Ռուսաստանցի մեդիամագնատ՝ News media հոլդինգի հիմնադիր, ազգութեամբ հայ, արմատներով արցախցի Արամ Գաբրիէլեանովն արձագանգել է իր մուտքը Հայաստան արգելելուն։
«alikonline.ir» - Ռուսաստանցի մեդիամագնատ՝ News media հոլդինգի հիմնադիր, ազգութեամբ հայ, արմատներով արցախցի Արամ Գաբրիէլեանովն արձագանգել է իր մուտքը Հայաստան արգելելուն։
Նա նախ ներողութիւն է խնդրել երիտասարդ լրագրողներից, որ չի կարողացել հասնել Երեւան ու նրանց համար դասախօսութեամբ հանդէս գալ։
«Ուղղակի գլխումս չի տեղաւորւում հային Հայաստան չթողնելը, յատկապէս երկրորդ ՀՀ քաղաքացիութիւն ունեցող մարդուն։ Ես, իհարկէ, գիտէի, որ Փաշինեանը Բեթմէնը չէ, բայց որ այդքան ճղճիմ ու վախկոտ է, նոյնիսկ ես չէի սպասում»,- ֆէյսբուքեան իր էջում գրել է նա։
Գաբրիէլեանովը յայտարարել է, որ փորձ է արւում ոչնչացել Ռուսաստանի ու ռուս ժողովրդի հետ ունեցած դարաւոր եղբայրական բարեկամութիւնը։
«Բայց պէտք չէ յանձնւել։ Դեռ շանս կայ։ Կարեւորն այն է, որ գոնէ մաքուր հայերի տասը տոկոսը պայքարի յանուն հայրենիքի, որ իրենց երեխաներին, թոռներին սովորեցնեն սիրել հայրենիքը, սովորեցնեն հպարտանալ հայրենիքի մեծ պատմութեամբ։ Նիկոլները գալիս են ու գնում, ամէն ինչ լաւ կը լինի։
Չգիտեմ՝ Փաշինեանը գիտի՞, թէ ով է իր նախապապը, բայց իմ նախապապ Նիկոլայը Տաթեւի եկեղեցու վանահայրն է եղել։ Եւ բոմժերը չէ, որ ինձ պէտք է զրկեն հօրս հայրենիքից»,- նշել է նա։
