Հա

Քաղաքական

04/03/2020 - 12:00

Նշմար. Գաղթականներու զէնքը

Թուրք բարձրաստիճան պաշտօնատար մը հինգշաբթի օր յայտարարեց, թէ իր երկիրը այլեւս սուրիացի գաղթականներուն դէպի Եւրոպա հոսքը պիտի չարգելակէ: Եւ ահա՛, բազմահազար սուրիացի գաղթականներ յանկարծ ապօրինաբար Եւրոպական Միութեան տարածք մուտք գործելու համար սկսան «ինքնակամ կերպով» փոխադրատարներով եւ թաքսիներով ուղղուիլ Թուրքիոյ` Յունաստանի եւ Պուլկարիոյ հետ սահման:

ՎԱՀՐԱՄ ԷՄՄԻԵԱՆ

 

Թուրք բարձրաստիճան պաշտօնատար մը հինգշաբթի օր յայտարարեց, թէ իր երկիրը այլեւս սուրիացի գաղթականներուն դէպի Եւրոպա հոսքը պիտի չարգելակէ: Եւ ահա՛, բազմահազար սուրիացի գաղթականներ յանկարծ ապօրինաբար Եւրոպական Միութեան տարածք մուտք գործելու համար սկսան «ինքնակամ կերպով» փոխադրատարներով եւ թաքսիներով ուղղուիլ Թուրքիոյ` Յունաստանի եւ Պուլկարիոյ հետ սահման: Անոնք թրքական իշխանութիւններու քաջալերանքով դէպի Եւրոպական Միութեան հետ սահման կ՛ուղղուին, սակայն թրքական այդ խաղաթուղթին թիրախը Եւրոպական Միութիւնը չէ, այլ` Ռուսիան:

Իտլիպ նահանգին մէջ Սուրիոյ բանակին ու անոր աջակցող Ռուսիոյ հետ ճակատումին մէջ իր կրած կորուստներէն ու զինուորական գետնի վրայ իրեն համար ոչ բարենպաստ զարգացումներէն ետք, Անգարան կը գիտակցի, թէ դէպի պարտութիւն կ՛ուղղուի: Պարտութիւն մը, որ երկարատեւ ու շարունակուող մեծխօսիկութենէն ետք խիստ վարկաբեկիչ պիտի ըլլայ եւ մեծ հարուած հասցնէ Թուրքիոյ օսմանական երազներու իրագործման ծրագիրին: Ուստի կը փնտռէ փրկարար մը, որ, սակայն, չկայ, որովհետեւ ամբարտաւան պահուածքով ու յայտարարութիւններով թշնամացուցած է բոլորը: Ուստի կը փորձէ ստեղծել այդ փրկարարը` դարձեալ դիմելով սուրիացի գաղթականները իբրեւ շանթաժ օգտագործելու քայլին:

Թրքական իշխանութիւնները սուրիացի գաղթականներու հարցը կը ստեղծեն, զայն Իտլիպի մէջ Մոսկուայի դէմ իրենց պայքարին իբրեւ զէնք օգտագործելու համար: Անոնք գաղթականներու հոսքի վտանգը կ՛օգտագործեն` ճնշում բանեցնելու եւրոպական երկիրներու վրայ եւ զանոնք մղելու, Իտլիպի մէջ զարգացումներուն միջամտելով, Անգարան ռուսական արջի ճիրաններէն փրկելու:

 

«Ազդակ»

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։