Հա

Քաղաքական

21/10/2019 - 08:30

«Իրանի եւ ԵԱՏՄ-ի միջեւ կապող օղակի դերը Հայաստանին յաւելեալ առաւելութիւններ եւ յաղթաթուղթ կը տայ տնտեսական եւ քաղաքական ասպարէզում». ՀՀ-ում ՌԴ դեսպան

Հայաստանում ՌԴ արտակարգ եւ լիազօր դեսպան Սերգէյ Կոպիրկինը 24News.am պարբերականին տւած հարցազրոյցում անդրադարձել է ԵԱՏՄ-ի եւ Իրանի միջեւ համագործակցութեան հեռանկարներին եւ ընդգծել Հայաստանի դերակատարութիւնն այդ յարաբերութիւնների զարգացման գործում:

«alikonline.ir» - Հայաստանում ՌԴ արտակարգ եւ լիազօր դեսպան Սերգէյ Կոպիրկինը 24News.am պարբերականին տւած հարցազրոյցում անդրադարձել է ԵԱՏՄ-ի եւ Իրանի միջեւ համագործակցութեան հեռանկարներին եւ ընդգծել Հայաստանի դերակատարութիւնն այդ յարաբերութիւնների զարգացման գործում. տեղեկացնում է Tert.am-ը:

«Իրանի ներգրաււածութիւնը Եւրասիական տնտեսական միութեան գործունէութեանը շատ դրական է, քանի որ Իրանը հզօր երկիր է, որը մեծ տնտեսական ներուժ ունի, եւ նման փոխհամագործակցութիւնը, ինչպէս օրինակ՝ Ազատ առեւտրի մասին համաձայնագրի կնքումը, բնականաբար, հեռանկարներ է ստեղծում՝ զարգացնելու երկկողմ յարաբերութիւնները բոլոր բնագաւառներում՝ ոչ միայն առեւտրի. չէ՞ որ խօսքը մաքսատուրքերի կա՛մ վերացման, կա՛մ նւազեցման մասին է: Այդ ամէնը հնարաւորութիւն է ստեղծում համատեղ դուրս գալու տարբեր շուկաներ եւ ազդակ է տալիս նաեւ այլ ոլորտներում համագործակցութիւն ծաւալելու համար»,- ասել է դեսպանը:

Խօսելով Եւրասիական տնտեսական միութիւնում եւ Եւրասիական տնտեսական կոլեգիայում Հայաստանի նախագահութեան մասին՝ դեսպանը շեշտել է, որ իր համար խորհրդանշական է, որ Հայաստանն այստեղ լուրջ հնարաւորութիւններ է տեսնում: «Հաշւի առնելով Իրանի հետ հարեւանութիւնն ու այն դերակատարութիւնը, որ Հայաստանի համար խաղում են Իրանի հետ յարաբերութիւնները, այդ թւում եւ Իրանի նրեգրաււածութիւնը ԵԱՏՄ գործունէութեանը՝ բոլոր առումներով դա դրական գործօն է»,- մեկնաբանել է դեսպանը՝ յաւելելով, որ կարեւոր նշանակութիւն ունեն նաեւ երկկողմ տնտեսական հնարավւորութիւնները, որոնք թոյլ կը տան նոր շուկաներ դուրս գալ:

Ըստ դիւանագէտի՝ Հայաստանը կարող է կապող օղակ դառնալ Իրանի եւ ԵԱՏՄ-ի միջեւ, ինչը թոյլ կը տայ Հայաստանին յաւելեալ առաւելութիւններ, շահոյթներ եւ յաղթաթուղթ ստանալ ինչպէս տնտեսական, այնպէս էլ քաղաքական ասպարէզում:

Դիւանագէտը համաձայնել է նաեւ այն կարծիքին, որ Եւրասիական տնտեսական միութիւնը նպաստում է անդամ երկրների ինքնիշխանութեան ամրապնդմանը, որոնք հաւասարազօր ձայներ ունեն միութեան կազմում, ինչպէս նաեւ օգնում է զարգացնել տնտեսական յարաբերութիւնները միութեան անդամ չհանդիսացող երկրների հետ:

«Ներկայիս աշխարհում շատ դժւար է անկախ լինել: Նոյնիսկ խոշոր տէրութիւնները, որոնք հզօր տնտեսական, քաղաքական եւ ռազմական հնարաւորութիւններ ունեն, ինչ-որ բան զոհաբերում են, եւ դժւար թէ կարողանան իրենց ներուժն իրացնել առանց ինտեգրացիոն յարաբերութիւններ հաստատելու որեւէ միութեան կազմում»,- ընդգծել է ՌԴ դեսպանը:

Անդրադառնալով միասնական էներգետիկ շուկայի, այդ թւում եւ գազի միասնական շուկայի ստեղծման հաւանականութեանը՝ դեսպան Կոպիրկինը նշել է, որ դա Եւրասիական տնտեսական միութեան զարգացման կարեւոր ուղենիշներից մէկն է: «Այժմ գործնական քայլեր են ձեռնարկւում այդ նպատակին ուղղւած օրէնսդրութեան մշակման համար»,- եզրափակել է դեսպանը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։