168 TV-ի «Ռեւիւ» հաղորդաշարի եթերում, խօսելով Հայաստանի եւ Արցախի շուրջ ռազմական էսկալացիայի մեծ վտանգի ու դրան ի պատասխան՝ Նիկոլ Փաշինեանի վարած քաղաքականութեան մասին, նման տեսակէտ յայտնեց Արցախի Հանրապետութեան նախկին արտգործնախարար Կարէն Միրզոյեանը՝ ընդգծելով.
«alikonline.ir» - Նիկոլ Փաշինեանի վարած արտաքին քաղաքականութիւնը մէկ բառով կարելի է բնութարել այսպէս՝ անպատասխանատւութիւն։ Ցանկացած իշխանութիւն իր ընտրողների առաջ պէտք է ստանձնի, առաջինը՝ հէնց պատասխանատւութիւն, մինչդեռ այս իշխանութիւնն իր գոյութիւնը երկարացնելու համար դիմում է բառախաղերի եւ զանազան մանիպուլեացիաների՝ հրաժարւելով պատասխանատւութիւն կրելուց, ուստի շատ կուզենայի, որ այս մասին խորհեն հէնց այն մարդիկ, որոնք ձայն են տւել այս իշխանութեանը։
168 TV-ի «Ռեւիւ» հաղորդաշարի եթերում, խօսելով Հայաստանի եւ Արցախի շուրջ ռազմական էսկալացիայի մեծ վտանգի ու դրան ի պատասխան՝ Նիկոլ Փաշինեանի վարած քաղաքականութեան մասին, նման տեսակէտ յայտնեց Արցախի Հանրապետութեան նախկին արտգործնախարար Կարէն Միրզոյեանը՝ ընդգծելով.
«Յանուն հայկական շահի պաշտպանութեան՝ Հայաստանի իշխանութիւնը, եթէ պէտք է, պէտք է անգամ գնայ նաեւ պատերազմ յայտարարելու, որովհետեւ այսօր խօսքը ոչ թէ ինչ-ինչ կուսակցական շահերի, այլ Հայաստանի գոյութեան մասին է»,- ասաց Կարէն Միրզոյեանը՝ շեշտելով՝ դա անհրաժեշտ է, որովհետեւ ցանկացած անվտանգային մարտահրաւէր հնարաւոր չէ կարգաւորել միայն դիւանագիտութեամբ, ինչի մասին խօսում է այս իշխանութիւնը։
«Յոյս ունենալ, որ սոսկ դիւանագիտութեամբ այս կամ այն բեւեռին ապաւինելով՝ հնարաւոր է երկիրը կործանումից փրկել. դա կա՛մ նաիւ մտածելակերպ է, կա՛մ միտում»,- ասաց Արցախի նախկին արտգործնախարարը՝ ի պատասխան միջազգային երաշխաւոր փնտրող Նիկոլ Փաշինեանի՝ ընդգծելով. «Կայ միայն մէկ երաշխաւոր։ Այդ երաշխաւորը միայն ու միայն մենք ենք՝ հայ ազգը։ Այն քայլերը, որոնք արւում են այսօր իշխանութիւնների կողմից, չեն նպաստում Արցախի եւ Հայաստանի առջեւ ծառացած խնդիրների կարգաւորմանը, ընդհակառակը, դրանք աւելի են բարդացնում եւ նոր խնդիրներ առաջ բերում»,- ասաց Միրզոյեանը։
Նա յիշեցրեց, որ անվտանգային լրջագոյն խնդիրների առաջ այս իշխանութիւնը կանգնեցրեց հայկական երկու պետութիւնները, երբ դադարեց խօսել Արցախի ինքնորոշման իրաւունքից՝ Արցախում ապրողների իրաւունքների պաշտպանութեան մասին խօսոյթով, երկիրը կանգնեցնելով պատերազմի առջեւ։
«Մինչդեռ հէնց Արցախի ժողովրդի ինքնորոշման իրաւունքի իրացումն առանց որեւէ սահմանափակման՝ կարող է լուծել Արցախի անվտանգութեան հետ կապւած բոլոր հարցերը»,- ասաց Միրզոյեանը։
Աղաւնի Սուքիասեան
