Հա

Քաղաքական

03/08/2020 - 11:30

«Հազւադէպ է պատահում, որ որեւէ մէկը Ցարնաեւից աւելի շատ մահապատժի արժանի լինի». Թրամփը պահանջել է կրկին մահապատժի դատապարտել Բոստոնի մարաթոնի ահաբեկչին

Միացեալ Նահանգների նախագահ Դոնալդ Թրամփը, անդրադառնալով վերաքննիչ դատարանի՝ Բոստոնի մարաթոնի ժամանակ տեղի ունեցած ահաբեկչութեան կազմակերպիչ Ջոխար Ցարնաեւի մահապատժի վճիռը չեղարկելու որոշմանը, յայտարարել է, որ դաշնային կառավարութիւնը պէտք է եւս մէկ անգամ նրան մահապատժի դատապարտի:

«alikonline.ir» - Միացեալ Նահանգների նախագահ Դոնալդ Թրամփը, անդրադառնալով վերաքննիչ դատարանի՝ Բոստոնի մարաթոնի ժամանակ տեղի ունեցած ահաբեկչութեան կազմակերպիչ Ջոխար Ցարնաեւի մահապատժի վճիռը չեղարկելու որոշմանը, յայտարարել է, որ դաշնային կառավարութիւնը պէտք է եւս մէկ անգամ նրան մահապատժի դատապարտի:

Ըստ Tert.am-ի՝ ինչպէս նշում է Daily Mail-ը, նախագահն այս մասին գրել է իր թւիթերեան էջում:

«Հազւադէպ է պատահում, որ որեւէ մէկը Բոստոնի մարաթոնի ահաբեկչից՝ Ջոխար Ցարնաեւից, աւելի շատ մահապատժի արժանի լինի: Դատարանն ընդունել էր, որ կատարւածը սեպտեմբերի 11-ի ահաբեկչութիւնից յետոյ ամենասարսափելի ներքին ահաբեկչական յարձակումներից մէկն է: Մինչդեռ վերաքննիչ դատարանը չեղարկում է մահապատիժը»,- գրել է ԱՄՆ նախագահն՝ ընդգծելով, որ Ցարնաեւի գործողությունների հետեւանքով այնքան մարդկային կորուստներ են եղել ու կեանքեր կործանւել:

Թրամփի համոզմամբ՝ դաշնային կառավարութիւնը պէտք է կրկին մահապատիժ սահմանի ահաբեկչի համար:

Յիշեցնենք, որ օրերս ԱՄՆ-ում վերաքննիչ դատարանը չեղարկել է Բոստոնի մարաթոնի ժամանակ տեղի ունեցած ահաբեկչութեան կազմակերպիչ Ջոխար Ցարնաեւի մահապատժի վճիռը: Դատավճռի համապատասխան՝ Ցարնաեւը կարդարացւի մեղադրական եզրակացութեան երեք կէտով, չեղարկւել են նաեւ մահապատժի կէտերը: Այժմ դաշնային դատաւորը պէտք է որոշի՝ ինչ պատիժ սահմանել Ցարնաեւի համար:

Մինչդեռ ԱՄՆ նախագահ Դոնալդ Թրամփը, մեկնաբանելով մահապատժի վճռի չեղարկումը, յայտարարել է, որ դա ուղղակի անհեթեթութիւն է: Բացի այդ, Թրամփը Ցարնաեւին «մարդասպան գազան» է անւանել:

2013 թւականի ապրիլի 15-ին Բոստոնի մարաթոնի ժամանակ երկու պայթիւն է հնչել, ինչի հետեւանքով երեք մարդ է զոհւել եւ 280-ից աւելի մարդ վիրաւորւել: Ահաբեկչութեան կազմակերպիչներն ու իրագործողները Ցարնաեւ եղբայրներն են, որոնցից աւագը՝ Թամերլան Ցարնաեւը, ոստիկանութեան յատուկ գործողութիւնների ժամանակ մահացել է:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։