Հա

Քաղաքական

03/11/2019 - 10:40

«Ճանաչումն ուժ է, այլ ոչ թուլութիւն». ՀՀ նախագահը NYT-ի հետ խօսել է Ցեղասպանութեան ճանաչման մասին

Թուրքիայի կողմից Հայոց Ցեղասպանութեան ճանաչումը միեւնոյն ժամանակ կը լինի ճանաչումն այն փաստի, որ այդ երկիրը հանդուրժող պետութիւն դառնալու ճանապարհին է: Այս մասին Հայաստանի Հանրապետութեան նախագահ Արմէն Սարգսեանն ասել է ամերիկեան հեղինակավոր The New York Times պարբերականի լրագրող Ռոժեր Կոհենին տւած հարցազրոյցում:

«alikonline.ir» - Թուրքիայի կողմից Հայոց Ցեղասպանութեան ճանաչումը միեւնոյն ժամանակ կը լինի ճանաչումն այն փաստի, որ այդ երկիրը հանդուրժող պետութիւն դառնալու ճանապարհին է: Այս մասին Հայաստանի Հանրապետութեան նախագահ Արմէն Սարգսեանն ասել է ամերիկեան հեղինակավոր The New York Times պարբերականի լրագրող Ռոժեր Կոհենին տւած հարցազրոյցում:

«Ճանաչումն այն փաստի, որ ինչ-որ բան սխալ ես արել հասարակ կեանքում, ընտանիքում, ընկերների հետ յարաբերութիւններում, ուժ է: Դա թուլութեան նշան չի կարող համարւել»,- նշել է Արմէն Սարգսեանը՝ անդրադառնալով Հայոց Ցեղասպանութեանն ու այս հարցում Թուրքիայի ժխտողական քաղաքականութեանը:

Ինչպէս հաղորդում է «Արմէնպրես»-ը, լրագրող Ռոժեր Կոհենը The New York Times-ում ստւարածաւալ յօդւած է հրապարակել, որում անդրադարձել է նաեւ Միացեալ Նահանգների Ներկայացուցիչների պալատի կողմից Հայոց Ցեղասպանութիւնը ճանաչող բանաձեւի ընդունման փաստին:

«Հայաստանի բոլոր գրասենեակներում կարող ես տեսնել Արարատ սարի նկարները: Սարը, որն այժմ գտնւում է Թուրքիայում, խորհրդանիշն է հայերի կարօտի, հպարտութեան, վերադարձի յոյսի եւ Հայոց Ցեղասպանութեան, որը սկսւեց 1915 թւականին, Օսմանեան կայսրութիւնում սպանւեցին աւելի քան մէկ միլիոն հայեր: Այս շաբաթ Ներկայացուցիչների պալատը, անտեսելով թուրքական նախազգուշացումները, ընդունեց այդ Ցեղասպանութիւնը ճանաչող բանաձեւ: Նախագահ Բարաք Օբաման այդպէս էլ չճանաչեց այն, թէպէտ 2008 թւականին որպէս նախագահի թեկնածու խոստացել էր: Ռեալպոլիտիկը յաղթեց նրա սկզբունքներին»,- գրում է Կոհենը:

Յօդւածագիրն անդրադարձել է նաեւ Լեռնային Ղարաբաղի հակամարտութեան առաջացման պատմութեանը՝ արձանագրելով, որ այսօր Հայաստանը փակ սահմաններ ունի Ադրբեջանի ու Թուրքիայի հետ եւ բաց են միայն Վրաստանի եւ Իրանի հետ սահմանները: «Այդուհանդերձ, ես հայերին տեսայ անկոտրում ոգով: Ի՞նչ նշանակութիւն կարող են այսօր ունենալ ֆիզիկական սահմանները: Հայաստանի շուրջ երեք միլիոն քաղաքացիները մշտական կապի մէջ են Սփիւռքի մի քանի անգամ աւելի հայերի հետ, ովքեր մշտապէս գումարներ են ուղարկում հայրենիք: Ունենալով ուժեղ տեխնիկական սեկտոր՝ Հայաստանն իրեն համարում է ստարտափ երկիր: Երկրի հայեացքն աւելի շատ ուղղւած է ապագային, այլ ոչ թէ անցեալին:

Երկրում 2018 թւականին իրականացւած յեղափոխութիւնը, որի ժամանակ ոչ մի կաթիլ արիւն չթափւեց, դրախտ չբերեց, սակայն այն վերացրեց ֆատալիզմը: Մարդիկ զգում են, որ ունեն ազատութիւն անելու այն, ինչ ցանկանում են»,- գրում է հեղինակը՝ նշելով, որ Հայաստանում շաբաթներ շարունակ տեղի ունեցած բողոքի ցոյցերի նման Բէյրութում, Բաղդադում եւ Սանտեագոյում եւս վերջին շաբաթների ընթացքում ցոյցեր սկսւեցին, որոնց հետեւանքով ցնցւեցին կառավարութիւնների հիմքերը, իսկ որոշ դէպքերում հրաժարականների պատճառ դարձան:

«Բեռլինեան պատը քանդած ոգին շարունակում է ապրել» խորագիրը կրող յօդւածի հեղինակը Հայաստանի նախագահի հետ զրոյցում անդրադարձել է ողջ աշխարհում տեղի ունեցող փոփոխութիւնների ալիքին: Խօսելով թեմայի մասին՝ Արմէն Սարգսեանը նշել է, որ հին համակարգերը մեր օրերում այլեւս չեն աշխատելու: «Մենք ապրում ենք քւանտային աշխարհում, քանի որ մեր կեանքի աւելի քան կէսն արդէն վիրտուալ է»,- ասել է ՀՀ նախագահը՝ Հայաստանն անւանելով աշխարհի «առաջին լաբորատորիաներից մէկը», որը փնտրելու է «վարքագծի նոր կանոններն» այն աշխարհի համար, որտեղ ամէն անհատ ունի ձայն, որը «կարող է լսելի դարձնել ամէն օր»:

Յարակից լուրեր

  • «Կոլցօ» օպերացիան․ ի՞նչ է պատմում Վազգէն Մանուկեանը
    «Կոլցօ» օպերացիան․ ի՞նչ է պատմում Վազգէն Մանուկեանը

    Ankakh.com-ը զրուցել է ՀՀ Հանրային խորհրդի նախկին նախագահ, Հայաստանի Գերագոյն խորհրդի պատգամաւոր, ՀՀ նախկին վարչապետ Վազգէն Մանուկեանի հետ՝ անդրադառնալով «Օղակ» («Կոլցօ») գործողութեանը, որը 1991 թւականին Ադրբեջանական ԽՍՀ-ի տարածքում գտնւող մի շարք հայաբնակ գիւղերի բռնի հայաթափումն էր ԽՍՀՄ ԶՈՒ-ի եւ ադրբեջանական ՕՄՕՆ-ի կողմից՝ էթնիկ զտման նպատակով:

  • Եւրոխորհրդարանը Թուրքիային կոչ է արել ազատ արձակել ընդդիմադիրներ Քաւալային եւ Դեմիրթաշին
    Եւրոխորհրդարանը Թուրքիային կոչ է արել ազատ արձակել ընդդիմադիրներ Քաւալային եւ Դեմիրթաշին

    Եւրոխորհրդարանի արտաքին կապերի հարցերով յանձնաժողովը թուրքական իշխանութիւններին կոչ է արել բանտից ազատ արձակել ընդդիմադիր գործիչներ Օսման Քաւալային եւ Սելահաթին Դեմիրթաշին:

  • Ակնարկ. Իտլիպը եւ ռուսական արգելակները
    Ակնարկ. Իտլիպը եւ ռուսական արգելակները

    Սուրիական բանակի ռազմավարական նշանակութիւն ունեցող տեղաշարժերը ոչ միայն գետնի վրայ իրավիճակային փոփոխութիւն յառաջացուցած են, այլ նաեւ զգալիօրէն փոխած խաղին կանոնները: Սուրիական զինեալ ուժերը տարածքներ կը մաքրազտեն ահաբեկիչ տարրերէ եւ կը ձգտին Իտլիպի ամբողջական ազատագրումին: Դամասկոս-Հալէպ մայրուղիի թէ Հալէպի օդակայանի վերահսկումով սուրիական պաշտօնական բանակը տիրական ներկայութիւն կը վերահաստատէ այդ շրջանի կարեւորագոյն կէտերուն վրայ:

  • ՀՅԴ ներկայացուցիչը մասնակցել է Թուրքիայի HDP կուսակցութեան 4-րդ համագումարին
    ՀՅԴ ներկայացուցիչը մասնակցել է Թուրքիայի HDP կուսակցութեան 4-րդ համագումարին

    Փետրւարի 23-ին, Անկարայում տեղի ունեցաւ Թուրքիայի Ժողովուրդների ժողովրդավարական կուսակցութեան (HDP) հերթական 4-րդ համագումարը, որին մասնակցեցին հազարաւոր պատգամաւորներ, իսկ հազարաւորներն էլ զրկւած են մասնակցութիւնից՝ Թուրքիայի իշխանութիւնների կողմից հարուցւած արհեստական արգելքների պատճառով։

  • Վրացի փորձագէտն առաջարկում է ամերիկեան բազան Ինջիրլիքից Վրաստան տեղափոխել
    Վրացի փորձագէտն առաջարկում է ամերիկեան բազան Ինջիրլիքից Վրաստան տեղափոխել

    Բախւելով վերջին տարիներին ռազմավարական տարբերւող շահերի հետ՝ կապւած տարածաշրջանում Թուրքիայի ու Իրանի աճող ազդեցութեան հետ, Վաշինգտոնին անհրաժեշտ է վերանայել ԱՄՆ աւիաբազան Թուրքիայից Վրաստան տեղափոխելու հարցը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։