Հա

Քաղաքական

22/10/2019 - 09:20

Նեթանեահուի կառավարութիւն ձեւաւորելու փորձերը ձախողւել են

Իսրայէլի գործող վարչապետ Բենիամին Նեթանեահուն յայտարարել է, որ կառավարութիւն ձեւաւորելու իր ջանքերը ձախողւել են, եւ այդ հնարաւորութիւնը թողել է իր քաղաքական մրցակցին:

«alikonline.ir» - Իսրայէլի գործող վարչապետ Բենիամին Նեթանեահուն յայտարարել է, որ կառավարութիւն ձեւաւորելու իր ջանքերը ձախողւել են, եւ այդ հնարաւորութիւնը թողել է իր քաղաքական մրցակցին. տեղեկացնում է BBC-ն: 

BB-ն (այդպէս են կոչում Նեթանեահուին Իսրայէլում-ԽՄԲ.) մէկ տասնամեակ է, ինչ զբաղեցնում է Իսրայէլի վարչապետի պաշտօնը: Նրան, սկայան, չյաջողւեց մեծամասնութիւն շահել սեպտեմբերին կայացած Իսրայէլի խորհրդարանական կրկնակի ընտրութիւններում:

Նշենք, որ այդ ընտրութիւնները չյանգեցրին որեւէ կուսակցութեան կամ կոալիցիայի վերջնական յաղթանակի: Նեթանեահուի փորձերն իր քաղաքական մրցակից Բենի Հանցի գլխաւորած «Կախոլ-լաւան» (Սպիտակ եւ կապոյտ) դաշինքին կոալիցիոն կառավարութեան կազմում ներգրաւելու համար ձախողւեցին: Երէկ, նա յայտարարեց, որ դադարեցրել է կոալիցիոն կառավարութիւն կազմելու ջանքերը: 

Իսրայէլի նախագահ Ռոուվէն Ռիլւինը յայտարարել է, որ այժմ կոալիցիոն կառավարութիւն ձեւաւորելու հնարաւորութիւն կընձեռի Բենի Հանցին: Իսրայէլի արաբ քաղաքացիները շահերը ներկայացնող «Միաւորւած արաբական ցանակ»-ն արդէն յայտարարել է, որ աջակցելու է կոալիցիոն կառավարութիւն ձեւաւորելու Բենի Հանցի ջանքերին:

Այդուհանդերձ, կոլաիցիոն կառավարութիւն ձեւաւորելու համար Հանցին դեռեւս անհրաժեշտ է 10 ձայն: Նշենք, որ Իսրայէլի խորհրդարանում մեծամասնութիւն ձեւաւորելու համար անհրաժեշտ է 61 ձայն:

Յիշեցնենք, որ դեռեւս ապրիլի 9-ին կայացած խորհրդարանակն ընտրութիւնների արդիւնքում, Իսրայէլի քաղաքական կուսակցութիւններից ոչ մէկին չյաջողւեց կոալիցիոն կառավարութիւն ձեւաւորել: Արդիւնքում, երկրի պատմութեան ընթացքում առաջին անգամ սեպտեմբերի 17-ին կայացան խորհրդարանական կրկնակի ընտրութիւններ, որոց արդիւնքում, նոյնպէս, թւում է, թէ չի յաջողւել լուծել կոալիցիոն կառավարութիւն ձեւաւորելու թնջուկը:

Յարակից լուրեր

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։