Հա

Քաղաքական

12/12/2019 - 11:50

«1915.gov.tr թուրքական պետական անգլալեզու կայքի ստեղծման գլխաւոր միտումը աշխարհին մոլորեցնելն է». թուրքագէտ

«Կայքի անունը պատահական չի ընտրւած՝ 1915, դրանով թուրքերը փորձելու են շփոթութեան մէջ գցել թեմային անծանօթ մարդկանց», Yerkir.am-ի հետ զրոյցում, անդրադառնալով օրերս ստեղծւած թուրքական՝ Հայոց Ցեղասպանութիւնը ժխտող 1915.gov.tr կայքին, ասաց թուրքագէտ Անդրանիկ Իսպիրեանը:

«alikonline.ir» - «Կայքի անունը պատահական չի ընտրւած՝ 1915, դրանով թուրքերը փորձելու են շփոթութեան մէջ գցել թեմային անծանօթ մարդկանց», Yerkir.am-ի հետ զրոյցում, անդրադառնալով օրերս ստեղծւած թուրքական՝ Հայոց Ցեղասպանութիւնը ժխտող 1915.gov.tr կայքին, ասաց թուրքագէտ Անդրանիկ Իսպիրեանը:

Թուրքագէտի կարծիքով՝ կայքի անգլալեզու լինելը նոյնպէս պատահական չէ, դրանով նրանք փորձում են ազդել արտաքին աշխարհի վրայ, որտեղ էլ տեղի են ունենում ցեղասպանութեան ճանաչման գործընթացի հիմնական զարգացումները.

«Կայքի ստեղծման գլխաւոր միտումը մէկն է, հակազդել աշխարհում Հայոց Ցեղասպանութեան ճանաչմանն ուղղւած աշխատանքներին, եթէ մինչ այս չկար նման կայք, այսինքն՝ այն ժամանակ պետական, հասարակական տարբեր կառոյցների ու լրատւամիջոցների միջոցով էին այդ ամէնն անում, հիմա ստեղծւեց հարթակ, որտեղ ցեղասպանութիւնը ժխտող բոլոր փաստարկներն ու ելոյթները ներառելու է իր մէջ»,- բացատրում է մասնագէտը:

Yerkir.am-ի հարցին, թէ արդեօ՞ք Հայոց Ցեղասպանութեան ճանաչումն աշխարհում մեծ թափ է առել, որից էլ մտահոգւելով՝ Թուրքիան նման քայլի է գնացել, թուրքագէտը պատասխանեց.

«Եթէ ասենք՝ մեծ թափ է առել, մի փոքր տեղի չի լինի, բայց շատ է քննարկւում: Ցաւօք, ԱՄՆ-ում վերջերս, եւ եւրոպական մի քանի երկրներում, մի մասի դէպքում, ցեղասպանութեան ճանաչումը բխում է ոչ այնքան նրանց հայամետութիւնից, այլ՝ Թուրքիայի հետ յարաբերութիւնների վատթարացումից: Նրանցից ոմանք պարզ քաղաքական շահեր են առաջ տանում»:

Հարկ է նաեւ նշել, որ այս կայքի գործարկումը նաեւ ԱՄՆ-ում եւ աշխարհի բազմաթիւ երկրներում գործունէութիւն ծաւալող Հայ Դատի գրասենեակների եւ յանձնախմբերի ակտիւ գործունէութեան հետեւանք է: Այս տարւայ հոկտեմբերի 29-ին ԱՄՆ-ի Կոնգրեսի Ներկայացուցիչների պալատը, շնորհիւ Հայ Դատի ակտիւ աշխատանքների, ընդունել էր Հայոց Ցեղասպանութիւնը ճանաչող բանաձեւ: Ի հեճուկս Հայ Դատի նւիրեալների աշխատանքի՝ թուրքական այս կայքը հետապնդում է մոլորեցնող տեղեկատւութիւն 20-րդ դարի սկզբին տեղի ունեցած Հայոց Ցեղասպանութեան վերաբերեալ:

Յիշեցնենք՝ օերերս Թուրքիայի նախագահական տեղեկատւական վարչութիւնը ստեղծել է 1915.gov.tr անւամբ կայքը՝ հետեւեալ բաժիններով՝

«1915-ի իրադարձութիւններ»,

«Պաշտօնական հրամանագրեր»,

«Դատարանի վճիռներ»,

«Հայկական ահաբեկչութիւն»,

«Հարցուպատասխան»:

«Հայկական ահաբեկչութիւն» կոչւող բաժնում նկարագրւում է 1970-80 թթ. հայկական մի շարք վրիժառուական կազմակերպութիւնների՝ «Հայոց Ցեղասպանութեան արդարութեան մարտիկների» (ՀՑԱՄ-JCAG), Հայ Յեղափոխական բանակի (Armenian Revolutionary Army - ARA), «Հայաստանի ազատագրութեան հայ գաղտնի բանակի» (ASALA) գործողութիւնների հետեւանքով սպանւած կամ վիրաւորւած թուրք դիւանագէտների նկատմամբ կիրառւած պատժիչ գործողութիւնները:

 

Գէորգ Գիւլումեան

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։