Հա

Քաղաքական

21/12/2019 - 11:20

Անդրադարձ. Փոխադարձ պատժամիջոցէ մը աւելին

Միացեալ Նահանգներու եւ ՕԹԱՆ-ի հետ Թուրքիոյ յարաբերութիւնները կը գտնուին վատառողջ վիճակի մէջ, եւ անոնց շուրջ ստեղծուած են հարցականներ:

ՎԱՀՐԱՄ ԷՄՄԻԵԱՆ

 

Միացեալ Նահանգներու եւ ՕԹԱՆ-ի հետ Թուրքիոյ յարաբերութիւնները կը գտնուին վատառողջ վիճակի մէջ, եւ անոնց շուրջ ստեղծուած են հարցականներ:

Մինչ Թուրքիոյ պաշտպանութեան նախարար Յուլուսի Աքար շարունակ կը յայտարարէ, որ իր երկիրը ՕԹԱՆ-էն դուրս գալու մտադրութիւն չունի եւ այդ ուղղութեամբ որեւէ փորձ չի կատարեր` Թուրքիոյ նախագահ Ռեճեփ Թայիփ Էրտողան 15 դեկտեմբերին յայտարարեց, որ ռուսական «Էս-400» հակաօդային պաշտպանութեան համակարգերու գնման համար Միացեալ Նահանգներու կողմէ Թուրքիոյ դէմ պատժամիջոցներու հաստատման պարագային Անգարան կրնայ Միացեալ Նահանգներու համար փակել Ինճիրլիքի եւ Քիւրեճիք ռազմակայանները:

ՕԹԱՆ-ի անդամի մը կողմէ այդպիսի քայլ մը չի կրնար իբրեւ փոխադարձ պատժամիջոց ընկալուիլ, որովհետեւ աւելի ծանր է եւ ունի աւելի լուրջ իմաստ ու հետեւանք` նկատի ունենալով այդ ռազմակայաններուն կարգավիճակը:

ԹԱՍՍ լրատու գործակալութիւնը հաղորդեց, որ Միացեալ Նահանգներու պաշտպանութեան նախարարութեան մէկ ներկայացուցիչը, անդրադառնալով Էրտողանի յայտարարութեան, նշած է, որ Թուրքիոյ մէջ ամերիկեան ուժերու կարգավիճակը կը նկատուի իբրեւ «ՕԹԱՆ-ի գծով համագործակցութեան եւ զինուորական գործընկերն ու դաշնակիցը պաշտպանելու բազմամեայ յանձնառութեան խորհրդանիշ»` նշելով, որ Ուաշինկթըն կը ձգտի պահպանել այդ յարաբերութիւնները եւ Թուրքիոյ կոչ կ՛ուղղէ «Էս-400»-ներու հարցին եւ այլ վիճելի հարցերուն մէջ կառուցողական քաղաքականութիւն վարելու»: Կոչ մը, որուն ետին կարելի է լսել անոր յաջորդող լռելեայն «այլապէս»-ը:

Փենթակոնի ներկայացուցիչը նշեալ ռազմակայաններուն խորհրդանիշ ըլլալնուն վերաբերեալ յիշեցումը կը կատարէ` տողատակի փոխանցելու համար այն սպառնալիքը, թէ այդ խորհրդանիշի կորուստը չի կրնար անհետեւանք մնալ եւ չազդել Թուրքիոյ` Միացեալ Նահանգներու եւ ՕԹԱՆ-ի հետ յարաբերութիւններուն, «համագործակցութեան ու ռազմական գործընկերութեան» վրայ, մանաւանդ եթէ նկատի առնենք այն իրողութիւնը, որ Ինճիրլիքի ռազմակայանին մէջ կը պահուին ամերիկեան «Պի61» հիւլէական ռումբեր, իսկ Քիւրեճիք ռազմակայանը Եւրոպայի մէջ ՕԹԱՆ-ի հակահրթիռային պաշտպանութեան համակարգի բաղկացուցիչ մասն է: Վերջինիս փակման ժխտական իմաստը առաւել եւս կը շեշտուի Ռուսիայէն հակաօդային պաշտպանութեան համակարգերու գնման լոյսին տակ:

Միացեալ Նահանգներու պաշտպանութեան նախարարութեան ներկայացուցիչը նաեւ կը նշէ, թէ Ուաշինկթըն կը ձգտի պահպանել Թուրքիոյ հետ համագործակցութեան, զինուորական գործընկերութեան ու դաշնակցային յարաբերութիւնները: Այլ խօսքով` այդ յարաբերութիւններուն խանգարման պարագային միակ մեղադրելին Թուրքիան պիտի նկատուի, որովհետեւ մերժեց ընդառաջել «Էս-400»-ներու հարցի եւ այլ վիճելի հարցերու մէջ կառուցողական քաղաքականութիւն» վարելու կոչին:

 

«Ազդակ»

 

Յարակից լուրեր

  • ՆԱՏՕ-ն Ռուսաստանը համարում է իր անվտանգութեան համար գլխաւոր ռազմական սպառնալիքը առնւազն մինչեւ 2030 թւականը
    ՆԱՏՕ-ն Ռուսաստանը համարում է իր անվտանգութեան համար գլխաւոր ռազմական սպառնալիքը առնւազն մինչեւ 2030 թւականը

    ՆԱՏՕ-ն Ռուսաստանը համարում է իր անվտանգութեան համար գլխաւոր ռազմական սպառնալիքը առնւազն մինչեւ 2030 թւականը: Այս մասին ասւում է «ՆԱՏՕ-2030» դաշինքի վերաձեւաւորման մասին զեկոյցում, որը հրապարակւել է դաշինքի ԱԳՆ ղեկավարների տեսահամաժողովի ժամանակ:

  • Խմբագրական. Ապաշրջափակումէն անդին
    Խմբագրական. Ապաշրջափակումէն անդին

    Եռակողմ յայտարարութեան մէջ կը թուի, որ ամէնէն աշխարհաքաղաքական հնչեղութիւն ունեցող կէտը Թուրքիա-Ազրպէյճան ցամաքային կամրջումի վերաբերող համաձայնութիւնն է:

  • Թուրքիան փորձում է կրկին բարեկամանալ Իսրայէլի հետ՝ Վաշինգտոնին սիրաշահելու համար
    Թուրքիան փորձում է կրկին բարեկամանալ Իսրայէլի հետ՝ Վաշինգտոնին սիրաշահելու համար

    Թուրքիայի ազգային հետախուզական ծառայութեան ղեկավար Հաքան Ֆիդանը վերջին շաբաթների ընթացքում կապ է հաստատել իսրայէլցի պաշտօնեաների հետ յարաբերութիւնների կարգաւորման հարցով Թուրքիայի ձեռնարկած ջանքերի շրջանակում:

  • ՆԱՏՕ-ն յայտարարել է ԼՂ-ում եւ Բելառուսում ճգնաժամների արդիւնքում ռուսական ռազմական ներկայութեան ուժեղացման մասին
    ՆԱՏՕ-ն յայտարարել է ԼՂ-ում եւ Բելառուսում ճգնաժամների արդիւնքում ռուսական ռազմական ներկայութեան ուժեղացման մասին

    ՆԱՏՕ-ի արտաքին գործերի նախարարները Հիւսիսատլանտեան խորհրդի նիստի ժամանակ, որը կը կայանայ դեկտեմբերի 1-2-ին տեսահամաժողովի ձեւաչափով, կը քննարկեն աշխարհում Ռուսաստանի ռազմական ներկայութեան ուժեղացումը, այդ թւում Լեռնային Ղարաբաղում եւ Բելառուսում իրադարձութիւնների համատեքստում: 

  • Սեփական մեղքը քաւելու ցուցադրական քայլ մը
    Սեփական մեղքը քաւելու ցուցադրական քայլ մը

    Ֆրանսայի ծերակոյտը 25 նոյեմբերին ձայներու մեծամասնութեամբ որդեգրեց «Լեռնային Ղարաբաղի Հանրապետութեան ճանաչման անհրաժեշտութեան մասին» բանաձեւը, որ կը պարունակէր, ֆրանսական կառավարութեան ուղղուած Արցախի անկախութիւնը ճանչնալու կողքին, շարք մը այլ հայանպաստ կոչեր, ինչպէս` ազրպէյճանական ուժերն ու անոնց աջակցող կազմաւորումները անյապաղ հեռացնել 27 սեպտեմբերի զինուորական գործողութիւններուն սկիզբէն ետք գրաւուած տարածքներէն, բոլոր ջանքերը գործադրել բանակցային հոլովոյթին վերսկսելու, 1994 թուականին գծուած սահմանները ապահովելու, ինչպէս նաեւ` հայ բնակչութեան անվտանգութիւնն ու տեղահանուած անձերու վերադարձի իրաւունքը ապահովելու համար:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։