Հա

Քաղաքական

08/07/2019 - 10:50

Թրամփի վարկանշում նկատւում է ռեկորդային առաջընթաց, սակայն ընտրութիւններին նա կը պարտւէր մի շարք դեմոկրատներին

ԱՄՆ-ի նախագահ Դոնալդ Թրամփի վարկանիշը հասել է առաւելագոյն ցուցանիշի երդմնակալութեան պահից նրա վարչակազմի յաջողւած տնտեսական քաղաքականութեան շնորհիւ:

«alikonline.ir» - ԱՄՆ-ի նախագահ Դոնալդ Թրամփի վարկանիշը հասել է առաւելագոյն ցուցանիշի երդմնակալութեան պահից նրա վարչակազմի յաջողւած տնտեսական քաղաքականութեան շնորհիւ: Այդ մասին վկայում են կիրակի հրապարակւած հասարակական կարծիքի հարցման արդիւնքները, որն անցկացւել էր «Langer Research Associates» սոցիոլոգիական ծառայութեան կողմից «АВС» հեռուստաընկերութեան եւ «The Washington Post» թերթի պատւէրով: Ըստ «News.am»-ի՝ հաղորդում է «ՏԱՍՍ»-ը:

Ըստ հարցման արդիւնքների՝ նախագահի պաշտօնում Թրամփի աշխատանքին հաւանութիւն է տալիս հարցւողների 44 տոկոսը: Աւելի վաղ դրական գնահատական էին տւել նոյն հարցին 42 տոկոսից ոչ աւելի հարցւողներ 2017 թւականի ապրիլին:

Հետազօտողների գնահատմամբ՝ Թրամփի վարկանշի աճը կապւած է տնտեսական ոլորտում նրա քաղաքականութեան հետ, որը հարցւողները յաջողւած են համարում: Մասնաւորապէս, դրական է գնահատել հարցւածների 51 տոկոսը, իսկ բացասական՝ 42 տոկոսը: Միեւնոյն ժամանակ ԱՄՆ-ի նախագահի արտաքին քաղաքականութիւնն արդիւնաւէտ է համարել հարցւածների 40 տոկոսը, իսկ անարդիւնաւէտ՝ 55 տոկոսը: Շուրջ 37 տոկոսը գտնում է, որ Կոնգրեսը պէտք է սկսի Թրամփի իմպիչմենտի գործընթացը, հակառակ կարծիք ունի 59 տոկոսը:

Հարցման մասնակիցներին տրւել էր նաեւ հարցը, թէ ում կընտրէին, եթէ նախագահական ընտրութիւնները տեղի ունենային այսօր: Առաջարկւում էր ընտրութիւն կատարել Թրամփի եւ Դեմոկրատական կուսակցութիւնից առաջադրւելու մեծ հաւանականութիւն ունեցող հինգ դեմոկրատների միջեւ: Այդ հնգեակում ներառւած էին նախկին փոխնախագահ Ջօ Բայդէնը, Վերմոնտ նահանգի սենատոր Բերնի Սանդերսը, Մասաչուսեթսի սենատոր Էլիզաբէթ Վորէնը, Ինդիանա նահանգի Սաութ Բենդ քաղաքի ղեկավար Փիթ Բութեջաջը եւ Կալիֆորնիա նահանգի սենատոր Քամալա Հարիսը: Համաձայն անցկացւած հարցման արդիւնքներին՝ Թրամփը կը պարտւէր նշւած հինգ քաղաքական գործիչներից իւրաքանչիւրին:

ԱՄՆ-ի նախագահի հիսունիններորդ ընտրութիւններն անցկացւելու են 2020 թւականի նոյեմբերի 3-ին:

Յարակից լուրեր

  • «Պաշտպանական կարողականութեան բարձարցումն ԱՄՆ պատժամիջոցներին դիմակայելու միջոցներից է». ՊՆ
    «Պաշտպանական կարողականութեան բարձարցումն ԱՄՆ պատժամիջոցներին դիմակայելու միջոցներից է». ՊՆ

    ԱՄՆ-ի հակաիրանական պատժամիջոցների դիմակայման առանցքային միջոցը կենսական նշանակութեան ամենատարբեր ոլորտների, մասնաւորապէս՝ պաշտպանութեան ինստիտուտների զարգացման ապահովումն է:

  • «Հայրենիք»-ի խմբագրական. Դատարկ փաղաքշանք
    «Հայրենիք»-ի խմբագրական. Դատարկ փաղաքշանք

    Վերոյիշեալ կարգախօսը կը ցոլացնէ Չորեքշաբթի, Նոյեմբեր 13-ին, Սպիտակ Տան նախագահական գրասենեակին հանդիպումը Միացեալ Նահանգներու նախագահ Տանըլտ Թրամփի եւ իր թուրք պաշտօնակից Ռեճէպ Թայիպ Էրտողանի միջեւ։

  • Վետօ կիրառած ԱՄՆ կոնգրեսականի կապը թուրքական լոբբինգի հետ
    Վետօ կիրառած ԱՄՆ կոնգրեսականի կապը թուրքական լոբբինգի հետ

    «Ամերիկեան հետազօտութիւնների հայկական կենտրոնը» ֆէյսբուքեան էջում հրապարակել է տեղեկութիւններ, որով պարզ է դառնում ԱՄՆ կոնգրեսական Լինդսի Գրահամի կապը թուրքական լոբբինգի հետ: Նշենք, որ Գրահամն այն կոնգրեսականն է, որը երկու օր առաջ Էրդողանի հետ հանդիպումից յետոյ վետօ էր դրել Հայոց Ցեղասպանութեան բանաձեւի վրայ:

  • «ԱՄՆ-ի եւ Թուրքիայի միջեւ տեղի ունեցաւ հերթական գործարքը, որով խոչընդոտւեց պատմական արդարութեան ճանաչման ընթացքը». թուրքագէտ
    «ԱՄՆ-ի եւ Թուրքիայի միջեւ տեղի ունեցաւ հերթական գործարքը, որով խոչընդոտւեց պատմական արդարութեան ճանաչման ընթացքը». թուրքագէտ

    Թուրքագէտ Ռուբէն Սաֆրաստեանը Yerkir.am-ի հետ զրոյցում նշեց, որ սպասելի էր, որ Հայոց Ցեղասպանութեան թեմայի հետագայ ընթացքն արդէն պէտք է կախւած լինէր անդրկուլիսեան բանակցութիւններից, որի գագաթնակէտը եղաւ Թրամփի եւ Էրդողանի հանդիպումը՝  սենատոր Լինդսի Գրահամի մասնակցութեամբ, որը Էրդողանի հետ հանդիպումից յետոյ գնացել եւ Սենատում վետօ էր դրել  բանաձեւի վրայ:

  • Պէտք է շարունակենք մեծ թափ հաղորդել այս գործընթացին
    Պէտք է շարունակենք մեծ թափ հաղորդել այս գործընթացին

    ԱՄՆ նախագահ Դոնալդ Թրամփի հետ համատեղ մամուլի ասուլիսի ժամանակ Թուրքիայի նախագահ Ռեջեփ Թայիփ Էրդողանը քննադատեց ԱՄՆ Ներկայացուցիչների պալատին՝ Հայոց Ցեղասպանութիւնը ճանաչելու վերաբերեալ բանաձեւն ընդունելու համար ու դիմեց Սենատին՝ իր խօսքում դարձեալ ժխտելով Հայոց Ցեղասպանութիւնը։ Tert.am-ի հետ զրոյցում անդրադառնալով ԱՄՆ Սենատում Հայոց Ցեղասպանութեան բանաձեւի ընդունումը սենատոր Լինդսի Գրահամի կողմից արգելափակելու որոշմանը՝ ասաց Ամերիկայի Հայ Դատի յանձնախմբի մամուլի քարտուղար Եղիսաբեթ Չուլջեանը։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։