Հա

Քաղաքական

27/01/2023 - 13:40

Փաշինեանը հրդեհի մեղաւոր է նշանակել

Մենք տեսնում ենք բանակում խաղաղ պայմաններում զոհերի թւի աճ, սա ընդհանուր անկազմակերպւածութեան դրսեւորում է, «Ազատութեան» հետ զրոյցում յայտարարեց ՀՅԴ անդամ, «Հայաստան» խմբակցութեան պատգամաւոր Արթուր Խաչատրեանը:

«alikonline.ir» - Մենք տեսնում ենք բանակում խաղաղ պայմաններում զոհերի թւի աճ, սա ընդհանուր անկազմակերպւածութեան դրսեւորում է, «Ազատութեան» հետ զրոյցում յայտարարեց ՀՅԴ անդամ, «Հայաստան» խմբակցութեան պատգամաւոր Արթուր Խաչատրեանը:

Ներկայացնում ենք հատւած հարցազրոյցից.

 

- Ձեզ բաւարարո՞ւմ է քննութեան ընթացքը, այսօր հաղորդւեց, որ զօրամասի թիկունքի պետն է ձերբակալւել:

- Իհարկէ, չի բաւարարում, հէնց առաջին օրւանից չի բաւարարում, որ Փաշինեանը կառավարութեան նիստում, աղէտից ընդամէնը մի քանի ժամ յետ արդէն վարկած է առաջ քաշում, արդէն մեղաւորներ է նշանակում, կոնկրետ մեղաւոր է նշանակում, չի բաւարարում, որ առանց պատշաճ քննութեան ամբողջ երկրորդ բանակային կորպուսի ղեկավարութիւնն է գլխատւում, իսկ ամենակարեւորը՝ չի բաւարարում այն վիճակը, որը մենք ունենք բանակում, եւ այն վիճակը, որը մենք ունենք պետութիւնում: Վերջիվերջոյ՝ բարդակ, անկազմակերպ պետութեան մէջ չի կարող լինել կազմակերպւած բանակ, դրա հետեւանքները բազմաթիւ դրսեւորումներ ունեն: Մենք տեսնում ենք բանակում խաղաղ պայմաններում զոհերի թւի աճ, ոչ կանոնադրական յարաբերութիւնների աճ, դժբախտ պատահարները ոչ բանակում՝ Սուրմալուն, հրդեհները, սրանք ընդհանուր անկազմակերպւածութեան, ընդհանուր բարդակի դրսեւորումներ են:

 

- Ձեր ժամանակ չէ՞ր լինում:

- Երբ մենք իշխանութեան մաս ենք եղել, կարելի է դնել եւ նայել վիճակագրութիւնը, յամենայնդէպս 15 զինւոր, որոնք այրւէին իրենց կացարանում, խաղաղ պայմաններում երբեք չի եղել: Իհարկէ, դէպքերը, ցաւօք սրտի, եղել են եւ ամբողջ աշխարհում կան, բայց դուք նայէք դինամիկան: Երկրորդը՝ այդ ակնարկով ընդունեցիք, որ Նիկոլ Փաշինեանի յեղափոխութիւնը ձախողւել է, որովհետեւ եթէ այդ դէպքերը կային մինչեւ իր գալը եւ կային իր գալուց յետոյ եւ իր ժամանակ, այդ դէպքում ինչո՞ւ ինքը յեղափոխութիւն արեց:

 

- Պարոն Խաչատրեան, Դուք ասացիք՝ ուղղորդում է քննութեանը, մեղաւորներ է նշանակում, այսօր կառավարութեան նիստում վարչապետը հակադարձեց դրան, որ թող ստուգւեն բոլոր վարկածները, եթէ իր ասածին կը հակասի, բացարձակ խնդիր չի տեսնում այդտեղ:

- Հասկանում էք, չէ՞, կոնինգտուրան կառավարման համակարգի, եթէ վարչապետն ասել է՝ կապիտանը բենզին էր լցնում, որպէսզի կրակը թէժացնէր, դա սակրաւոների մասին է խօսքը, այսինքն՝ սակրաւոր կապիտանը այրւող կրակի վրայ բենզին է լցնում, որ կրակը թէժացնի՞, ինչեւէ, եթէ Փաշինեանը արդէն ասել է՝ սա է հիմնական վարկածը, ապա այդ ամբողջ համակարգի համար շատ-շատ ջանք կը պահանջւի, որպէսզի այլընտրանքային վարկած առաջ քաշեն:

 

- Ստուգում են բոլոր առաջ քաշած վարկածները, այսօր դատախազն ասաց:

- Դէ հասկանալի է, դրա համար մինչեւ ստուգելը ինքը պէտք է բերանը փակի եւ ասի՝ գնում է քննութիւն, ի՞նչն է ստիպում, որ ինքը վեր կենայ ասի՝ կապիտանը բենզին էր լցնում բաց կրակի վրայ, ձեռքը կպաւ, ինքը շպրտեց, յետոյ դրանից յետոյ ասում են՝ զինւորները պառկած են եղել իրենց մահճակալների վրայ, այսինքն՝ խեղդամահ են եղել եւ ոչ թէ այրւել են: Տարբեր վարկածներ կան: Իմ համար էլ բազմաթիւ հարցեր կան, որոնք թէ՛ ներքին խնդիրներն են, այսինքն, ներքին անկազմակերպւածութեան հետեւանքն է, թէ՛ թշնամու գործողութեան վարկած կարող է լինի, որ էլի անկազմակերպւածութեան հետեւանք կարող է լինել, որ թշնամին այդքան խորը մտել է տարածք: Բայց քանի դեռ չկայ նորմալ վարկած, չկան մեղադրեալներ, չի կարող կառավարութեան ղեկավարը ի լուր աշխարհի վեր կենալ եւ այդ կապիտանին դարձնի 15 մարդու զոհւելու մեղաւոր, թէկուզ եւ ոչ դիտաւորեալ:

 

- Դուք էլ էք կարծո՞ւմ, որ պաշտպանութեան նախարարը պէտք է հեռանար:

- Ես կարծում եմ, որ քաղաքական պատասխանատւութիւն պէտք է կրեն եւ ոչ միայն պաշտպանութեան նախարարը, «Սուրմալու»-ում տեղի ունեցաւ հրդեհ, այդպէս էլ չհասկացանք՝ հրդեհ է եղել, թէ պայթիւն է տեղի ունեցել: Ես նոյնիսկ չգիտեմ՝ ով պատասխանատւութիւն կրեց, բայց վստահ եմ, ոչ արտակարգ իրավիճակների նախարարը: Այո, նա էլ պէտք է պատասխան տար, պաշտպանութեան նախարարն էլ պէտք է պատասխան տար:

 

- Նախարարը քաղաքականութեան մշակողն է, թուղթը ցոյց են տալիս, մշակւած է եղել:

- Չէ, նախարարը քաղաքականութեան մշակող չի, նախարարը ղեկավար է, փաստաթուղթ կարող է մշակել ցանկացած դրսից եկածը:

 

- Պապաիկեանը անձամբ պէտք է գնար զօրամասերով ստուգէ՞ր՝ բենզին են օգտագործում, թէ՝ չէ:

- Վերադառնանք իմ առաջին ասածին, երբ բարդակ է, այդ բարդակն իջնում է ներքեւ բոլոր ստորաբաժանումներում:

 

- Այս դէպքի հետեւանքով ակտիւացան դիրքերը չկահաւորելու մասին խօսակցութիւնները, այս առիթով ասում են՝ դա դիրք չէ, առաջնագիծ չէ, եկէք գնանք Ջերմուկ, օրինակ, տեսէք ինչքան գործ է արւել:

- Նաեւ Ջերմուկում իրենք կահաւորւած դիրքեր են զիջել, եթէ ես չեմ սխալւում: Ջերմուկում միգուցէ ինչ-որ բան է արւել, բայց ակնյայտ է, որ այստեղ դա արւած չի եղել: Այն դիֆերամբները, որ իրենք երգում են, որ բանակում երբեք այսքան լաւ վիճակ չի եղել, այդ տնակը տեսանք՝ ինչ տնակ է, տեսանք ինչ վիճակ է:

 

Յարակից լուրեր

  • Փաշինեանի հակադարձումն Ալիեւին միջանցքի հետ կապւած դերասանութիւն էր
    Փաշինեանի հակադարձումն Ալիեւին միջանցքի հետ կապւած դերասանութիւն էր

    «Փաշինեանը ոչ մի բանակցութիւնից որեւէ դրական բան չի բերում»,- այս մասին Factor.am-ի հետ զրոյցում նշեց ՀՅԴ անդամ, «Հայաստան» խմբակցութեան պատգամաւոր Արթուր Խաչատրեանը՝ անդրադառնալով հարցին, թէ ինչ կարելի է ակնկալել յունիսի 1-ին Քիշնեւում կայանալիք հնգակողմ հանդիպումից։

  • «Փաշինեանը «Մեր դէմ խաղ չկայ» սկզբունքով, քաղաքական սադիզմով պատժում է ընդդիմախօսներին». Արթուր Խաչատրեան
    «Փաշինեանը «Մեր դէմ խաղ չկայ» սկզբունքով, քաղաքական սադիզմով պատժում է ընդդիմախօսներին». Արթուր Խաչատրեան

    168 TV-ի «Ռեւիւ» հաղորդաշարի եթերում ԱԺ «Հայաստան» խմբակցութեան պատգամաւոր Արթուր Խաչատրեանը զոհւած զինծառայողի մօր նկատմամբ կատարւողը պայմանաւորեց Փաշինեանի իշխանութեան որդեգրած քաղաքականութեամբ՝ բոլոր ընդդիմախօսներին պարբերաբար պատժել։

  • Ադրբեջանը նոր բանակցութիւնների նախօրէին ուժ է կիրառում, որ Հայաստանից զիջումներ կորզի
    Ադրբեջանը նոր բանակցութիւնների նախօրէին ուժ է կիրառում, որ Հայաստանից զիջումներ կորզի

    Կառավարութեան նիստերը վաղուց արդէն դադարել են նիստեր լինելուց, վաղուց արդէն այդ «նիստերը» որոշումներ կայացնելու համար չեն։ Կառավարութեան հաւաքները վաղուց արդէն վերածւել են բեմականութեան, որտեղ գլխաւոր հերոսը քաղաքական ելոյթներ է ունենում, հպարտանում չեղած ձեռքբերումներով, իրողութեանը չհամապատասխանող պնդումներ անում եւ ժողովրդին նախապատրաստում է նոր կապիտուլեացիայի:

  • «Ցանկացած զիջում թուրքերին բերում է աւելի լկտի պահանջների»․ Արթուր Խաչատրեան
    «Ցանկացած զիջում թուրքերին բերում է աւելի լկտի պահանջների»․ Արթուր Խաչատրեան

    Ես դեռ 1,5 տարի առաջ հարցում էի ուղարկել էկոնոմիկայի նախարարութիւն, որ իրենք իրենց հաշւարկները ներկայացնեն, թէ հայ-թուրքական սահմանի բացման արդիւնքում Հայաստանն ինչ օգուտներ կունենայ: Այս մասին այսրօր ԱԺ-ում լրագրողների հետ զրոյցում ասաց ԱԺ «Հայաստան» խմբակցութեան պատգամաւոր Արթուր Խաչատրեանը:

  • Յուսահատ ու դժբախտ հասարակութիւն...
    Յուսահատ ու դժբախտ հասարակութիւն...

    Մայիսի 8-ին լրացաւ Նիկոլ Փաշինեանի «գահակալութեան» հինգերորդ տարին։ Սկսւում է «Նիկոլի թւի» վեցերորդ տարին։ Ինչ տեղի ունեցաւ այս հինգ տարիների ընթացքում՝ բոլորս տեսանք. հազարաւոր զոհեր, Արցախի տարածքի մեծ մասի օկուպացիա, ոսոխի ներկայութիւն Հայաստանի Հանրապետութեան տարածքում, ինքնիշխանութեան կորստի եւ նոր աւերիչ պատերազմի վերսկսման իրական վտանգ...

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։