Հա

Քաղաքական

13/04/2020 - 09:40

Բիլ Գէյթս. «Կորոնավիրուսի դէմ պատւաստանիւթը պատրաստ կը լինի մէկ ու կէս տարուց»

Ամերիկացի միլիարդատէր ու բարերար Բիլ Գէյթսը BBC-ի հետ զրոյցում յայտարարել է՝ կորոնավիրուսի դէմ պատւաստանիւթը կարող է պատրաստ լինել մէկ ու կէս տարուց, բայց դեղամիջոցի զանգւածային արտադրութեան համար, միգուցէ կարիք լինի մեղմացնել անվտանգութեան ստուգման ընթացակարգերը:

«alikonline.ir» - Ամերիկացի միլիարդատէր ու բարերար Բիլ Գէյթսը BBC-ի հետ զրոյցում յայտարարել է՝ կորոնավիրուսի դէմ պատւաստանիւթը կարող է պատրաստ լինել մէկ ու կէս տարուց, բայց դեղամիջոցի զանգւածային արտադրութեան համար, միգուցէ կարիք լինի մեղմացնել անվտանգութեան ստուգման ընթացակարգերը: Հաղորդում է Panorama.am-ը։

«Անհրաժեշտ են փոխզիջումներ։ Մենք  պէտք է ունենանք անվտանգութեան հետ կապւած աւելի քիչ ստուգումներ սովորական իրավիճակի համեմատութեամբ։ Բացի այդ, կառավարութիւնները պէտք է որոշեն ընկերութիւններին ազատել պատասխանատւութիւնից եւ ասել՝ ի գործ այն իրավիճակում, երբ մենք ուղղակի ժամանակ չունենք, որպէսզի ամէն բան անենք սովորական կանոններով»,- ասել է Գէյթսը։

Մարտի կէսերին գործակալութիւնը տեղեկացրել էր, որ գիտնականները Covid-19-ի դէմ պատւաստանիւթի մի քանի տարբերակ են մշակել, հիմա դրանք փորձարկում են կենդանիների վրայ։ Եթէ դրանք յաջողութիւն ունենան, ապա յաջորդ փուլում կը փորձարկւեն մարդկանց վրայ, ինչը կարող է տեղի ունենալ այս տարի։

Գիտնականների ջանքերին խանգարում է այն փաստը, որ աշխարհում հնարաւոր է լինի կորոնավիրուսի մի քանի տեսակ։ Միաժամանակ կորոնավիրուսի դէմ պայքարի բրիտանացի գիտնականների խմբի ներկայացուցիչ, բրիտանացի Ջերեմի Ֆարրարը յայտնել է, որ պատւաստանիւթի մշակումը կարող է բարդացնել նաեւ այն հանգամանքը, որ Covid-19-ով արդէն հիւանդացած որոշ մարդկանց անալիզները կարող են վիրուսի առկայութիւնը ցոյց տալ նաեւ երկրորդ անգամ։

Նրա խօսքով, նման բան տեղի է ունեցել Հարաւային Կորէայում 100 պացիենտի մօտ, գիտնականները հիմա չեն հասկանում, արդեօ՞ք վիրուսը շարունակում է ակտիւ մնալ արեան մէջ, թէ այդ մարդիկ նորից են հիւանադացել։

Microsoft-ի կողմից ստեղծւած բարեգործական հիմնադրամը եւս ֆինանսաւորում է Covid-19-ի դէմ պատւաստանիւթի մշակմանը։ Գէյթսի խօսքով, միայն պատւաստումը թոյլ կը տայ վերադառնալ այն կեանքին, որն առկայ էր մինչեւ համավարակը։

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։