Հա

Քաղաքական

02/12/2022 - 15:00

Այս իշխանութեան հետ ճանապարհ չկայ գնալու. ունենալու ենք նոր պատերազմ եւ նոր կապիտուլեացիա

Օրեր առաջ Ադրբեջանի խորհրդարանն ընդունել է մի յայտարարութիւն, որով աղաւաղել է Ղարաբաղեան հակամարտութեան ողջ էութիւնն ու բովանդակութիւնը եւ հակահայ բազմաթիւ ձեւակերպումներով է հանդէս եկել. Հիմա ընդդիմութիւնը նախաձեռնել է, որպէսզի ՀՀ ԱԺ-ն հանդէս գայ յայտարարութեամբ՝ դատապարտելով Ադրբեջանի խորհրդարանի յայտարարութիւնը, ինչպէս նաեւ մի շարք հարցերով տայ հիմնական գնահատականները: Այս մասին, այսօր՝ դեկտեմբերի 2-ին, ԱԺ-ում լրագրողների հետ զրոյցում նշեց ՀՅԴ Գերագոյն մարմնի ներկայացուցիչ, ԱԺ «Հայաստան» խմբակցութեան պատգամաւոր Իշխան Սաղաթելեանը:

«alikonline.ir» - Օրեր առաջ Ադրբեջանի խորհրդարանն ընդունել է մի յայտարարութիւն, որով աղաւաղել է Ղարաբաղեան հակամարտութեան ողջ էութիւնն ու բովանդակութիւնը եւ հակահայ բազմաթիւ ձեւակերպումներով է հանդէս եկել. Հիմա ընդդիմութիւնը նախաձեռնել է, որպէսզի ՀՀ ԱԺ-ն հանդէս գայ յայտարարութեամբ՝ դատապարտելով Ադրբեջանի խորհրդարանի յայտարարութիւնը, ինչպէս նաեւ մի շարք հարցերով տայ հիմնական գնահատականները: Այս մասին, այսօր՝ դեկտեմբերի 2-ին, ԱԺ-ում լրագրողների հետ զրոյցում նշեց ՀՅԴ Գերագոյն մարմնի ներկայացուցիչ, ԱԺ «Հայաստան» խմբակցութեան պատգամաւոր Իշխան Սաղաթելեանը:

Նա նշեց, որ իրենց պատրաստած յայտարարութիւնը երեք սկզբունքի վրայ է հիմնւած. «Առաջին, յայտարարութիւնում յստակ նշւում է Արցախի ինքնորոշման իրաւունքի մասին, կարգավիճակի մասին, ինչպէս նաեւ ՀՀ յանձնառութեան մասին: Յայտարարութեան տեքստը ներկայացւել է ՔՊ խմբակցութեանը, իրենք ներկայացրել են իրենց առաջարկութիւնները: Իրենց առաջարկութեան մեջ ջնջել են «Արցախի Հանրապետութիւն» բառակապակցութիւնը, դրա փոխարէն աւելացրել են «Ղարաբաղի հայութիւն»: Որտեղ կայ ինքնորոշման իրաւունքի իրացում, ջնջել են, ինչպէս նաեւ Հայաստանի յանձնառութեան մասը: Այսինքն յայտարարութեան բուն տեքստն ամբողջութեամբ աղաւաղել են:

Ստացւում է, որ Ֆրանսիայի ԱԺ-ն եւ Սենատը հանդէս են գալիս յայտարարութեամբ, Արցախի խորհրդարանը հանդէս է գալիս յայտարարութեամբ, իսկ Հայաստանի ԱԺ-ն հրաժարւում է յայտարարութեամբ հանդէս գալուց»,- ասաց Սաղաթելեանը՝ յաւելելով, որ ԱԺ յայտարարութեան նախագծում որեւէ քաղաքական գնահատական չկայ, այն վերաբերում է բացառապէս Արցախին եւ Հայաստանին:

«Սա եւս մէկ ապացոյց է, որ այս իշխանութեան հետ ճանապարհ չկայ գնալու, որ այս իշխանութեան հետ ունենալու ենք նոր պատերազմ եւ նոր կապիտուլեացիա»,- իր խօսքն ամփոփեց Սաղաթելեանը:

Անդրադառնալով մամուլում շրջանառւող խօսակցութիւններին, որ ի թիւս ընդդիմադիր այլ պատգամաւորների, ինքը եւս որոշել է վայր դնել պատգամաւորական մանդատը՝ Իշխան Սաղաթելեանը պատասխանեց. «Նման քննարկում եղել է, բայց ՀՅԴ Գերագույն մարմինը կայացրել է որոշում, որ «Հայաստան» խմբակցութեան բոլոր դաշնակցական պատգամաւորները պէտք է մասնակցեն խորհրդարանի աշխատանքներին։ Դաշնակցութեան մէջ անհատական, անձնական չկայ այլեւս, երբ կայ ԳՄ որոշումը։ Հետեւաբար ես իմ մանդատը վայր չեմ դնելու, եթէ դնէինք, ապա դնելու էինք բոլորս»,- ասաց Սաղաթելեանը։

Հարցին՝ ի՞նչ տարաձայնութիւններ կան խմբակցութեան ներսում, Սաղաթելեանը պատասխանեց․ «Վերածնւող Հայաստան»-ը արել է իր յայտարարութիւնը, «Հայաստան» խմբակցութիւնը դրան պատասխանել է, աւելացնելու ոչինչ չունեմ»։

Պէտք է հասկանանք ու գնահատենք, թէ ինչ է կատարւում ընդդիմութեան դաշտում. այսօր ընդդիմութիւնը չունի այդ ճոխութիւնը յաւելեալ պառակտումների գնալու, իրար ուտելու, իրար վարկաբեկելու. ասաց Իշխան Սաղաթելեանը:

«ՀՅԴ-ի տեսակէտը միշտ եղել է շատ յստակ, մենք այս 2-3 տարւայ մէջ ընդդիմադիր դաշտի բախումներին որեւէ կերպ մասնակց չենք լինում: Չնայած մենք յաճախ թիրախ ենք դառնում եւ շատ հետեւողականօրէն որոշների կողմից վարկաբեկւում, բայց մենք այդ ամենին մաս չենք կազմում: Ոչ թէ նրա համար, որ չենք կարող մենք էլ մեր վարձու ստատուս գրողներն ունենալ, այլ նրա համար, որ գտնում ենք՝ ընդդիմութիւնը պէտք է լինի որքան հնարաւոր է՝ միասնական, որքան հնարաւոր է համախմբւած: Մենք մեծ ջանքեր գործադրել ենք այդ ուղղութեամբ, քանի որ ուժերը պէտք է համախմբել»,- ասաց նա:

Հարցին, թէ այսօր որքանո՞վ է ընդդիմութիւնը համախմբւած, Սաղաթելեանը պատասխանեց. «Դժբախտաբար այն համախմբւածութիւնը, որ պէտք է ունենար, չունի: Այս դաշտում եւս ջուրը պղտորողներ կան, որը մեր ընդհանուր գործի շահերից չի բխում»:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։