Հա

Քաղաքական

11/03/2023 - 13:50

«Այս իշխանութիւնը ՀՀ-ն ու Արցախը որպէս մատաղացու գառ մատուցել է իր արտաքին հովանաւորներին, թուրքերին». Տիգրան Աբրահամեան

Հայաստանում ու յատկապէս Արցախում շատ քիչ մարդ կը հանդիպի, ով ՀՀ իշխանութեան եւ, մասնաւորապէս, Փաշինեանի բանակցային կամ ռազմական ունակութիւնները բաւարար կը համարի:

«alikonline.ir» - Տիգրան Աբրահամեանը ֆէյսբուքեան իր էջում գրում է.

«Հայաստանում ու յատկապէս Արցախում շատ քիչ մարդ կը հանդիպի, ով ՀՀ իշխանութեան եւ, մասնաւորապէս, Փաշինեանի բանակցային կամ ռազմական ունակութիւնները բաւարար կը համարի:

Որքան էլ փաշինեանական քարոզչամեքենան փորձի ֆոն ստեղծել, թէ հակադարձում է Սերժ Սարգսեանի` Փաշինեանի բանակցային գործընթացում եւ մարտի դաշտում իրացրած քաղաքականութեան խիստ քննադատութեանը, ակնյայտ է, որ նոյնիսկ Փաշինեանի կողմնակիցները գիտակցում են, որ իշխանութիւնը տապալել է ե´ւ անվտանգային, ե´ւ արտաքին քաղաքական գործընթացը:

Հետեւանքները իւրաքանչիւրս զգում ենք մեր մաշկի վրայ` Արցախի, իսկ իրականում Հայաստանի շրջափակում, քաղաքական մեկուսացում, անընդհատ խոստացւող ու Ադրբեջանին արւող զիջումներ, 44-օրեայ պատերազմ, ՀՀ-ի դէմ յարձակումներ, հսկայական տարածքային եւ մարդկային կորուստներ, ինքնիշխանութեան նւազագոյն մակարդակ: Թւարկւող ցանկը շարունակելի է:

Արդեօ՞ք բանավէճի թեմա կայ փաշինեանակսն իշխանութեան հետ: Այլեւս ոչ: Արդեօ՞ք այդ մասին հասարակութեան հետ խօսելու, իրազեկելու խնդիր կայ` միանշանակ:

Կա´յ, որովհետև պէտք է գերիշխի այն մօտեցումը, որ այս իշխանութիւնը, եթէ ինչ-որ հրաշքով, մեծ ցանկութիւն էլ ունենայ, պարզապէս ՀՀ անվտանգութիւնը, տարածքային ամբողջականութիւնը, ինքնիշխանութիւնը պաշտպանելու որեւէ հնարաւորութիւն չունի:

Աւելին, այս իշխանութիւնը ՀՀ-ն ու Արցախը որպէս մատաղացու գառ մատուցել է իր արտաքին հովանաւորներին, թուրքերին եւ այս պայմաններում ՀՀ գոյութիւնն ինքնին խիստ կասկածի տակ է:

Հայաստանն ու Արցախը, հայ ժողովուրդն այս ռեգիոնում գոյատեւելու, դեռ չեմ ասում` գործօն լինելու հնարաւորութիւնը կը վերականգնեն մէկ դէպքում, եթէ փաշինեանական ռեժիմը պարզապէս չլինի, հակառակ դէպքում շանս պարզապէս չկայ»:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։