Հա

Քաղաքական

29/07/2019 - 14:10

«ՌԴ ԱԳՆ-ի` Արցախի եւ այլ հակամարտութիւնների գծով «կուրատորը» կը փոխւի». «Կոմերսանտ»

Ռուսաստանի ԱԳՆ-ում, կարծես, կողմնորոշւել են` ով կը դառնայ արտգործնախարարի տեղակալ՝ փոխարինելով Գրիգորի Կարասինին, որն առաջադրւում է Դաշնային խորհրդում։

«alikonline.ir» - Ռուսաստանի ԱԳՆ-ում, կարծես, կողմնորոշւել են` ով կը դառնայ արտգործնախարարի տեղակալ՝ փոխարինելով Գրիգորի Կարասինին, որն առաջադրւում է Դաշնային խորհրդում։ Այս մասին ըստ «Yerkir.am»-ի՝ գրում է ռուսական «Կոմերսանտ»-ը:

«Երեք թեկնածու է դիտարկւում, ամենահաւանականը նախարարութեան հիւպատոսական դեպարտամենտի ներկայիս տնօրէն` 60-ամեայ Իւան Վոլինկինն է»,- գրում է պարբերականը։

Յիշեցնենք, որ Վոլինկինը Հայաստանում ՌԴ նախկին դեսպանն էր։

Օգոստոսի 23-ին կը լրանայ Կարասինի 70-ամեակը: «Պետական ծառայութեան մասին» օրէնքի համաձայն՝ պաշտօնավարման ժամկէտի երկարաձգումը հնարաւոր է մինչեւ 70 տարին:

Գրիգորի Կարասինը ղեկավարում է ԱՊՀ երկրների հետ երկկողմ յարաբերութիւնների, արտերկրում հայրենակիցների հետ աշխատանքի հետ կապւած հարցերը: Պատասխանատու է Դաշնային ժողովի պալատների, Ռուս Ուղղափառ եկեղեցու եւ հասարակական կազմակերպութիւնների հետ փոխգործակցութեան համար։ Պաշտօնը ենթադրում է մի շարք հակամարտութիւնների գծով «կուրատոր» (խնամակալ, պատասխանատու-ԽՄԲ.) լինել` Արցախի, Ուկրայինայի եւ Մերձդնեստրի հակամարտութիւններն ու Բելառուսիայի հետ առեւտրային խնդիրները։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։