Հա

Քաղաքական

30/11/2020 - 16:00

Սեփական մեղքը քաւելու ցուցադրական քայլ մը

Ֆրանսայի ծերակոյտը 25 նոյեմբերին ձայներու մեծամասնութեամբ որդեգրեց «Լեռնային Ղարաբաղի Հանրապետութեան ճանաչման անհրաժեշտութեան մասին» բանաձեւը, որ կը պարունակէր, ֆրանսական կառավարութեան ուղղուած Արցախի անկախութիւնը ճանչնալու կողքին, շարք մը այլ հայանպաստ կոչեր, ինչպէս` ազրպէյճանական ուժերն ու անոնց աջակցող կազմաւորումները անյապաղ հեռացնել 27 սեպտեմբերի զինուորական գործողութիւններուն սկիզբէն ետք գրաւուած տարածքներէն, բոլոր ջանքերը գործադրել բանակցային հոլովոյթին վերսկսելու, 1994 թուականին գծուած սահմանները ապահովելու, ինչպէս նաեւ` հայ բնակչութեան անվտանգութիւնն ու տեղահանուած անձերու վերադարձի իրաւունքը ապահովելու համար:

ՎԱՀՐԱՄ ԷՄՄԻԵԱՆ

 

Ֆրանսայի ծերակոյտը 25 նոյեմբերին ձայներու մեծամասնութեամբ որդեգրեց «Լեռնային Ղարաբաղի Հանրապետութեան ճանաչման անհրաժեշտութեան մասին» բանաձեւը, որ կը պարունակէր, ֆրանսական կառավարութեան ուղղուած Արցախի անկախութիւնը ճանչնալու կողքին, շարք մը այլ հայանպաստ կոչեր, ինչպէս` ազրպէյճանական ուժերն ու անոնց աջակցող կազմաւորումները անյապաղ հեռացնել 27 սեպտեմբերի զինուորական գործողութիւններուն սկիզբէն ետք գրաւուած տարածքներէն, բոլոր ջանքերը գործադրել բանակցային հոլովոյթին վերսկսելու, 1994 թուականին գծուած սահմանները ապահովելու, ինչպէս նաեւ` հայ բնակչութեան անվտանգութիւնն ու տեղահանուած անձերու վերադարձի իրաւունքը ապահովելու համար:

Հոյակապ ու հայերուն սրտին խօսող, սակայն իրողապէս ոչ իրապաշտ կոչեր` նկատի ունենալով գետնի վրայ ստեղծուած առարկայական պայմանները. իրողութիւն մը, զոր նիստի ընթացքին հայերու վիրաւոր «ես»-ը շոյող գեղեցիկ խօսքեր արտասանող եւ բանաձեւին «թեր» քուէարկած ծերակուտականները վստահաբար քաջ գիտէին:

Ֆրանսայի ծերակոյտին քայլը, ինչպէս ամերիկացիները կ՛ըսեն` «Շատ քիչ, շատ ուշ» էր: Պատերազմի ամբողջ ընթացքին ֆրանսական կողմը կառչած մնաց ԵԱՀԿ-ի Մինսքի խմբակի համանախագահի կարգավիճակէն բխող «անկողմնակալութեան», բացառութեամբ պատերազմի սկիզբը Մաքրոնի կարգ մը յայտարարութիւններուն, որոնց գործնական արդիւնքը մարդասիրական օժանդակութեան տրամադրումը եղաւ: Հարկ է նաեւ նշել, որ ըստ կարգ մը տեղեկութիւններու, ազրպէյճանական կողմը պատերազմէն առաջ եւ ընթացքին ֆրանսական արտադրութեամբ արբանեակներէ օգտուած է հայկական ուժերու դիրքերու ճշդման համար, մինչ Փարիզ, ատոր զուգահեռ, հայկական կողմին միայն մարդասիրական օժանդակութիւն տրամադրեց: Երեւոյթ մը, որ հարցականներ կը ստեղծէ եւ կասկածի տակ կ՛առնէ այդ անկողմնակալութեան արժէքն ու անկեղծութիւնը: Զոհին ու նախայարձակին, իրաւունքին ու անիրաւութեան միջեւ երկարատեւ անկողմնակալութեան քաղաքականութիւն մը, որ զայն կիրարկողները մեղսակից կը դարձնէ ազրպէյճանական յանցագործութիւններուն ու բռնագրաւումին:

Ծերակոյտին քայլը ֆրանսական կողմին մեղքը քաւելու համար հայ ժողովուրդին «բարոյական յաղթանակ» մը պարգեւելով` զայն սփոփելու եւ անոր խոր ցաւը մեղմացնելու փորձ մըն է, սակայն նմանօրինակ կոչ մը, «թուղթի կտոր» մը, զայն որդեգրելու ցուցադրական քայլը չի կրնար ազգային աղէտին ահաւորութիւնը նոյնիսկ փոքրագոյն չափով նուազեցնել, ալ ո՛ւր մնաց, երբ անիկա կառավարութեան կողմէ մերժուած է:

 

«Ազդակ»

Յարակից լուրեր

  • Փրփուրին կառչելու փորձ մը
    Փրփուրին կառչելու փորձ մը

    11 յունուարին Մոսկուայի մէջ տեղի ունեցաւ Փաշիեան-Փութին-Ալիեւ եռակողմ հանդիպումը: Ստորագրուեցաւ եռակողմ նոր յայտարարութիւն մը, որ կը վերաբերէր տարածաշրջանին մէջ բոլոր տնտեսական եւ փոխադրական կապերու ապաշրջափակման` 9 նոյեմբերի յայտարարութեան 9-րդ կէտի իրականացման հետագայ աշխատանքներուն:

  • Ֆրանսիայի Վալանս քաղաքի փողոցներից մէկը «Ստեփանակերտ» կանւանւի
    Ֆրանսիայի Վալանս քաղաքի փողոցներից մէկը «Ստեփանակերտ» կանւանւի

    Ֆրանսիայի Վալանս քաղաքի փողոցներից մէկը «Ստեփանակերտ» կանւանւի:

  • Միակ իմաստալից ու կարեւոր քայլը
    Միակ իմաստալից ու կարեւոր քայլը

    Հայաստանի վարչապետ Նիկոլ Փաշինեան 16 դեկտեմբերին «Ազատութեան» հետ զրոյցի ընթացքին յայտարարեց. «Ես եմ իրավիճակի գլխաւոր պատասխանատուն, սակայն ոչ` թիւ մէկ մեղաւորը»: Յայտարարութիւն մը, որ հերքումէ մը աւելի` խոստովանութիւն է, մեղաւորութեան հաստատում:

  • Ֆրանսիայի Կլամարի քաղաքային խորհուրդը Արցախի ինքնիշխանութեան ճանաչման մասին բանաձեւ է ընդունել
    Ֆրանսիայի Կլամարի քաղաքային խորհուրդը Արցախի ինքնիշխանութեան ճանաչման մասին բանաձեւ է ընդունել

    Ֆրանսիայի Կլամար քաղաքի քաղաքային խորհուրդը ադրբեջանա-ղարաբաղեան հակամարտութեան վերջնական կարգաւորման եւ Արցախի ինքնիշխանութեան ճանաչման մասին բանաձեւ է ընդունել։ Այս մասին յայտնում է Արցախի արտաքին գործերի նախարարութիւնը:

  • Ուժի կիրարկումը մերժելի է, իսկ ատոր հետեւա՞նքը
    Ուժի կիրարկումը մերժելի է, իսկ ատոր հետեւա՞նքը

    ԵԱՀԿ-ի Մինսքի խմբակի համանախագահները աւարտեցին շրջան իրենց այցելութիւնը, որ 27 սեպտեմբերին Արցախի հանրապետութեան դէմ շղթայազերծուած ահաբեկչական վարձկաններու օգտագործմամբ թուրք-ազրպէյճանական յարձակումէն ետք առաջինն էր, ուստի ինչպէս մեկնաբանել այդ զարգացումին վերաբերեալ որեւէ ակնարկի աչք ծակող բացակայութիւնը: Հաղորդագրութիւնը կը բաւարարուի նշելով, թէ «երկու մայրաքաղաքներուն մէջ ալ կողմերը ներկայացուցին իրավիճակի գնահատականը»` ստեղծելով այն անհեթեթ տպաւորութիւնը, թէ այդ «իրավիճակ»-ը առեղծուածային է, ուստի եւ ենթակայ մէկէ աւելի մեկնաբանութեան:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։