Ցեղասպանութեան կանխարգելման ամենակարեւոր գործիքը Նիկոլ Փաշինեանը համարում է երկխօսութիւնն ու համագործակցութիւնը Բաքւի ու Ստեփանակերտի միջեւ: Փաշինեանը սա ասել է Մատենադարանում մեկնարկած «Ընդդէմ Ցեղասպանութեան յանցագործութեան» գլոբալ ֆորումի ժամանակ: Ֆորումի թեման նոր տեխնոլոգիաների դարաշրջանում ցեղասպանութեան կանխարգելումն է:
«alikonline.ir» - Ցեղասպանութեան կանխարգելման ամենակարեւոր գործիքը Նիկոլ Փաշինեանը համարում է երկխօսութիւնն ու համագործակցութիւնը Բաքւի ու Ստեփանակերտի միջեւ: Փաշինեանը սա ասել է Մատենադարանում մեկնարկած «Ընդդէմ Ցեղասպանութեան յանցագործութեան» գլոբալ ֆորումի ժամանակ: Ֆորումի թեման նոր տեխնոլոգիաների դարաշրջանում ցեղասպանութեան կանխարգելումն է: Յատկանշական է, որ աշխարհով մէկ Հայոց Ցեղասպանութեան ճանաչման, դատապարտման եւ փոխհատուցման արշաւ իրականացնող ՀՅԴ Հայ Դատի գրասենեակներն ու յանձնախմբերը Ֆորումին մասնակցելու հրաւէր չեն ստացել. «Փաստարկ» մամուլի ակումբում լրագրողների հետ հանդիպման ժամանակ ասաց ՀՅԴ Բիւրոյի անդամ, ՀՅԴ Հայ Դատի եւ քաղաքական հարցերի գրասենեակի ղեկավար Կիրօ Մանոյեանը: Կիրօ Մանոյեանի պնդմամբ՝ սա խտրականութիւն է գործող իշխանութիւնների կողմից:
Անդրադառնալով հաւանական պատերազմ լինելուն ՀՅԴ-ական գործիչը նշեց. «2020 թւականի պատերազմից յետոյ, եւ յատկապէս հիմա Ուկրայինայի պատերազմի պատճառով տարածաշրջանում անորոշութիւնները շատ են եւ Թուրքիան ու Ադրբեջանը փորձում են օգտւել դրանից՝ իրենց նպատակները առաջ քաշելու համար։ Չի կարելի ասել, որ բացառւած է պատերազմը»,- ասաց նա։
Նրա խօսքով` ունենք ԱԳՆ, որը շատ հարցրերում մասնակից չէ. «Ամէն ինչ արւում է վարչապետի միջոցով։ Հետաքրքիր, որ «Խաղաղութեան պայմանագրի» մասին խօսում է ոչ թէ Արտաքին գործերի նախարարը, այլ Անվտանգութեան խորհուրդի քարտուղարը։ Սա ինքնին ձախողման երաշխիք է։ Ամէն ինչ վարչապետի կողմից է ղեկավարւում եւ դա անորոշութիւններ է ստեղծում, որոնք ենթադրում են այն, որ մենք լուրջ չենք վերաբերւում։ Այս իշխանութիւնը միայն իշխանութիւնը պահելու համար բոլորին խոստոմներ է տւել, բոլորն էլ փորձում են այս պայմաններում օգտւել եւ ստանալ այն, ինչ բխում է իրենց շահերից»,- ասաց նա։
Անդրադառնալով Հայ Դատի կատարած աշխատանքներին գրասենեակի ղեկավարը նշեց, որ անցյալ տարի կենտրոնացումը եղել է Արցախի իրաւունքների պաշտպանութեան համար արտաքին կապեր ստեղծելու վերաբերեալ. «Մենք նոր դժւարութիւնների առջեւ ենք, որովհետեւ սկսում ենք լսել բաներ, որոնք բաւական երկար ժամանակ է մօտաւորապէս 2 ու կէս տասնամեակ չէինք լսել, ասում են՝ դուք ասում էք սա, բայց Հայաստանի իշխանութիւնները մէկ այլ բան են ասում։ Ֆրանսիայում մեզ ասացին, որ իրենց վերջին խօսակցութիւնները ՀՀ իշխանութեան հետ փաստում են մէկ բան, որ իշխանութեան ուզածը Ձեր այստեղ շեշտածը չէ։ Մենք նոյնը լսել ենք նաեւ Միացեալ Նահանգների կոնգրեսականների շրջանակներից։
Սա արդէն խնդիր է մեզ համար, որովհետեւ երկրորդ եւ երրորդ նախագահների օրօք մենք խնդիրներ չենք ունեցել, բայց առաջին նախագաիհի օրօք եղել է։ Կաեւոր է, որ կարողանանք այս խնդիրը յաղթահարել եւ սա բաւականին բարդ է, քանի որ այս իշխանութիւնները որոշել են խտրական վերաբերւել»,- ասաց ՀՅԴ-ական գործիչը։
