Հա

Քաղաքական

15/10/2019 - 14:00

Ակնարկ. Քրտաթափուող տարածքներ եւ սուրիական ուժերու տեղակայումներ

Թրքական ներխուժումը` Սուրիա, արդէն իսկ սկսած է ենթարկուիլ որոշ ձեւափոխումներու: Ամերիկեան լքումին եւ ռուսական լռութեան միջեւ զօրքերը դէպի Սուրիա տեղաշարժած Թուրքիան այժմ իր յայտարարողական յոխորտանքներուն ոչ համարժէք իրավիճակի մէջ սկսած է յայտնուիլ: Յստակ է սուրիական զօրքերու տեղաշարժը դէպի հիւսիս` Թուրքիոյ հետ սահմանին երկայնքով:

Թրքական ներխուժումը` Սուրիա, արդէն իսկ սկսած է ենթարկուիլ որոշ ձեւափոխումներու: Ամերիկեան լքումին եւ ռուսական լռութեան միջեւ զօրքերը դէպի Սուրիա տեղաշարժած Թուրքիան այժմ իր յայտարարողական յոխորտանքներուն ոչ համարժէք իրավիճակի մէջ սկսած է յայտնուիլ: Յստակ է սուրիական զօրքերու տեղաշարժը դէպի հիւսիս` Թուրքիոյ հետ սահմանին երկայնքով:

Յայտարարողական եւ պատժամիջոցներու դիմելու եւրոպական սպառնալիքները գրեթէ համընթաց են ամերիկեան կեցուածքներուն: Այսինքն, նախ թոյլատրել ներխուժումը գետնի վրայ, ապա պահանջել գործողութիւններու դադրեցումը, անյապաղ թրքական զօրքերու դուրս բերումը Սուրիայէն:

Նախ Եւրոպական Միութեան ղեկավար պետութիւններէն Գերմանիան էր, որ նման յստակ պահանջով հանդէս եկաւ: Ապա, պաշտօնական Հռոմը պարզ դարձուց, որ իր երկիրը պիտի արգիլէ Թուրքիոյ ուղղուած զէնքի մատակարարումները:

Ֆրանսայի պետութեան պաշտօնական բանբերները պարզ դարձուցին, որ սպառազինութեան կասեցման առընթեր Ֆրանսան պիտի մեծցնէ իր դիւանագիտական ջանքերը ՏԱՀԵՇ-ի դէմ համախոհ իր գործընկերներուն հետ` սերտ համակարգումով Եւրոպական Միութեան, ՕԹԱՆ-ի եւ ՄԱԿ-ի Ապահովութեան խորհուրդի շրջագիծին մէջ` ապահովելու համար Թուրքիոյ ներխուժման անյապաղ դադրեցումը:

Մինչ, Եւրոպական Միութեան դիւանագիտութեան ղեկավար Ֆետերիքա Մոկերինին յայտարարեց, որ ռազմական գործողութիւններու ուղղակի հետեւանքը ՏԱՀԵՇ-ի վերածնունդն է:

Ներխուժումէն ետք հնչած այս ահազանգներն ու սպառնալիքները գետնի վրայ հզօր ազդեցութիւն գործելու շատ հնարաւորութիւններ չունին: Ազդեցիկ գործօնները հիմնականին մէջ ռուսականն է ու ամերիկեանը, որոնք յայտնաբար համաձայնած են հիւսիսային շրջանի քրտական տարածքները մաքրազտել: Մաքրազտման գործիքի դերը վստահած են Թուրքիոյ: Մէկը տարածքը լքելով, միւսը լուր դիտելով ռազմական իրադարձութիւններու զարգացումը: Խաղի կանոնները այս ձեւաչափին վրայ հիմնած են երկու գերտէրութիւնները:

Ռազմախաղի այս կանոններուն հետեւելով է, որ կը մշուշազերծուի հետեւեալ բանաձեւը: Թրքական կողմը գոհ է, որ իր առաջադրած անվտանգութեան գօտին կը քրտաթափուի, սակայն քրտական զինեալ ուժերը կը փոխարինուին ոչ թէ թրքականով, այլ` սուրիականով: Թուրքիոյ չ՛արտօնուիր նոյնիսկ սուրիական հակակառավարական ուժերուն վերահսկողութեան տակ յանձնել այդ տարածքները:

Ներխուժման առաջադրանքները այս ընթացքով կը ձեւափոխուին աւելի ճիշդը կ՛առարկայանայ այն, ինչ որ համաձայնած է ռուս-ամերիկեան գերտիրութիւնը:

Եւրոպան, այս պարագային Հռոմով, Պերլինով թէ Փարիզով պարզապէս գերտիրութեան որոշումներուն ընդառաջ արձագանգումներ կը կատարէ: Չմոռնանք, որ ՕԹԱՆ-ի ղեկավարը պարզ դարձուցած էր, որ իրենք կ՛ըմբռնեն Թուրքիոյ սանձազերծած ռազմական գործողութիւններու նպատակը եւ աւելի՛ն ` ընդունելի կը նկատեն զայն:

Հաւանաբար այդ համաձայնութեան կայացման կ՛ակնարկէր Ռուսիոյ դաշնութեան արտաքին գործոց նախարարը, երբ կը յայտարարէր, որ սուրիական պատերազմը աւարտած է: Այդ յայտարարութենէն բաւական ետք էր, որ կը սկսէր Անգարայի ներխուժումը` պատերազմի նոր տեսքով: Այսինքն` պատերազմի աւարտը ազդարարող գործողութիւններով:

Մեծ հարցականը հետեւեալն է. պայմանաւորուածութիւնները որքան կիրարկելի կը դառնան, երբ առնչուած հիմնական կողմ է Անգարան,որ ո՛չ միայն տարածքները քրտաթափելու եւ քրտական զինեալ գործօնները աշխարհագրականօրէն միաւորելու գործընթացը չէզոքացնելու միտումը ունի, այլ նաեւ տարածաշրջանին մէջ անշրջանցելի ներկայութիւն դառնալու օրակարգ:

Չի բացառուիր, որ ներխուժած թրքական եւ տեղակայուող սուրիական զօրքերուն միջեւ արձանագրուին բախումներ: Այդ պարագային է հաւանաբար, որ կը խախտի ռուսական լռութիւնը:

 

«Ազդակ»

Յարակից լուրեր

  • Հալէպի օդանաւակայանը վերագործարկւում է. ինչ ակնկալիքներ ունի հայկական համայնքը
    Հալէպի օդանաւակայանը վերագործարկւում է. ինչ ակնկալիքներ ունի հայկական համայնքը

    Սիրիայում ռազմական գործողութիւններով պայմանաւորւած տեւական ժամանակ դադարից յետոյ վերագործարկւում է Հալէպի օդանաւակայանը: Այսօր՝ փետրւարի 19-ին, նախատեսւած է առաջին թռիչքը Դամասկոս-Հալէպ ուղղութեամբ: Սիրիայի խորհրդարանի հայ պատգամաւոր Ժիրայր Ռէիսեանն «Արմէնպրես»-ի հետ զրոյցում նշեց, որ հասարակութիւնը մեծ ցնծութեամբ ընդունեց այդ լուրը:

  • Թուրքիայում ազատ արձակւած Օսման Քաւալան չի հասցրել դուրս գալ բանտից եւ դարձեալ ձերբակալւել է
    Թուրքիայում ազատ արձակւած Օսման Քաւալան չի հասցրել դուրս գալ բանտից եւ դարձեալ ձերբակալւել է

    Երէկ Թուրքիայի ծանր յանցագործութիւնների դատարանը ազատ էր արձակել թուրք յայտնի հասարակական գործիչ Օսման Քաւալային, ով ձերբակալւել էր 2017 թ. հոկտեմբերի 19-ին: Քաւալան մեղադրւում էր Գեզիի ցոյցերը կազմակերպելու եւ ղեկավարելու մէջ: 840 օր տեւած կալանքից յետոյ երէկ դատարանը ազատ արձակման որոշում է կայացնում այդ գործով անցնող բոլոր անձանց նկատմամբ՝ այդ թւում Քաւալայի:

  • Երեսփոխան Բագրատունի շնորհակալական նամակ յղեց Սուրիոյ խորհրդարանի նախագահին
    Երեսփոխան Բագրատունի շնորհակալական նամակ յղեց Սուրիոյ խորհրդարանի նախագահին

    ՀՅԴ Լիբանանի Կեդրոնական կոմիտէի ներկայացուցիչ, երեսփոխան Յակոբ Բագրատունի երէկ Հայկական երեսփոխանական պլոքին, անձամբ իր ու իր ներկայացուցած ժողովրդային զանգուածին անունով շնորհակալական նամակ մը յղեց Սուրիոյ խորհրդարանի նախագահին եւ խորհրդարանին` Օսմանեան կայսրութեան կողմէ գործուած Հայոց Ցեղասպանութիւնը ճանչնալու եւ դատապարտելու իր պատմական որոշումին առիթով:

  • Թուրքիայում պղծել են ռուսների գերեզմանները
    Թուրքիայում պղծել են ռուսների գերեզմանները

    Անկարայի Օրթաքյոյի գերեզմանատանը պղծել են ռուսների գերեզմանները:

  • Իդլիբից՝ Ղարաբաղ. Թուրքիան կը վառի՞ Կովկասում պատերազմի պատրոյգը
    Իդլիբից՝ Ղարաբաղ. Թուրքիան կը վառի՞ Կովկասում պատերազմի պատրոյգը

    Պատերազմից հնարաւոր չէ խուսափել, այն հնարաւոր է լոկ հետաձգել՝ օգուտ հակառակորդի. իտալացի փիլիսոփա Նիկոլոյ Մաքիաւելիի այս միտքը, ցաւօք, կիրառելի է ղարաբաղեան հակամարտութեան կարգաւորման շուրջ ստեղծւած իրողութիւնների պարագայում: Ադրբեջանը եւ Հայաստանը բանակցութիւններ են վարում յանուն բանակցութիւնների՝ առանց որեւէ լուրջ յոյսի, որ քաղաքական փոխզիջման կարելի է հասնել:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։