Հա

Քաղաքական

19/11/2022 - 08:30

«Արցախը չի հրաժարւում Բաքւի հետ երկկողմ յարաբերութիւններին եւ հակամարտութեան կարգաւորմանն առնչւող հարցերի քննարկումից, սակայն միջազգայնօրէն համաձայնեցւած ձեւաչափով»․ ԱՀ ԱԳՆ

Ադրբեջանա-ղարաբաղեան հակամարտութեան կարգաւորման անհրաժեշտ եւ առանցքային բաղադրիչներից է բանակցային լիարժէք ձեւաչափը եւ այդ շրջանակներում ընթացող քննարկումներն ու հանդիպումները։

«alikonline.ir» - Ադրբեջանա-ղարաբաղեան հակամարտութեան կարգաւորման անհրաժեշտ եւ առանցքային բաղադրիչներից է բանակցային լիարժէք ձեւաչափը եւ այդ շրջանակներում ընթացող քննարկումներն ու հանդիպումները։ Գրում է Tert.am-ը:

Այդ համատեքստում կարեւոր ենք համարում ընդգծել, որ Արցախի Հանրապետութեան համար անընդունելի են Ադրբեջանի փորձերը չեղարկել Արցախի՝ որպէս հակամարտութեան կողմի կարգավիճակը, իսկ բանակցութիւնները ներկայացնել որպէս «խօսակցութիւն Ղարաբաղում ապրող հայերի հետ» եւ Ադրբեջանի ներքին քաղաքականութեան շրջանակներում ընկած գործընթաց։

Արցախի ժողովուրդը մի քանի անգամ արտայայտել է իր դիրքորոշումը սեփական ապագայի վերաբերեալ, որը վերահաստատւել է ս․ թ․ հոկտեմբերի 30-ին Ստեփանակերտում տեղի ունեցած բազմահազարանոց հանրահաւաքով։

Արցախի Հանրապետութեան արտաքին գործերի նախարարութիւնը բազմիցս ընդգծել է բանակցութիւններին Արցախի լիիրաւ մասնակցութեան անհրաժեշտութիւնը եւ ԵԱՀԿ ՄԽ ձեւաչափի՝ որպէս ադրբեջանա-ղարաբաղեան հակամարտութեան խաղաղ կարգաւորման համար լաւագոյն հարթակի պահպանման կարեւորութիւնը։ Մեր տւեալ դիրքորոշումը մնում է անփոփոխ:

Միեւնոյն ժամանակ Արցախի Հանրապետութիւնը չի հրաժարւում պաշտօնական Բաքւի հետ երկկողմ յարաբերութիւններին եւ հակամարտութեան կարգաւորմանն առնչւող հարցերի քննարկումից։ Սակայն հարկ ենք համարում շեշտել, որ ցանկացած քննարկում ընդունելի կը լինի միայն այն դէպքում, եթէ ընթանայ միջազգայնօրէն համաձայնեցւած ձեւաչափով եւ կողմերի իրաւահաւասարութեան սկզբունքի պահպանմամբ։

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։