Հա

Քաղաքական

24/10/2020 - 10:20

Genocide Watch-ն Ադրբեջանին շնորհել է ցեղասպանութեան սպառնալիքի 9-րդ` բնաջնջում եւ 10-րդ` ժխտողականութիւն աստիճանները

Աշխարհում ցեղասպանութեան վտանգի գնահատմամբ զբաղւող հեղինակաւոր Genocide Watch կազմակերպութիւնը Ադրբեջանին «շնորհել է» ցեղասպանութեան սպառնալիքի 9-րդ` բնաջնջում եւ 10-րդ` ժխտողականութիւն աստիճանները:

«alikonline.ir» - Աշխարհում ցեղասպանութեան վտանգի գնահատմամբ զբաղւող հեղինակաւոր Genocide Watch կազմակերպութիւնը Ադրբեջանին «շնորհել է» ցեղասպանութեան սպառնալիքի 9-րդ` բնաջնջում եւ 10-րդ` ժխտողականութիւն աստիճանները: Ինչպէս տեղեկացնում է «Արմէնպրես»-ը, Genocide Watch-ն անդրադառնում է սեպտեմբերի 27-ին Ադրբեջանի կողմից Արցախի դէմ սանձազերծած պատերազմին.

«Ադրբեջանն օգտագործում է Թուրքիայի եւ Իսրայէլի կողմից մատակարարւող անօդաչու թռչող սարքեր՝ հայկական զօրքերի, գիւղերի եւ քաղաքացիական բնակչութեան խոցման համար: Քաղաքացիական բնակչութեան վրայ ադրբեջանական ռազմական յարձակումները ռազմական յանցագործութիւններ են՝ Ժնեւեան կոնւենցիաներին համապատասխան»,- նշւած է յօդւածում։

Հայոց Ցեղասպանութիւնը ժխտելու, ատելութեան խօսքը պաշտօնապէս օգտագործելու եւ Արցախում խաղաղ բնակիչների վրայ ներկայիս յարձակումների պատճառով Genocide Watch-ը կարծում է, որ Ադրբեջանը գտնւում է 9-րդ՝ բնաջնջում ե 10-րդ՝ ժխտողականութիւն աստիճաններում։ 

Genocide Watch-ի գնահատմամբ՝ ՄԱԿ-ի անվտանգութեան խորհուրդը պէտք է պահանջի, որ Ադրբեջանը դադարեցնի բոլոր յարձակողական գործողութիւնները Արցախի Հանրապետութեան դէմ եւ կրակի դադարեցման հրաման տայ։

«ՄԱԿ-ի անվտանգութեան խորհուրդը պէտք է դիմի ՄԱԿ-ի գլխաւոր քարտուղարին եւ ԵԱՀԿ Մինսկի խմբին «բարի ծառայութիւնների» խնդրանքով՝ Ադրբեջանի եւ Հայաստանի միջեւ հակամարտութեան կարգաւորման համար: Անվտանգութեան խորհուրդը պէտք է Ադրբեջանին զէնքի վաճառքի էմբարգօ սահմանի։ Համաշխարհային առաջնորդները պէտք է դատապարտեն Ալիեւի ռեժիմի կողմից ատելութեան հրահրումը եւ ցեղասպանութեան ժխտումը»,- նշւում է Genocide Watch-ը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։