Շատ կարեւոր եմ համարում, որ Արցախում հարցի լայն ներքին քննարկումների արդիւնքում բոլորը յանգեցին ճիշտ եզրակացութեան, որ այսօր գերակայ խնդիր կայ եւ յանուն դրա բոլոր մնացած հարցերը պէտք է ստորադասւեն: Այս մասին, այսօր՝ յունւարի 16-ին, ՀՀ ԱԺ-ում ունեցած ճեպազրոյցի ժամանակ ասաց ՀՅԴ Բիւրոյի քաղաքական ներկայացուցիչ, «Հայաստան» խմբակցութեան պատգամաւոր Արմէն Ռուստամեանը՝ անդրադառնալով Արցախի վերջին ներքաղաքական զարգացումներին:
«alikonline.ir» - Շատ կարեւոր եմ համարում, որ Արցախում հարցի լայն ներքին քննարկումների արդիւնքում բոլորը յանգեցին ճիշտ եզրակացութեան, որ այսօր գերակայ խնդիր կայ եւ յանուն դրա բոլոր մնացած հարցերը պէտք է ստորադասւեն: Այս մասին, այսօր՝ յունւարի 16-ին, ՀՀ ԱԺ-ում ունեցած ճեպազրոյցի ժամանակ ասաց ՀՅԴ Բիւրոյի քաղաքական ներկայացուցիչ, «Հայաստան» խմբակցութեան պատգամաւոր Արմէն Ռուստամեանը՝ անդրադառնալով Արցախի վերջին ներքաղաքական զարգացումներին:
Նրա կարծիքով՝ Արցախը միասնականութիւմը միշտ հայերի համար եղել է առաջնորդող, արցախահայութիւնը միշտ ցոյց է տւել միասնական կամքը եւ այսօր էլ իր այդ առաքելութեան տէրն է:
«Արցախցին այսօր ամենաառաջին գծում պայքարող մեր ժողովուրդն է, եւ իրենք չպէտք է թոյլ տան որեւէ քայլ, որը կարող է այդ միասնականութիւնը խաթարել»,-յայտարարեց Ռուստամեանը:
Նա ժամանակավրէպ համարեց այս փուլում Արցախում նախագահական ընտրութիւններ անցկացնելը. «Այս կարեւորագոյն հարցը չլուծած, չյաղթահարած այս մարտահրաւէրը, որն Ադրբեջանը մեզ պարտադրում է, մենք չպէտք է իրավիճակ լարենք, քանի որ Արցախի իշխանութիւնն այսօր ունի յստակ լեգիտիմութիւն, որը գլխաւոր առաւելութիւնն է, որ ոչ ոք, առնւազը հայկական իրականութեան մէջ, 2020 թւականի Արցախի ընտրութիւնները կասկածի տակ չի դրել: Այս իրավիճակում իշխանութիւնները պէտք է տէր կանգնեն այդ լեգիտիմութեանը»,- ասաց Ռուստամեանը՝ յաւելելով, որ Արցախի վերջին ընտրութիւնների ժամանակ բոլորը գիտէին, որ ձեւաւորւող իշխանութիւնը պատմական առաքելութիւն էր ունենալու:
«Առաջնային ընտրւած թէ՛ նախագահը, թէ՛ ԱԺ-ն պէտք է տէր կանգնեն իրենց մանդատներին եւ լեգիտիմութիւնը պահպանեն, որովհետեւ այդ լեգիտիմութեան շուրջ է, որ նաեւ պէտք է ձեւաւորւի միասնական մթնոլորտը եւ այս պայքարն ունենայ յստակ առաջնորդ»,- ասաց Արմէն Ռուստամեանը:
Կարծիք յայտնելով, որ կատարւածի մէջ կայ նաեւ Բաքւի գործօնը, որը բացայայտ, նաեւ Եւրոպայի խորհրդում յայտարարում է, որ Ռուբէն Վարդանեանին պէտք է դուրս հանել Արցախից՝ պատգամաւորը յայտարարեց. «Առնւազն դա բաւական է, որ դա չկատարւի: Ինչ է նշանակում՝ թոյլ տալ, որ Ադրբեջանը որոշի, թէ Արցախում ով պէտք է ստանձնի այս կամ այն պաշտօնը: Դա նշանակում է, որ մենք կամաց-կամաց զիջելով կը կորցնենք ընդհանրապէս սուբիեկտայնութիւնը: Արդէն իսկ այդ խնդիրն ունենք: Արցախը պէտք է ձեւաւորւած եւ ընտրութիւններով ամրագրւած որպէս սուբիեկտ դրսեւորւի: Այսօրւայ իրավիճակը ցոյց է տալիս, թէ որքան կարեւոր է այդ սուբիեկտայնութիւնը, այսօր Արցախն է, որ խօսում է իր իրաւունքների մասին»:
