Հա

Քաղաքական

08/03/2020 - 10:00

Սաուդական Արաբիայի թագաւորական ընտանիքի ձերբակալւած անդամներին մահապատիժ է սպառնում

Սաուդական Արաբիայի թագաւոր Սալման բին Աբդել Ազիզ ալ Սաուդի կրտսեր եղբայրը եւ երկու զարմիկները ուրբաթ օրը Ռիադում ձերբակալւել էին պետական դաւաճանութեան մեղադրանքով։

«alikonline.ir» - Սաուդական Արաբիայի թագաւոր Սալման բին Աբդել Ազիզ ալ Սաուդի կրտսեր եղբայրը եւ երկու զարմիկները ուրբաթ օրը Ռիադում ձերբակալւել էին պետական դաւաճանութեան մեղադրանքով։ Ինչպէս յայտնել է լիբանանեան Al-Akhbar թերթը, արքայազներ Ահմեդ բին Աբդել Ազիզին, Մուհամմեդ բին Նաիֆին եւ նրա եղբայր Նաւաֆու բին Նաիֆին, թագաւորութեան օրէնքների համաձայն, մահապատիժ է սպառնում կամ լաւագոյն դէպքում ցմահ ազատազրկում:

Թերթի տեղեկատւութեամբ, բոլոր երեքը կալանաւորւել են թագաւորական տան պահպանութեան ծառայութեան կողմից, եւ նրանց տներում մանրազնին խուզարկութիւններ են կատարւել։ Կալանաւորւածների գտնւելու վայրն անյայտ է:

Թագաւորի կրտսեր եղբայրը թագաւորական ընտանիքի այն անդամների վերջին յոյսն էր համարւում, որոնք թագաժառանգ արքայազն Մուհամմեդ բին Սալմանի բարեփոխումների դէմ են տրամադրւած եւ քննադատում են նրան Վաշինգտոնի առաջարկած «դարի գործարքի» դէմ թոյլ արձագանքելու համար։

«Արքայազն Ահմեդ բին Աբդելը Ազիզը կամաւոր աքսորի մէջ էր Մեծ Բրիտանիայում եւ սպառնալիք չէր ներկայացնում»,- նշում է թերթը։ Սակայն թերթի տեղեկութիւններով՝ թագաժառանգ արքայազնը պնդել է, որ նա վերադառնայ հայրենիք, եւ դիմել է ԱՄՆ-ին աջակցելու համար։ «Արքայազն Ահմեդը մի քանի ամիս առաջ վերադարձել է Լոնդոնից՝ երաշխիքներ ստանալով»,- նշում է Al-Akhbar-ը։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։