Հա

Քաղաքական

08/07/2019 - 09:20

ԵՄ-ն արձագանքել է Իրանի՝ Միջուկային գործարքով ստանձնած իր պարտաւորութիւնների կրճատման մասին որոշամնը

Եւրոմիութիւնն արձագանքել է Իրանի՝ Միջուկային համապարփակ համաձայնագրով ստանձնած իր պարտաւորութիւնների կրճատման մասին որոշմանը՝ յայտարարելով, որ կապի մէջ է գործարքի միւս կողմերի հետ, եւ հնարաւոր է խնդրի վերաբերեալ համատեղ յանձնաժողովի նիստ հրաւիրի:

«alikonline.ir» - Եւրոմիութիւնն արձագանքել է Իրանի՝ Միջուկային համապարփակ համաձայնագրով ստանձնած իր պարտաւորութիւնների կրճատման մասին որոշմանը՝ յայտարարելով, որ կապի մէջ է գործարքի միւս կողմերի հետ, եւ հնարաւոր է խնդրի վերաբերեալ համատեղ յանձնաժողովի նիստ հրաւիրի: Տեղեկացնում է «Reuters» գործակալութիւնը:

Խնդրի կապակցութեամբ, ԵՄ արտաքին քաղաքականութեան եւ անվտանգութեան հարցերով գերագոյն յանձնակատար Ֆեդերիկա Մոգերինիի խօսնակ Մայա Կոչեանչիկը հանդէս է եկել յայտարարութեամբ՝ նշելով. «Մենք խիստ մտահոգւած ենք Իրանի՝ ուրանի հարստացման նորմերը գերազանցելու որոշման կապակցութեամբ: Մենք Իրանին կոչ ենք անում դադարեցնել իր ստանձնած պարտաւորութիւններին հակասող գործողութիւնները: Միջուկային համապարփակ համաձայնագրի շրջանակներում մեր ապագայ գործողութիւնները յստակեցնելու, այդ թւում՝ համատեղ յանձնաժողովի նիստ հրաւիրելու հնարաւորութեան մասին, մենք կապի մէջ ենք համաձայնագրի միւս կողմերի հետ»:

Յիշեցնենք, որ Իրանը երէկ՝ յուլիսի 7-ին յայտարարել է Միջուկային համապարփակ համաձայնագրով իր ստանձնած պարատաւորութիւնների կրճատման երկրորդ փուլի մասին: Երկրորդ փուլով Իրանը գերազանցելու է Միջուկային գործարքով նախատեսւած ուրանի հարստացման 3.67 տոկոսի նորմը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։