Հա

Քաղաքական

23/11/2022 - 14:20

Մանդատը միջոց է, գործիք՝ իշխանութեանը հեռացնելու համար

ՀՅԴ ԳՄ անդամ, «Հայաստան» խմբակցութեան քարտուղարն ակնկալում է, որ իշխանութեանը հեռացնելու իրենց գործողութիւններին կը միանայ նաեւ սփիւռքը։

Երբ կը գայ խորհրդարանական ճգնաժամ ստեղծելու, որից յետոյ սահմանադրական ճգնաժամ առաջացնելու պահը, մանդատները պէտք չեն լինի ընդդիմութեանը։ Ազգային ժողովի «Հայաստան» խմբակցութեան քարտուղար Արծւիկ Մինասեանն այդ մասին ասաց Sputnik Արմենիայի «Աբովեան Time» հաղորդման ժամանակ։

«alikonline.ir» - ՀՅԴ ԳՄ անդամ, «Հայաստան» խմբակցութեան քարտուղարն ակնկալում է, որ իշխանութեանը հեռացնելու իրենց գործողութիւններին կը միանայ նաեւ սփիւռքը։

Երբ կը գայ խորհրդարանական ճգնաժամ ստեղծելու, որից յետոյ սահմանադրական ճգնաժամ առաջացնելու պահը, մանդատները պէտք չեն լինի ընդդիմութեանը։ Ազգային ժողովի «Հայաստան» խմբակցութեան քարտուղար Արծւիկ Մինասեանն այդ մասին ասաց Sputnik Արմենիայի «Աբովեան Time» հաղորդման ժամանակ։

«Այդ մանդատները շպրտելու ենք, եւ արդէն ազգային մտածողութեամբ մարդկանց հետ միասին կը ձեւաւորւի նոր իշխանութիւնը»,- ասաց Մինասեանը։

Նա նաեւ ներկայացրեց իշխանափոխութեան հասնելու եւ երկրի առջեւ ծառացած խնդիրների լուծման համար ընդդիմութեան կողմից քննարկւող տարբերակները։

«Խնդրի լուծումը մի քանի գործիքակազմի միաժամանակեայ կիրառման մէջ է` դա թէ՛ փողոցն է, թէ՛ մեր հայրենակիցների, մեր քաղաքացիների աւելի լայն զանգւածների համախմբման անհրաժեշտութիւնը»,- ասաց Մինասեանը։

Պատգամաւորն ակնկալում է, որ իշխանութիւններին հեռացնելու իրենց գործողութիւններին կը միանան նաեւ յատուկ ծառայութիւնների աշխատակիցները, սպայի ուսադիր կրողները, տարբեր խաւերի մարդիկ եւ սփիւռքը։

«Դրանից յետոյ պէտք է հանրային ճնշման միջոցով ստիպել իշխանութեանը եւ իշխանութեան մաս կազմող առանձին հատւածների ուղղակի յանուն հայրենիքի փրկութեան եւ յանուն իրենց անվտանգութեան վերադառնալ իրական դաշտ։ Այդ իրավիճակի առաջացմանը եթէ կօգնի խորհրդարանական ընդդիմութեան, «Հայաստան» խմբակցութեան պատգամաւորների մանդաները վայր դնելը, մենք դրան էլ ենք գնալու»,- ասաց Մինասեանը` յաւելով, որ իրենք մանդատը օգտագործում են որպէս միջոց, գործիք իշխանութեանը հեռացնելու համար։

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։