Սէյրան Օհանեանը որեւէ գրաւոր փաստաթուղթ չի ստացել։ Քիչ առաջ այդ մասին տեղեկացել ենք մամուլից լրագրողների հետ զրոյցում ասաց ՀՅԴ անդամ, ՀՀ ԱԺ «Հայաստան» խմբակցութեան պատգամաւոր Գեղամ Մանուկեանը։
«alikonline.ir»- Սէյրան Օհանեանը որեւէ գրաւոր փաստաթուղթ չի ստացել։ Քիչ առաջ այդ մասին տեղեկացել ենք մամուլից լրագրողների հետ զրոյցում ասաց ՀՅԴ անդամ, ՀՀ ԱԺ «Հայաստան» խմբակցութեան պատգամաւոր Գեղամ Մանուկեանը։
«4 տարի շարունակ այս իշխանութեան քաղաքականութիւնն է եղել տարբեր տեսակ քրէական գործեր յարուցելով, կեղծ տեղեկատւութեամբ, կեղծ լուրերով հասարակութեան ուշադրութիւնը շեղելու, մոլորեցնելու, տարբեր մարդկանց թիրախաւորելու գործընթաց, ինչպէս եղաւ Գեղարքունիքում տեղի ունեցած աննախադէպ ողբերգութեան համար միանգամից կարգւեցին մեղաւորներ, թիրախաւորւեցին սպա, կապիտան»,- ասաց նա։
Անդրադառնալով երէկ տեղի ունեցած ողբերգական դէպքին պատգամաւորը նշեց․ «Ցաւօք սրտի այս ողբերգութիւնը եւս մէկ անգամ փաստեց, թէ ինչ ողբերգական, խայտառակ փնթի վիճակում է մեր անվտանգային համակարգը, Զինւած ուժերը»,- ասաց նա։
ՀՅԴ-ական գործիչը նշեց, որ 3 օր առաջ էր, որ բարձրաձայնում էր սահմանում տեղի ունեցող իրավիճակը․ «Խօսքը ոչ միայն վերաբերւում է Զինւած ուժերի տարբեր ստորաբաժանումների տեղակայման վայրերին, այլ նաեւ առաջնագծի բազմաթիւ հատւածներ ուղղակի խայտառակ վիճակի մէջ են։ Եթէ երէկւայ (յունւարի 17-ի) հրդեհի դէպքը չլինէր, որեւէ մէկը տեղեա՞կ էր, որ Իտալիայից մոդուլային տներ են պատւիրել։ Այդ մոդուլային տնակները վացուղ կիրառւում են։ Ի՞նչու Ազատ գիւղում այդ հիւղակում էր տեղակայւել մի ամբողջ վաշտ»,- ասաց պատգամաւորը:
