ընդունել է Ֆրանսիայի հայկական կազմակերպութիւնները համակարգող խորհրդի համանախագահներ Արա Թորանեանին եւ Մուրադ Փափազեանին: Հանդիպման մանրամասների ու քննարկւած հիմնական հարցերի վերաբերեալ Tert.am-ը զրուցել է ՀՅԴ Բիւրոյի անդամ, Ֆրանսիայի հայկական կազմակերպութիւնները համակարգող խորհրդի համանախագահ Մուրադ Փափազեանի հետ։

  • Էմմանուէլ Մակրոնը Ելիսէյեան պալատում ընդունել է Արա Թորանեանին եւ Մուրադ Փափազեանին
    Էմմանուէլ Մակրոնը Ելիսէյեան պալատում ընդունել է Արա Թորանեանին եւ Մուրադ Փափազեանին

    Յունւարի 23-ին Ֆրանսիայի նախագահ Էմանուէլ Մակրոնը Ելիսէյեան պալատում հիւրընկալել է ֆրանսահայ կազմակերպութիւնների համակարգող խորհրդի (CCAF) համանախագահներ Արա Թորանեանին եւ Մուրադ Փափազեանին՝ քննարկելու դեկտեմբերի 12-ից Ադրբեջանի շրջափակման մէջ գտնւող Լեռնային Ղարաբաղում տիրող դրամատիկ իրավիճակը եւ սպառնալիքները, որոնք ազդում են երկրի վրայ, ինչպէս նաեւ Հայաստանի տարածքային ամբողջականութիւնը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։