Հա

Քաղաքական

26/09/2019 - 09:17

Իսրայէլի նախագահը Նեթանեահուին յանձնարարել է կոալիցիոն կառավարութիւն ձեւաւորել

Իսրայէլի նախագահ Ռէուվէն Ռիվլինը նոր կոալիցիոն կառավարութիւն ձեւաւորելու մանդատ է յանձնել գործող վարչապետ Բենեամին Նեթանեահուին: Այս մասին ըստ Tert.am-ի՝ յայտնում է ռուսական «Կորեսպոնդենտ»-ը:

«alikonline.ir»- Իսրայէլի նախագահ Ռէուվէն Ռիվլինը նոր կոալիցիոն կառավարութիւն ձեւաւորելու մանդատ է յանձնել գործող վարչապետ Բենիամին Նեթանեահուին: Այս մասին ըստ Tert.am-ի՝ յայտնում է ռուսական «Կորեսպոնդենտ»-ը:

Ըստ աղբիւրի՝ այս մասին հրէական պետութեան նախագահը յայտարարել է տեղի հեռուստատեսութեամբ՝ ընտրութիւնների արդիւնքում ամենաշատ ձայներ ստացած խոշորագոյն խմբակցությունների առաջնորդներ Նեթանեահուի եւ Բենի Գանցի հետ հանդիպումից յետոյ:

«Տեղեկացնում եմ, որ վարչապետ Նեթանեահուն մանդատ է ստացել ինձնից, թէեւ նա 61 ձայն չունի, որն անհրաժեշտ է կոալիցիա կազմելու համար: Անհրաժեշտ ձայների քանակը չունի ո՛չ Գանցը, ո՛չ Նեթանեահուն: Նեթանեահուին աջակցել են Քնեսեթի պատգամավորներից 55-ը, Գանցին՝ 54-ը: Նեթանեահուի հնարաւորութիւններն աւելի մեծ են»,- մեկնաբանել է իսրայէլցի նախագահը:  

Այժմ Նեթանեահուն 28 օր ունի կոալիցիոն կառավարութիւն կազմելու շուրջ բանակցութիւնների համար: ԱՆհրաժեշտութեան դէպքում նրան յաւելեալ 2 շաբաթ կը տրամադրւի:

Յիշեցնենք, որ սեպտեմբերի 17-ին Իսրայէլում երկրի պատմութեան մէջ առաջին անգամ տեղի են ունեցել կրկնակի խորհրդարանական ընտրութիւններ:

 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։